jbjorn fyrir 21 árum, 8 mánuðum Fjöldi lestra: 188

Okur á áfengi og fíkniefni

Það er algjörlega út í hött að gera eiturlyf lögleg og það er einföld ástæða fyrir því: Alls staðar þar sem aðgangur að fíknilyfjum hefur verið auðveldur hefur neysla lyfjanna stóraukist. Fyrir 1906 voru engin bönn í Bandaríkjunum á lyfjum sem við í dag köllum fíkniefni og neysla þeirra var orðin meiri háttar plága. Í löndum þar sem eiturlyfjasmygl þrífst og hópar manna græða milljarða í augnablikinu – t.d. í Mexíkó og Pakistan – þar síast góssið inn á innanlandsmarkað (er fyrir hendi) og hörmungar fylgja í kjölfarið. Milljónir hafa fallið fyrir heróíni í Pakistan á s.l. 15 árum og stór svæði í Mexíkó nálægt bandaríska markaðinum, svæði þar sem eiturlyf voru óþekkt fyrir nokkrum árum, eru að fyllast af dóphausum. Mannskepnan er veik fyrir alls konar nautnum, en greinilega veikust fyrir þegar dóp er annars vegar.

Það er líka algjörlega út í hött þegar íslenska ríkið fer í beina verðsamkeppni við dópsala og okrar svívirðilega áfengi. Í þessum málum erum við á steinöld. Þegar maður ferðast um siðmanntað ríki eins og t.d. Ítalíu þá blasir ódýrt vín við manni í öllum búðum og sjaldan sést drukkinn maður. Við verðum að stórlækka verð á áfengi og hætta að hegða okkur eins og einn alherjar sértrúarflokkur!

MrGoodman fyrir 21 árum, 8 mánuðum

“Alls staðar þar sem aðgangur að fíknilyfjum hefur verið auðveldur hefur neysla lyfjanna stóraukist.”

Ég held að þú þurfir að kynna þér þetta betur. Það er ekki langt síðan að Hollendingar lýstu því yfir að þeir væru mjög ánægðir með sína stefnu í fíkniefnamálum. Ástæðan fyrir þessari ánægju er sú að hlutfall ungs fólks sem prófar kannabisefni lækkar með hverju árinu og meðalaldur heróínfíkla hefur hækkað um allt að 30% (aldur hækkar því það byrja alltaf færri og færri í heróínneyslu).
Einnig hafa íbúar Sviss ekki fundið neytt athugavert við kannabisneyslu þjóð sinnar síðan þeir lögleiddu kannabisefni.
Vissiru líka að misnotkun á Amfetamíni varð ekki þekkt á Íslandi fyrr en það var bannað?

“Það er líka algjörlega út í hött þegar íslenska ríkið fer í beina verðsamkeppni við dópsala og okrar svívirðilega áfengi.”

Aftur held ég að þú megir hugsa þig aðeins betur um. Fínkiefni kosta sáralítið í framleiðslu og því væri ógerlegt fyrir fíkniefnasala að halda í við verð sem ríkið setti upp, þrátt fyrir að ríkið mundi skattleggja. Kannabis má rækta fyrir lítin sem engan pening, Afmetamín kostar ekki mikið meira en 500kr per kílógramm í framleiðslu, Kókaían má rækta fyrir sáralítin pening og vinna það svo fyrir lágan kostnað, Heróín og morfín er unnið úr valmúa (sem er blóm) og kostar því einnig lítið í framleiðslu.

“Þegar maður ferðast um siðmanntað ríki eins og t.d. Ítalíu þá blasir ódýrt vín við manni í öllum búðum og sjaldan sést drukkinn maður. Við verðum að stórlækka verð á áfengi og hætta að hegða okkur eins og einn alherjar sértrúarflokkur!”

Þarna finnst mér þú ekki gera þér grein fyrir því að Ítalir eiga aldrei við skammdegisþunglyndi að stríða (enda er ekkert skammdegi á Ítalíu), sem við Íslendingar þekkjum mjög vel og margir þjást af. Þú verður að líta á heildarmyndina, það er alltaf ástæða fyrir því að einstaklingur vill “breyta veruleika sínum”. Þú þarft ekki að flýja veruleikan ef það er ekkert að.

Mér þykir einkennilegt að þú viljir lækka verð á áfengi og á sama tíma viltu halda öðrum fíkniefnum ólöglegum, mér finnst þetta loða við að vera hræsni af verstu gráðu. Áfengi er langt frá því að vera saklausara vímuefni en þessi ólöglegu, að mínu mati er það í mörgum tilfellum hættulegra (mörgum, ekki öllum).

Ég er ekkert endilega á því að það eigi að lögleiða kannabisefni og ég er alls ekki á þeirri skoðun að það eigi að leyfi sterkari fíkniefni. Ég er meira til í að berjast fyrir banni á áfengi en berjast fyrir lögleiðingu fíkniefna, þar sem það er (einsog ég segi) ekkert hættuminna en önur fíkniefni. Góðar stundir.

