Jamm það er merkilegt með þennan flutning á ríkisstofnunum. Starfsfólk Rarik er alveg brjálað yfir því að þurfa kannski að fara út á land til að halda í störfin sín en staðreyndin er sú að Rarik er fyrirtæki sem ekki hefur einn einasta viðskiptavina inná höfuðborgarsvæðinu. Ennþá fáránlegra var þetta í tilfelli byggðastofnunnar, fólkið sem vinnur við það að sannfæra fólk um gæði þess að búa úti á landi vildi sjálft frekar segja upp en að fylgja stofnuninni til Sauðárkróks.

Þetta mál með flutning ríkisstofnana út á land var byrjað löngu áður en Valgerður kom (t.d. voru Landmælingarnar fluttar alla leið uppá Skaga!).
Aðalástæðan fyrir því að hún er of undirgefin Davíð Oddssyni og gerir eins og hann vill að hún geri (nema þegar hún gleymdi því nýlega að hafa samráð við sjálfstæðisflokkinn og Byggðastofnun í sambandi við byggðamál).

Ég þori ekkert að fullyrða um hvort það er gáfulegt eða ekki að senda þessar stofnanir út á land… en eitt er á hreinu.

Þessu byggðavandamáli verður að redda.

Vandamálið er að allir eru að flytja til Reykjavíkur. Það er almennt mat Reykvíkinga að ekkert vit sé í því að búa úti á landsbyggðinni, en 90% þeirra sem fullyrða svo, er fólk sem hefur sjálft aldrei búið á landsbyggðinni og veit einfaldlega ekkert um hvað það er að tala.

Ég bjó sjálfur úti í rassgati í tvö ár, og það var ágætt, þrátt fyrir að ég var ekki einu sinni í byggð. Þetta var eiginlega bara hús undir fjalli, lengst úti í rassgati. En fólk reddar sér… eða flytur til Reykjavíkur. Gallinn við þetta er að það eru fleiri og fleiri að flytja til Reykjavíkur, og þegar nokkrir eru farnir, eru allir farnir.

Þess vegna þarf einhvern veginn í ósköpunum að virkja þessa blessaða landsbyggð og gera fólki það kleyft að flytja þangað. Og það gerist ekkert bara með því að smella fingrum.

Eins og ég segi hef ég ekki kynnt mér spekina á bakvið það að flytja þetta dótarí út á land, en ég vil benda á að þetta vandamál er til staðar, og það þarf einhvern veginn að leysa.

Ég held reyndar sjálfur að það þurfi róttækari aðgerðir en að flytja einhverjar ríkisstofnanir út á land. Fyrst og fremst; Samgöngur.

Hefur aldrei komið upp sú hugmynd að leggja lest alveg austur að Höfn? Á öllu þessu svæði er hlýtt og notalegt að vera eins og í Reykjavík, en það tekur bara fáránlegan tíma að fara þetta.<br><br>Friður.

<A HREF='mailto:helgi@binary.is'>Helgi Hrafn Gunnarsson</A>
helgi@binary.is