Það tók steininn úr þegar ég frétti það um daginn að prestar eru farnir að rukka fyrir fermingarfræðslu! Og það heilar 7.500 kr. fyrir barn. Hvað með einstæða foreldra eða efnaminna fólk? Verður þetta til þess að halda börnunum frá Guði, einfaldlega vegna þess að foreldrar hafa ekki efni á því að senda þau þangað? Hvað varð um orð Jesús: Leyfið börnunum að koma til mín, bannið þeim það ekki?

xhugi.

Góð hugleiðing og stórþörf. Hér í eina tíð þegar stórfjölskyldan bjó saman og börnin eyddu ´meira en fjórum, fimm klukkustundum á heimili sínu vakandi, þá var einhver fullorðin heima með tíma til þess að fræða börnin um Guð og góða siði.

Ég held að kirkjan hafi nú verið að reyna að bæta sig, og koma til móts við breytt samfélag, en betur má ef duga skal, það er alveg rétt.

Stjórnmálamenn þora ekki að láta sér um munn fara svo sem eitt orð um trúmál, þótt þjóðkirkja sé við lýði í landinu.

Það er alveg rétt að ríkið er svo sannarlega “ alfa og omega ” alls og nú á dögunum hlýddi ég á einn speking ríkisins tjá sig í útvarpi um það að engum væri treystandi nema ríkinu til þess að selja óhollustuvöru eins og tóbak.
Að öllum líkindum sökum þess að sá hinn sami fær laun sín greidd af séreyrnamerktum skatti á tóbak, sem þetta sama ríki setti á.

kveðja.
gmaria.

Við sjáum verstu glæpina sem okkur hryllir mest við gerast hjá “guðhræddu” fólki, sbr. kaþólsku prestana í Bandaríkjunum. Aðskilnaður ríkis og kirkju er nauðsynlegur í nánustu framtíð. Sem betur fer eru stjórnmálamenn ekki að tala mikið um þessa opinberlega viðurkenndu sjálfsblekkingu, þ.e. kristnu trúna. Ekki misskilja mig, mér er annt um andleg málefni, en mér finnst þau vera persónulegt mál hvers og eins og harðstjórn að þvinga einni trú fram yfir aðra. Kirkjan er ekki að standa sig í núverandi formi sem ríkisstofnun og gerir sennilega meiri skaða en gagn. Kennum börnunum trúarbragðasögu og siðfræði og kennum þeim að rækta með sér umburðarlyndi gagnvart öðru fólki. Kennum þeim að reiða sig á eigin skynsemi og brjóstvit og taka sjálf ábyrgð á gerðum sínum. Það er allt sem þarf. Annað er einkamál hvers og eins.

Trú og pólítík, xhugi: Þú ert s.s. að vitna óbeint í biblíuna með þessum hérna boðskap: Það sniðugasta hjá djöflinum var það að sannfæra fólk um það að hann væri ekki til. Hver sagði það að trú á Jesús væri sjálfsblekking. En getur einhver komið hingað og sagt mér í fullri sannfæringu um að ein trú sé betri en önnur. Eitt sem þú sagðir er í raun mjög satt. Kirkjan, eins og hún er í dag er hálfúrelt. Ríkið, þá meina ég alþingi, ríkisstjórnin o.s.frv geta ekki staðið og talað um mál- og trúfrelsi og farið síðan að tala um guð og Jesú. Það væri hræsni. Jesú er ekkert endilega gleymdur en boðskapur hans er það stundum. Glæpamenn hlaupa og ná í biblíur og tala um það að þeir séu frelsaðir. Hvað á fólk að gera. Gleyma settum lögum og reglum og segja að lög Guðs séu æðri en lög nokkurs ríkis. Ég myndi ekki vilja búa í ríki eða landi þar sem svoleiðis misnotkun á trúnni færi fram. Guðhræðsla: Góður eða vondur hlutur, hmmm. Fólk brenndi annað fólk á báli fyrir að vera nornir. Hvaða fólk var það og afhverju. Þetta er dæmi um að það séu ekki bara kostir við guðhræðslu.

Persónulega nenni ég ekki í kirkju á morgnanna…
er mikið fyri það að sofa út og slaka á og gera helst ekkert fyrir hádegi um helgar… maður er nú einu sinni í fríi!

Ef messar væri einnir haldin um 2 eða 3 þá held ég að talsvert fleiri myndu mæta……. ég mundi gera það…


Siggibet

“Við sjáum að um leið og Guðshræðslan hverfur þá fylgja hræðilegir glæpir og afskiptaleysið í kjölfarið.” En hefur Guðshræðslan ekki líka leitt til hræðilegra glæpa? Kristnin hefur verið notuð til að halda fólki niðri í margar aldir, notuð til að blekkja fólk og notuð af siðlausu fólki til að komast til valda.

Ég held í raun að við værum betur sett án skipulagðra trúarbragða. Ég tel að betra væri að við myndum efla trúna á sjálf okkur og skynsemina.

