Ef þið vitið ekki hvernig leikurinn fór, sem mér finnst ólíklegt, ekki lesa þessa grein…..





Já leikurinn við Þýskaland var þokkalega spennandi, maður getur alveg sagt það. Á köflum lá ég öskrandi í sófanum og mamma með mér :)
Við spiluðum alveg rosalega vel, vörnin var alveg að virka og sóknarleikurinn sömuleiðis. Við fengum mörg marktækifæri og við hefðum átt að nýta þau aðeins betur. Samt voru Þýskararnir rosalega heppnir björguðu meðal annars tvisvar á línu!

Það voru nokkrir leikmenn sem mér fannst alveg vera að gera frábæra hluti: Heiðar Helguson og Hermann Hreiðarson voru mjög góðir og Árni Gautur var líka að standa sig í markinu. Ég hef nú samt séð Eið Smára í betra stuði en hann var fínn samt.

Markalaust jafntefli við annað besta lið í heimi, Þjóðverja, er alveg ásættanlegt, en við hefðum alveg geta unnið þá, það er engin spurning. Við verðum bara að gera okkar lang besta í Þýskalandi og vinna þá í það skiptið, áfram Ísland!