Já, en spilling er svo annað mál. Kannski er spilling á álíka skala í Brussel og í Washington, en minni í Maine og Svíþjóð í samanburði. Líklega. Erfitt að mæla statístík en rökin þín halda samt sem áður, stærð samfélaga hefur mikið að gera með spillingu

(Þó með Ísland sem ágætis undantekningu, skarar eflaust langt fram úr í spillingu miðað við stærð og höfðatölu).

En ef við förum út í frelsisskerðingu sem var það sem við vorum að tala um þá veit ég ekki hvort ESB brjóti jafn alvarlega á og BNA. Vissulega er ýmislegt í lögum ESB sem skerðir einstaklingsfrelsi á fáránlega máta:

Bann á vændi. Við erum eflaust sammála þar. (Svipað á teningnum sumstaðar í BNA).

Bann á notkun fíkniefna. Algjör óþarfi. (Held þó að fíkniefnalöggjöf sé skárri í Evrópu en BNA, valdi færri dauðsföllum, sama skerðing samt).

Málfrelsi. BNA nýtur þess að hafa góða stjórnarskrá í þessum efnum. ESB ekki til fyrirmyndar í banni sínu gagnvart sumum rasisma. (Örugglega vel meint, en það er ávallt hættulegt þegar takmörk eru sett á málfrelsi, gefur slæmt fordæmi). Frelsi til að mótmæla er betra í Evrópu heldur en í BNA. Ef pólitíkus í Frakklandi myndi stingu upp á “free speech zone” í Frakklandi handa mótmælendum yrði líkast til hlegið að honum.

Pyntingar. Það hallar á BNA í þessu tilviki.

… Svo þegar öllu er á botninn hvolft sé ég ekki yfirburði frjálsustu hagkerfana gagnvart þeim næstfrjálsustu. Nema kannski Kanada sem kemur sæmilega út úr þessum hlutum. En þar er öflugt velferðarkerfi.

Hvernig ætli tafla kæmi út sem sýndi styrkleika velferðarkerfa eftir löndum. Mig grunar að hún myndi sýna frjálsustu löndin í heiminum, að undanskildum Hong Kong og Singapore.