Ég bara skil ekki afhverju einkabankar eigi að vera á ábyrgð ríkisins.

Byrjum á því að það er ekki víst að það séu mjög sterkar lagalegar stoðir á bak við kröfu Breta og Hollendinga, skv. álit nokkuð virtrar breskrar lögmannastofu, en það er annað mál.

Við ættum ekki að samþykkja ríkisábyrgð á núverandi samning, að mínu mati.

Afhverju? Í oktober á síðasta ári, eftir bankahrunið, gengust Íslendingar undir það að fara í samningarviðræður og borga það sem okkur bæri að borga. Vegna þessa vilja okkar til að semja var gert samkomulag um að við mundum fá að borga til baka á þannig kjörum að hægt væri að endurreisa efnahag landsins (þetta samkomulag er að mig minnir kallað Brussel-samkomulagið).

Einhverjir (Gylfi Magnússon viðskiptaráðherra td.) segja að við getum staðið undir greiðslum af núverandi samning, en hans útreikningar gera ráð fyrir 4% hagvexti næstu 15 árin, sem er ómögulegt. Sem dæmi gerir Kína ráð fyrir mestum hagvexti allra þjóða, 1,5%. (Þetta er skv. yfirferð á útreiknum Gylfa, gerð af doktor í hagfræði frá Cambridge)

Aðrir (bankastjóri Danske Bank, hagfræðiprófessor við Cambridge og hópur íslenskra hagfræðinga á vegum InDefence hópsins) hafa reiknað út að skuldir Íslands í erlendum gjaldeyri muni nema 253% af þjóðaframleiðslu, verði ríkisábyrgð á Icesave samþykkt. Skv. áliti IMF getur þjóð ekki staðið undir greiðslum á meira en 240% af þjóðarframleiðslu sinni, svo að dæmið gengur í raun ekki upp.

Þess vegna ætti að hafna ríkisábyrgð á núverandi útgáfu Icesave samkomulagsins, á þeim forsemdum að þetta stangist á við Brussel-samkomulagið. Ég efa að nágrannaþjóðir okkar fari að setja viðskiptabönn á okkur ef höfnum þeim á þessum nótum, en höldum áfram því viðhorfi að við viljum greiða þetta og fá að reisa við efnahag landsins í leiðinni.

Sjálur vil ég amk. ekki borga 60.000 krónur í erlendum gjaldeyri á mánuði á tímabilinu 2016-2024, sérstaklega ekki ef efnahagur landsins er löngu hruninn.

Það er nú enn óvíst að við berum lagalega ábyrgð. Engin ákvæði eru um þetta innan Evrópusambandsins vegna þess að það er aldrei reiknað með hruni heils hagkerfis. Er það ekki líka bara innistæðutryggingasjóðurinn sem á að dekka þetta, eða er eitthvað í lögum sem segir að ríkið verði að taka ábyrgðina? (aðeins orð ráðamanna við hrunið)

Og svo er það sitt hvort málið
1) hvort við eigum að borga þetta
2) hvort við eigum að sætta okkur við núverandi samning.

Sá eini sem getur í raun sagt til um þetta er Evrópudómstóllinn.

þar sem þetta eru einkafyrirtæki (undir einhverri ákveinni skilgreinigu sem ég man ekki alveg hvað heitir)ber okkur hvorki lagaleg skyld né höfum við heimild til að taka skuldirnar inn á ríkið
Við verðum aldrei óvinsæl viðskiptaþjóð út af þessu markaðurinn okkar flyst bara annað
Bretar gætu vissulega reynt að setja á okkur viðskiptabann en það er líka nóg til af öðrum löbdun sen eru fús til að taka við þeim viðskiptum frá þeim

Held þú misskiljir bara regluverkið. Það er ekkert ákvæði um ríkisábyrgð heldur átti að stofnsetja tryggingasjóð innistæðueiganda sem bankarnir greiða í, stærð hans þurfti að vera nægilega stór til þess að geta greitt hverjum innistæðueiganda um 21 þúsund evrur ef bankarnir töpuðu öllu.

Þegar bankarnir hérlendis fóru á hausinn voru sett neyðarlög sem m.a. gerðu ríkinu kleypt að tryggja allar innistæður Íslendinga í hérlendum bönkum. Sem og var gert. Bretar gerðu eins, eða hækkuðu trygginguna upp í 100 þúsund evrur. Tryggingasjóðirnir borga 21 þúsund evrur til hvers innistæðueiganda en ríkið borgar það sem eftir er. Þetta var allt saman gert með því að ríkið tók yfir rekstur bankana, og það verður þar með kröfuhafi. Breska ríkið gerir einfaldlega þá kröfu á íslenska ríkið að þeir borgi mismuninn einnig á móti þeim og vísa meðal annars til jafnræðisreglu. Íslendingar geta ekki rekið banka erlendis sem heyrir undir íslensk lög og svo mismunað viðskiptavinum sínum á grundvelli þjóðernis, þ.e. borgað allar innistæður Íslendinga en bara 21 þúsund evrur til annarra.

Þetta var fyrst og fremst klúður íslensku ríkisstjórnarinnar á sínum tíma, Sjálfstæðisflokksins og Samfylkingarinnar, að tryggja allar innistæður (jafnvel ef þú áttir meira en 100 milljónir í sparifé) því að endingu þurfum við sjálf að borga þetta, þ.e.a.s. ég, sem átti ekki neitt sparifé til að tala um, verð á næstu árum að borga einhverjum fjármálamanni sínar 100 milljónir í sparifé sem hann átti inni. Í þokkabót þarf ég að ganga undir bagga með breskum ríkisbubbum.

Skuldaþrælkun er bönnuð samkvæmt SÞ.

Í lögum sem gilda um EES meðlimi segir að ef allt bankakerfið hrynur eins og gerðist hér, er ábyrgðin ekki lengur hjá ríkinu.