Ó ó hvað það er vont að vera Framsóknarmaður í dag. Það eru bókstaflega allir vondir við formanninn knáa frá Hornafirði. Skotgrafarhernaður af verstu tegund. Og auðvitað er þetta sárt, því sannleikanum verður hver sárreiðastur.
Á Hrifluvef framsóknar er í dag grein eftir Hannes Helgason, þar sem hann hefur grafið sér skotgröf, tekið sér vopn í hönd og stokkið oní. Hannes þessi veit nefnilega að “if you cant beet them, join them”.
Vandamál framsóknarmanna er bara það, að skandall forsætisráðherra hverfur ekkert þó svo að aðrir hafi eitthvað óhreint í pokahorninu.

Það vita það allir, að þegar barn hefur gert í buxurnar, er nauðsynlegt að skipta fljótt á því, annars byrjar bossinn að brenna.
Það er orðið langt síðan að Halldór Ásgrímsson gerði í buxurnar í Búnaðarbankamálinu. Bossinn á honum er orðinn eldrauður, og því nauðsynlegt fyrir hann að láta skipta á sér, ef hann ætlar ekki að brenna botninn undan sér.

Ef flokksfélagar félaga Halldórs fara ekki að drífa í því að leysa niður um hann og hefja hreingerningarnar, er hætta á því að rasssærið fari að smita út frá sér, og fleiri muni missa rassinn er forsætisráðherrann broshýri.