Rökin sem borgin notar til að styðja framkvæmdina:

Koma Landsspítalanum öllum á sömu lóðina
Gera “umferðarúrbætur” á kaflanum frá Njarðargötu að Snorrabraut með 6 akreina hraðbraut
Koma brúnni undir Bústaðaveg í notkun

Mín rök á móti:

Byggja frekar við Borgarspítala heldur en Landsspítala, fullt af landi í kringum Borgarspítala
Eyðileggur framtíðarskipulag með tilliti til uppbyggingar, ekki bara í Vatnsmýrinni, heldur allstaðar fyrir vestan Snorrabraut þar sem verið er að koma með svipaða hraðbraut og gengur í gegnum Kópavog og er nú komin á leiðinni uppí Breiðholt, 6 akreina gata. Ég vil ekki svoleiðis götur inní þéttbýli.
Mun skera eyrina sem Reykjavík stendur á í tvennt og styrkja flugvöllinn í sessi.
Ímynduð þörf á mislægum gatnamótum og 6 akreinum á Hringbraut, ástand skapast einungis tvisvar á dag í 30 mínútur í senn og það réttlætir ekki svona stóra aðgerð.
Gamla Hringbrautin verður enn til staðar og gatan minnkar í 4 akreinar á Miklubraut þannig að fáránleiki þessarar framkvæmdar verður algjör.

Það er aðallega samgönguráðuneytið og þ.a.l. sjálfstæðisflokkurinn sem hefur verið að ýta á eftir þessari framkvæmd. Stefna sjálfstæðisflokkssins og smagönguráðuneytisins er að ýta undir notkun einkabílsins og þannig að ýta undir allar framkvæmdir á umferðarmannvirkjum sem stuðla að stærri götum og fleiri bílum. Persónulega finnst mér þetta skelfilega heimskulegt hugarfar. Þetta er leiðin sem menn fóru í Bandaríkjunum á 20. öldinni og það sem þeir uppskáru eru endalaus úthverfi með hraðbrautum í kring og ekkert hægt að komast nema að gera ráð fyrir klukkutíma akstri í sitthvora átt. Menn þar vestra eru búnir að átta sig á mistökunum og nú eru skipuleggjendur að líta aftur til klassískra borgargilda, með áherslu á hvernig Manhattan er uppbyggð, og uppbygging “miðbæja” og nýrra hverfa í San Fransisco dalnum gengur út á það að skapa aftur sjálfbæra byggð eins og hún hefur þróast í gegnum aldirnar, þar sem fólk á ekki að þurfa að nota einkabílinn í allar sínar aðgerðir.

Endalaus útþenslustefna Reykjavíkur eru sömu mistökin og menn gerðu en eru búnir að átta sig á þar vestra. T.d. finnst mér byggðin í Grafarholti og áformuð byggð í Norðlingaholti, um 18km frá miðbæ Reykjavíkur, alveg fáránleg. Það er risastórt land í miðri borginni, þar sem flugvöllurinn stendur, þar sem hægt væri að byggja blandaða byggð með allt að 40.000 íbúum. Í stað þess að nýta það land og gera borg úr Reykjavík, er stefna stjórnvalda að halda áfram að byggja lítil og einmanaleg hverfi út í buskanum þar sem enginn kemst neitt nema á sinni eigin sjálfrennireið.<br><br><b>Tilvitnun:</b><br><hr><i>lífið er banvænn sjúkdómur, svo kvalarfullur að deyfingin er möst.</i><br><h