svona fáein atriði.

a) Aukin stöðugleika og skýrari peningamálstjórn þar sem Seðlabanki Evrópu tryggði að verðbólga færi ekki yfir 2%. Launafólk er varið gegn ótímabærum gengisfellingum og óðaverðbólgu og rekstrargrundvöllur fyrirtækja verður mun stöðugari.

b) Nauðsynlegt aðhald í ríkisfjármálum, þar sem þátttaka skuldbindur okkur til að fara ekki yfir ákveðin mörk í halla á fjárlögum og í erlendri skuldasöfnun.

c) Stærsta (í efnhagslegu tilliti) heimamarkað í veröldinni með yfir 300 milljónum íbúa og þar með stórbætta markaðsstöðu fyrir allar vörur og þjónustu.

d) Ódýrari og einfaldari fjármögnun fyrir íslensk fyrirtæki. Þetta skiptir verulegu máli, ekki síst fyrir vaxandi atvinnugreinar.

e) Lægri vexti. Einn af kostnaðinum við að hafa lítinn, veikan gjaldmiðil er að vextir eru hærri en í ríkjum sem hafa sterkari gjaldmiðil. Vextir hafa að jafnaði verið a.m.k. fjórum prósentum lægri á evrusvæðinu en á Íslandi undanfarin áratug.

f) Aukna erlenda fjárfestingu. Erlendir fjárfestar þekkja ekki krónuna, íslenska efnhagsstjórn og íslenskar reglur um fjárfestingar. Með þátttöku í ESB og EMU verður mun einfaldara að laða að erlenda fjárfesta.

g) Sterkari gjaldmiðil. Gjaldeyrisspekúlantar hafa sífellt færi gjaldmiðla til að ráðast á. Íslenska krónan er sérstaklega viðkvæm og Seðlabanki Íslands getur komið litlum vörnum við án tengingar / samninga við aðra gjaldmiðla / seðlabanka sem eru tilbúnir til að fórna miklu til að verja krónuna.

Evrópusambandið er frjálst samstarf sjálfstæðra og fullvalda lýðræðisríkja. Sáttmálarnir fela í sér að ríkin taka á sig skuldbindingar á sviðum sem snerta efnhagsmál, utanríkismál, umhverfismál og félagsmál. Í stuttu máli á sviðum sem ríkin ráða ekki við hvert í sínu lagi eða þar sem sameiginlegar aðgerðir gefa betri árangur en einangraðar aðgerðir hvers fyrir sig. Ísland er hluti af hagkerfi Evrópu. Ef efnhag Evrópu er ógnað er efnhag okkar ógnað, ef öryggi Evrópu er stefnt í hættu er öryggi okkar í hættu. Í dag erum við einskonar viðhengi – áhrifalaus og einangruð. Við getum ekki breytt því að við erum hluti af Evrópu – getum ekki einangrað okkur út af kortinu. Þess vegna þurfum við að taka þátt í Evrópusambandinu á jafnréttisgrundvelli.

Ég ætla rétt að vona að ég þurfi ekki að úskýra þetta fyrir þér.

Geriru þér ekki grein fyrir afleiðingunum ef krónan hrynur enn meira? Það gæti t.d. valdið vöruskort, sérstaklega þar sem íslendingar framleiða nánast ekkert frá grunni sjálfir.

Athugasemd mín um að Íslendingar væru ekki þekktir fyrir góða efnahagstjórn byggi ég aðeins á sögulegum skilningi. Þó vona ég innilega að vandamál eins og eiga sér stað nú muni breyta þessu.

Þú málar einhverja mynd af Íslandi sem er vissulega mjög falleg. Auðvitað þyrftum við ekkert Evrópusamband ef öll stjórnsýsla væri framkvæmd með besta móti án nokkurra áhrifa frá hagsmunahópum. En því miður er ég ekki svona bjartsýnn og trúi ekki að útópían Ísland sé að verða að veruleika í bráðinni.

Ef einhver er að vera barnalegur hér þá ert það þú. Reyndu að vera raunsær og sjá að öll þessi “ef” þín eru orðin ansi mörg og stór.

Hvað gerir Íslendinga svo sérstaka að okkar hagsmunum er ekki best varið innan ESB þegar svo virðist sem lang flest lönd í Evrópu keppast um að sækja um aðil, sérstaklega minni ríkin? Mitt mat er að við erum alltof fámenn og háð innflutningi til að geta staðið ein og rekið okkar eigin gjaldmiðil.