Ég las greinina þína. En last þú mína?

Það sem ég undra mig á er að þú takir þessum tölum bókstaflega og að þær hræði þig. Hvað er svona slæmt við islam?

Þú sem veist svona mikið um innflytjendamál í Danmörku hefðir nú einmitt átt að vita þetta. Svona svo að ég endurtaki mig enn og aftur, síðan 1973 hefur verið innflytjendabann í Danmörku!!!!! Fólk utan samstarfslanda þarf að hafa leyfi til að flytja inn í landið.

Innflytjendur eru ekki það sama og flóttamenn!!!!!!!

Það er kannski tími til kominn að þú kynnir þér muninn á þessum tveimur hlutum. Þeir flóttamenn sem hafa komið til Danmerkur eru vandlega valdir úr flóttamannabúðum í bágstöddum löndum á vegum Rauða Krossins. Þetta eru ekki innflytjendur. Og það fólk sem sækir um dvalarleyfi í Danmörku þarf að búa á lokuðum stöðum meðan umsókn þeirra eru meðhöndlaðar. Og það eru síður en svo margir sem sleppa í gegn.

Og veistu hvað? Af þeim gífurlega fjölda Sómala sem komu til Danmerkur kringum borgarastríðið þar í landi fyrir 6 árum er mjög stór hluti farinn til baka. Sömu sögu er að segja af Júgóslövunum. Flóttamannasamtökin gera allt sem í þeirra valdi stendur að hjálpa þeim sem þess óska að snúa tilbaka til heimalands síns. Og ekki ertu að fara fram á að fólk taki bara max tvö börn með sér?

Þú ættir kannski að spá í að gera greinarmun á hlutunum áður en þú byrjar að dæma.

Ég spurði þig fullt af spurningum, hversu mörgum svaraðir þú?

Er ekki bara gott mál að útlendingarnir í Danmörku sæki um ríkisborgararétt?

Hvað er svona slæmt við hugsunarhátt múslima? Þekkir þú múslimi, svona svo að ég endurtaki mig enn og aftur?

Það er þvert á móti ódýrt að ferðast til þessara landa. Og þar sem þú fylgist nú svo mikið með fjölmiðlunum í Danmörku þá ættir þú að vita að vinsælustu ferðamannastaðirnir eru grísku eyjarnar (Kos er alveg við Tyrkland), Tyrkland og Egyptaland. Það er ekki endalaust pláss á Spáni sjáðu til. Þar sem ég hef góð tengsl í ferðamálabransanum þá veit ég líka mikið um þetta, annars hefði ég ekki skrifað það.

Af hverju segirðu mig vera að snúa út úr fyrir þér? Ég spyr afar sanngjarna spurninga, sem þú einhverra hluta svarar ekki. Þú talar sjálfur um kind og geit og hvernig væri þá að þú myndir útskýra hvað þú átt við í stað þess að hlaupa í kringum eldinn?

Af hverju getur þú ekki tekið litaða manneskju, fædda og uppalda í landinu, sem er með danskan/íslenskan ríkisborgararétt sem fullgildan ríkisborgara?

Ef þú, sem segist ekki vera með skítkast, getur ekki svarað spurningum sem hafa með þínar skoðanir að gera án þess að skrifa hluti eins og “annars er þé frjálst að snúa út ú þessu ef þig lystir, dæmir þig bara sjálfa”, þá ertu að skjóta sjálfan þig í fótinn.

Og veistu hvað? Ekstra Bladet og BT eru síður en svo traustar heimildir!!! Það er eins og að lesa Séð og heyrt, þetta er nefnilega slúðurblöð sem koma út daglega, svokölluð æsifréttablöð þar sem allt er blásið upp með megaletri!!!

Bara aðeins smá.

Þú þarft ekki að leita langt til að fá staðfestingu á því að það hefur verið innflytjendabann síðan 1973 í DK því að þú linkar sjálfur á síðu sem skrifar um það!

Kíktu inn á Den Danske Forening og farðu undir Fakta. Fakta þýðir staðreyndir, og það er alltaf gott að kynna sér þær áður en maður tekur afstöður í málum.

Sorglegt að þú linkir bara á þessi tvö samtök þegar þú ert á annað borð byrjaður. Dansk Folkeparti er ekkert annað en róttækur þjóðernisflokkur sem er með margar kærur um rasisma á bakinu. Hefurðu heyrt um Mogens Glistrup? Hefurðu einhvern tímann heyrt Piu Kjærsgaard tjá sig?

Ekki það að ég eigi von á að þú svarir þessum spurningum.