Jæja, þá er Inga beib loksins búin að skíta á sig fyrir alþjóð! Og það all hressilega. Þvílíkur aulabárður…

Mig langaði að heyra hvern þið álítið næsta borgarstjóraefni R listans..? Mér sýnist á fréttum mbl.is að daman sé búin að skíta í skóinn sinn og sé hreinlega ekki velkomin mikið lengur í borgarstjórastólinn…
Enda var alveg við því að búast. Þú stendur ekki TVISVAR frami fyrir alþjóð og segist ekki ætla í framboð í alþingiskosningunum og svo nokkrum vikum síðar gengurðu þvert á orð þín og ferð í alvarlegar viðræður um að taka sæti á lista EINS aðildarfélags R listans - Samfylkingunni. Dæmið gengur bara ekki upp.

Ég hlustaði á umræðu um þessi mál í útvarpinu í dag, svo sem ekki merkileg umræða en það kom einn sterkur punktur fram í henni. Annar útvarpsmaðurinn sagði að það væri svo merkilegt með stjórnmálamenn að þeir lofa og lofa uppí ermina á sér en svo eru þeir varla búnir að snúa sér við þegar þeir eru búnir að svíkja það allt saman. En þá benti hinn útvarpsmaðurinn á eitt, það eru að fæstir stjórnmálamenn svo vitlausir að lofa 100% uppí ermina á sér. Þeir svara oftast með “ja-ne” svari þar sem þeir svona bæði samþykkja og neita einhverju.
En Solla sagði hreint út að hún ætlaði ekki í framboð - TVISVAR - og er svo að ganga þvert á orð sín núna.

Já, það væri gaman að heyra hvað þið Reykvíkingar hafið að segja um þessi mál. Hver verður næsti borgarstjórinn? Ekki verður það Björn Bjarnason… Óheppnir þið. Að kjósa R listann eins og sauðir (afsakið orðbragðið) og halda virkilega að þetta pakk sem gæti aldrei unnið “vel” saman undir einum hatti geti virkilega stjórnað borginni svona lengi. R listinn er bara klúbbur sem saman stendur af þremur pólitískum félögum sem öll eru með sitt hvora stefnuskránna og eru öll á reiki við pólitísku miðjuna. Einn flokkurinn er til vinstri á meðan að næsti er vinstri/miðjuflokkur og sá þriðji er í miðjunni… Gengur ekki upp.

Einnig væri gaman að reifa það með ykkur hvað þið haldið að Inga beib fari að gera. Allt bendir til að hún missi jobbið sitt sem borgarstjóri og ef hún tekur 5. sæti á lista Samf. þá er hún ekki einu sinni örugg á þing…

Ég vona ég sé ekki búinn að æsa einhverja krata og komma upp í hjartaáfall með þessum léttu “spaugs-alvöru” vangaveltum mínum.. En það er alveg ljóst að kommar og kratar hafa aldrei, og munu aldrei vinna vel saman. Hvað þá undir einum hatti! haha :)

Kv, litla bláahöndin