Reyndar var það Pétur sem tók Jóhönnu í nefið. Það er náttúrulega voða vinsælt ætla að skipa nefnd sem reynir að finna leið til þess að láta fólk með 90.000 kr. í tekjur og minna ekki þurfa að borga skatt. En það sem Pétur bendir réttilega á að það er ekki hægt nema að annað hvort að láta ríkið tapa mörgum milljörðum (ekki bara einum eins og Jóhanna reynir að fullyrða) eða að láta verða til jaðarskatt en hann vill enginn, ekki heldur Jóhanna. Jóhann gat ekki komið með nein úrræði hvernig ætti að fara að því að láta þá sem eru með 90.000 kr. eða minn ekki borga skatt þ.e. hvernig ríkið ætti að fá peninginn sem tapaðist til baka. Algjörlega tilganslaust að stofna einhverja nefnd til að komast að augljósri niðurstöðu. Pétur væri hins vegar vel til ef skattakerfið allt yrði skoðað. Pétur er sá eini á Alþingi sem reiknar dæmin til enda, eins og sást bersýnilega með spron málið þar sem hann sagði frá hvað myndi gerast ef lögin gengu í gildi en enginn hlustaði, en svo kom allt á daginn sem hann hafði sagt. En sjáðu til ef þú hækkar frítekjumarkið um 1000 kr. á mánuði þá fær ríkið 380 kr. minna frá hverjum skattgreiðanda á mánuði sem gera 4560 kr. á ári. Skattgreiðendur á Íslandi eru um 150.000 sem þýðir að ríkið fái 684.000.000 kr. minna í skatttekjur á ári. Ef frítekjumarkið yrði hækkað uppí 90.000 kr. skattatekjur ríkisins minnka um 23 sinnum 684 milljónir sem gera tæpa 16 milljarða sem er 16 sinnum hærri tala en Jóhanna&Co eru að tala um.

Svo vil ég einnig benda fólki á það þegar fjármagnstekjuskattur er lækkaður þýðir það ekki endilega minni tekjur í ríkissjóð því lækkunin verðu hvati til fjárfesta að fjárfesta hér á landi og flytja ekki hagnaði úr landi. Eins og Pétur bendir réttilega á að síðan fjármagnstekjskattur var lækkkaður úr um 48% í 10% hafa tekjuur ríkisins af þeim skattti sjöfaldast. Ástæðan er sú að fólk er mun líklegra að taka þátt í mörkuðum þegar þeir þurfa bara að greiða 10% af hagnaði en ekki 48%.

Sama er með fyrirtæki þetta verður þeim hvati til að skila betri afkomu ef skattur á þau eru lækkuð. Einning er nauðsynlegt að það komi fram að ef skattar er minnkaðir á fyrirtæki gerir það fyrirtækjunum auðveldara fyrir að borga hærri laun.

Þannig að fólk skal vara sig að hlusta á svona atkvæðakaupatal þ.e. við erum voða góð því við viljum stofna nefnd sem athugar möguleikann á að þessir eða hinir þurfa ekki að borga skatt. Það skal enginn halda því fram að Pétur og fleiri vilji að þeir sem minna megi sín hafi það slæmt, heldur eru þeir ábyrgir orða sinna. Ef efnahagur fyrirtækja og ríkisins er ekki góður þá verður allt mun erfiðara í rekstri, heilsugæslan, lögreglan og menntakerfið. Efnahagskerfið er grundvöllur góðra lífskjara á landinu. Því miður er ekki bara hægt að hækka frítekjumarkið með einum fingrasmelli og allt verður óbreytt að öðru leyti.

p.s. vona að þið skiljið pistilinn