Komstu alveg heill úr bílslysinu?

Sæll.

Er ekki helsta athugasemdin sú, að þú skulir ekki taka nógu skýrt fram að oft sé um undantekningu að ræða, þannig að fólk fær það á tilfinninguna að það sé verið að tala um alla múslima? Svo býst ég við að einhverjum kunni að finna að því, að aðeins sé fjallað um neikvæða hluti tengda múslimum og islam, en að sjaldan eða aldrei sé sagt eitthvað jákvætt.

Mér sjálfum finnst hvort tveggja vera alveg óþarft.

Hvert fór ‘þjóðlega kveðjan’?

Þorsteinn.

Sæll félagi,

Já, þú heldur það já. Málið er bara ekki svona einfalt, langt því frá. Ef ég væri aðili sem hataðist út í múslima myndi ég sennilega án efa nota þessar greinar til þess að halda því fram að allir múslimar væru vondir menn bara eins og þeir leggðu sig. Það hef ég bara ekki gert og það af frekar einfaldri ástæðu; ég hata ekki múslima. Einu múslimarnir sem ég er ekkert sérstaklega spenntur fyrir eru hinir svokölluðu öfgasinnuðu bókstafstrúarmenn sem eru ekki beint neinir sunnudagsskólastrákar. Það eru einmitt slíkir múslimar sem m.a. frömdu hermdarverkin í Bandaríkjunum, drápu kristna menn í Pakistan nú nýverið o.s.frv. og það eru einmitt slíkir aðilar sem ég hef verið að gagnrýna og aðra ekki.

Mér dettur bara ekki í hug að ætla að þó einhver hluti múslima fremji óhæfuverk að allir múslimar geri það. Sama á svo að sjálfsögðu við um alla aðra hópa manna. Það að vera múslimi, kristinn eða hvað annað er ekki ávísun á að viðkomandi sé slæmur maður, það hlýtur að segja sig sjálft. Ég hef ennfremur ekki gert þeim múslimum, sem ég hef gagnrýnt, upp neitt sem þeir hafa ekki verið sekir um og því er ekki um fordóma að ræða heldur staðreyndir. Því er það síður en svo augljóst að mér sé illa við þetta fólk eins og þú vilt láta í veðri vaka án sérstaks rökstuðnings. Ég væri því fyrst óheiðarlegur með því að segjast hata múslima einfaldlega vegna þess að ég geri það alls ekki. Veit ekki hvers vegna í ósköpunum ég ætti að leggjast svo lágt að dæma alla fylgjendur ákveðnra trúarbragða vegna framkomu aðeins hluta þeirra.

Svo má líka minna þig á eitt mikilvægt atriði sem ég nefndi við þig varðandi múslima þegar þú hést Vilmar. Það að vera múslimi hefur að gera með trúarbrögð en ekki kynþátt þannig að jafnvel þó ég hataði alla múslima þá gæti ég ekki kallast kynþáttahatari enda múslimar af fjölda kynþátta. En eins og fyrr segir þá hata ég að sjálfsögðu ekki múslima frekar en annað fólk.

Annars hef ég skrifað um margt annað en múslima um dagana bæði hér á Huga og annars staðar. Í augnablikinu veit ég bara ekki um nein sérstök óhæfuverk neinna annarra í heiminum. Málin varðandi hermdarverkin í Bandaríkjunum og árásirnar á Afganistan skyggja a.m.k. á allt annað í fjölmiðlum, sem síðan eru jú þeir aðilar sem maður fær helst upplýsingarnar frá. Þannig hefur það líka verið meira eða minna frá 11. september, en það má einmitt sjá að skrif mín um múslima byrja ekki fyrr en eftir það.

Þess utan þá vil ég nú meina að ég hafi fullt frelsi til að skrifa um hvað sem mig langar til og hafi í sjálfur sér engum jafnréttisskyldum að gegna í því. Ég get ekki séð að þó ég skrifi eina grein um hvíta að þá verði ég að skrifa eina grein um alla aðra kynstofna og að ef ég skrifa eina grein um flugvirkja að þá verði ég að gera slíkt hið sama varðandi allar aðrar starfsstéttir í landinu. Mönnum finnst ég kannski hafa skrifað mikið um múslima undanfarið en kannski það sé ekki síst vegna þess að aðrir hér á Huga hafa lítið sem ekkert skrifað á korkinn þannig að mínar greinar verða e.t.v. full áberandi? Ég get nú bara afskaplega lítið að því gert. Kannski málið sé að hvetja þá sem áhuga hafa á að skrifa um önnur mál til að skrifa um þau í stað þess að hvetja þá sem lítinn áhuga hafa kannski á að fjalla um þau mál til þess. Ef þú vilt sjá hér greinar um annað en mér hef dottið í hug að pára um þá hvet ég þig eindregið til þess í stað þess að vera að skamma mig fyrir að sinna ekki einhverjum skyldum sem mér ber engan veginn að sinna.

Annars myndi ég sennilega ekki endursegja þessar fréttir svona beint ef ég hefði ekki talið það í byrjun ákveðna tryggingu fyrir því að vera ekki stimplaður sem rasisti fyrir þessi skrif að ósekju. Ég gæti þá bent á það að þetta væri orðrétt úr viðkomandi fjölmiðli en ekki mín túlkun á fréttinni. Gallinn er þó auðvitað sá að það hefur sýnt sig að það breytir engu hvora aðferðafræðina sem maður notar, maður er brennimerktur rasisti engu að síður. Merkilegt hvað sumir menn geta alltaf verið málefnalegir…<br><br>Með kveðju,

Hjörtur J.