“Ignorance is bliss, therefore i will remain ignorant!”

“Fullyrðingar geta aldrei orðið marktækar án rökstuðnings!”</i

Góðar stundir.

Fyrra álit

einaraxel fyrir 21 árum, 8 mánuðum

Rugl, amfetamín var herfilega misnotað áður en það var bannað, eins með heróín, morfín og ópíum(og sennilega fleiri efni líka). Það eru alltaf tvö möguleg svör við hverri spurningu, nema þegar það eru fleiri… eða færri.

(\_/)

Fyrra álit

MrGoodman fyrir 21 árum, 8 mánuðum

Í fyrsta lagi hefur misnotkun heróíni og ópíum aldrei þekkst á Íslandi (sem betur fer). Misnotkun á morfíni er tilturlega nýþekkt vandamál á Íslandi.
En hins vegar er það alveg rétt að ég hljóp á mig þarna. Amfetamín misnotkun þekktist hér á landi. Misnotkunin varð bara ekki jafn stórt vandamál og það er í dag fyrr en eftir að það var tekið úr læknishöndum.

“Árið 1970 sendi samstarfshópur um ávana- og fíknilyf frá sér álit þar sem fram kom að örvandi lyf væru talsvert misnotuð, einkum amfetamín. Nefndin lagði til að fylgst yrði betur með lyfjaávísunum lækna. Með reglugerð árið 1974 varð amfetamín eftirritunarskylt. Þetta þýðir að sjúklingurinn þarf að hafa undir höndum sérstakt lyfjakort, sem landlæknir veitir, til að fá lyfið sitt. Skömmu eftir að þessari skipan mála var komið á fór að bera á ólöglega innfluttu amfetamíni á fíkniefnamarkaðinum. Neytendur amfetamíns höfðu ekki lengur aðgang að læknum og leituðu nú til fíkniefnasala til að fullnægja þörf sinni fyrir örvandi lyf. Til að auka gróðann af sölunni og fjármagna eigin neyslu er amfetamínið drýgt með mjólkursykri eða öðrum íblöndunarefnum. Gæði efnisins dvína því verulega. Að sama skapi jókst kaupverð amfetamíns gífurlega frá því sem áður var. Hvoru tveggja leiddi til þess að sumir neytendur hófu að sprauta efninu í æð. Þannig fæst hámarksnýting á hverju grammi. Þegar hér er komið sögu hefur eðli spíttneyslunnar breyst drjúgum. Fram er kominn harður kjarni sprautuneytenda sem svífst einskis til að útvega sér fjármagn og lyf. Innbrot og önnur glæpastarfsemi verða fylgifiskar fíkninnar. Tilraunir með inntöku efna eins og fortrals, morfíns og annarra sterkra verkjadeyfandi lyfja fara vaxandi.

Ekki þarf að fjölyrða um þann gífurlega vanda sem af þessari þróun hefur hlotist. Áætlað er að 300 manns á Íslandi sprauti sig daglega með efnum sem hafa örvandi verkun. Nú er svo komið að landlæknir gengur fram fyrir skjöldu og biður yfirvöld um að dreifa nálum og sprautum meðal þessa ólánssama hóps. Spyrja má hvort að stjórnvöld hefði betur setið á strák sínum og horft framhjá misnotkun amfetamíns á meðan hún var að einhverju leyti undir eftirliti lækna. Afskiptasemi opinberra aðila hratt af stað atburðarás sem leitt hefur til ófremdarástands sem ennþá er ekki séð fyrir endann á.”

Viljum við fara sömu leið með valmúaefni? Góðar stundir.

“Ignorance is bliss, therefore i will remain ignorant!”

“Fullyrðingar geta aldrei orðið marktækar án rökstuðnings!”</i

Góðar stundir.

Fyrra álit

apj fyrir 21 árum, 8 mánuðum

banna þetta bara. ef klám er bannað afþví að það skaðar einhverju afhverju má þá ríkið þá græða á eymd annara? Mótóið mitt er:
Ekki taka lífið of alvarlega, því þú kemst hvort eð er ekkert lifandi frá því.
Vandamálið er bara að það er helvíti erfitt að fara eftir því ;)

Paul Auster úr The Locked room skrifaði: <hr>Þegar allt kemur til alls er lífið ekki annað en summa óvæntra atvika, röð tilviljunakenndra tenginga, heppni, handahófskenndir viðburðir sem opinbera ekki annað en tilgagnsleysi sitt <h

Já…..

Fyrra álit

Stjórnmál

Stjórnmál

Ofurhugar

Stjórnendur

Hverjir eru inni

Korkar - Pólitískar umræður

Okur á áfengi og fíkniefni

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi