Ég bý ekki einu sinni á Íslandi. Ég bý í Kanada þar sem er heilbrigðiskerfi með biðlistum eins og á Íslandi og öryrkjabætur eru líka lágar. Hér er fjölþrepa skattkerfi en skv. mínum útreikningum kemur láglaunafólk hér aðeins verr út úr skattinum en á Íslandi en hálaunafólk aðeins betur. Ekki að það skipti svo miklu máli.

Annars verður að vera jafnvægi einhvers staðar. Svíar voru t.d. með mjög gott sósíal kerfi fyrir 10-20 árum en það var bara allt að fara í rugl hjá þeim og þeir neyddust til að skera niður. T.d. höfðu atvinnulausir það svo gott á bótunum að það var ekki nokkur hvati fyrir þá að leita sér að vinnu og erfitt var að fá hálaunamenn eins og t.d. lækna til að vinna yfirvinnu því þeir voru þá komnir í 80% skatthlutfall. Ef það væri skortur á læknum, myndir þú þá ekki vilja það frekar ef þú lentir á slysadeild að þú fengir lækni sem væri að græða feitt á að taka aukavakt en að þú fengir engan lækni þar sem hann ákvað að taka ekki vaktina fyrst hann fengi hvort sem er engan pening fyrir hana?

Ef þú lendir eínhvern tímann í því að hafa góðar tekur áttu eftir að sjá það að fólki finnst það aldrei hafa nóg. Þú eyðir því sem þú hefur, pínulítið flottari íbúð, pínu flottari bíll, hefur kannski efni á að senda krakkana í tónlistarskóla OG íþróttir en það eru fáir sem eru virkilega ríkir. Sumir hafa bara pínulítið meira. Eftir því sem þú pínir þetta fólk meira, þá gerir þú það minna eftirsóknarvert fyrir það að búa áfram í landinu. Með sína menntun getur það farið eitthvað annað þar sem það getur haft meiri tekjur eftir skatt. Eftir sitja svo öryrkjar og láglaunafólk og enginn til að sjá fyrir þeim.