Ég held að Þjóðkirkjunni sé haldið uppi af fólkinu sem er alveg sama. Þeir sem eru mjög trúaðir og þeir sem eru trúlausir eru hvað mest á móti þessari stofnun. En það er liðið sem fermist af því bara, giftir sig í kirkju af því að það er svo “rómantískt”, fer í kirkju á jólunum af því að það er hefð o.s.frv. sem heldur þessari stofnun. En stór hluti þessa fólk er ekki trúað í raun.

Ég sagði mig úr Þjóðkirkjunni fyrir ca. 2 árum og mér líður bara miklu betur á eftir og nú er ég samkvæmt pappírunum trúlaus. En samt er ég ekki beint trúlaus(trúi samt ekki á Guð), ég er bara sífellt að pæla í þessu öllu og ég efast um að ég komist nokkurn tíma að niðurstöðu.

Með kveðju, Xenia

Maður þarf ekki að vera trúaður til að vera samviskusamur eða góður.

Ég er trúlaus, en reyni samt mitt besta til að vera góður við fólk og gera heiminn betri, ég hata það hvernig trúað fólk gerir sjálfkrafa ráð fyrir að maður þurfi að vera trúaður til að láta gott af sér leiða.

Það getur verið að þú hafir samt á vissan hátt rétt fyrir þér, 90% landsmanna segjast kristin, en lifir í raun voðalega lítið eftir boðskapnum, hvað þá bókstafnum (reyndar er bókstafstrú að mínu mati helsta vandamál heimsins í dag, en það er önnur saga)

Af hverju segirðu að afskiptaleysi og glæpir fylgi í kjölfar þess að fólk hætti að vera guðhrætt, er ekki betra að menn séu góðir sjálfs þess vegna og til þess að gera heiminn betri, en að menn séu góðir til að guð refsi þeim ekki?

Fyrir hönd trúleysingja mótmæli ég þessum órökstuddu alhæfingum.

Ég verð að segja eins og mér finnst. Ég sé ekki hvað þessi grein er að gera á þessu áhugamáli.

Trú og stjórnmál eru ekki hið sama. Trú, og sérstaklega trú á borð við Kristna trú, ber að aðskilja frá stjórnmálum ef eitthvað er.

Ef þú heldur að glæpir, eiturlyf og slíkt séu eitthvað nýtt á nálinni eða tilkomnir fyrir trúleysi, þá vil ég benda þér á að skoða söguna betur. Eini munurinn á nútímanum og fortíðinni hvað varðar hræðilega hluti sem mannskepnan gerir, er að í dag erum við upplýstari. Við fáum að heyra frá hverjum einasta hrottafengna atburði í hinum gjörvalla vestræna heimi! Fyrr á öldum taldist gott ef menn vissu hvað var að gerast í þeirra eigin landi, svo það er full mikil fljótfærni að kenna skorti á Kristinni trú um vegi mannsins í dag.

Ég held ekki að neinu verði bjargað með því að þvöngla saman trú og stjórnmálum. Það er einfaldlega engin þörf á því. Hjá unglingunum er Guð “úti” bara eins og hann hefur alltaf verið. Mér þætti gaman að lesa rit um þá kynslóð sem hefur ung tekið á móti Guði og tileinkað sér hans hætti. Uppreisn er ákveðið eðli ungdómsins… og fullkomlega með réttu. Ungt fólk hefur alltaf verið tormóttækilegt fyrir ríkjandi trú, það er þannig í dag eins og það hefur alltaf verið. Það er ennfremur engin ástæða til þess að breyta því. Trú er eitthvað sem hver einstaklingur verður að finna sjálfur… ekki bara fyrir heilaþvott, áróður og þvinganir (eins og Kristnir hafa verið þekktir fyrir að beita öldum saman þó maður hefði haldið að þeir væru vaxnir upp úr því núna).

Persónulega held ég að fólk sé í dag farið að líta aðeins of mikið á það hvað er satt og rétt sem aðalatriði trúar. Trúarbrögð og trúarrit eru ekki til þess gerð að heilla menn upp úr skónum og til þess að láta þá lifa einhverju fáránlegu lífi. Það eru bókstafstrúarmenn sem fara þá algerlega óskiljanlegu og svívirðilega barnalegu aðferð að fara nákvæmlega eftir tilteknu trúarriti í öllu sem þeir gera, en svona ofstæki býr auðvitað bara til mótlæti og greinileg birtuskil í fylgi. Með þessu gera þeir sjálfa sig að “vitleysingum” sem enginn vill samsvara sig við, og þar af leiðandi minnka þeir álit almúgans á trúnni sjálfri, með því að menga hana með þeirri vitleysu sem þeir hafa í höfði sjálfir.

En þeir gleyma því að það skiptir ekki svo miklu máli nákvæmlega hvað stendur í trúarritinu eða nákvæmlega upp á sérhljóða hvað einhver leiðtogi segir. Trúarrit eru ekki bara þýdd á milli tungumála, heldur endurskrifuð þúsund sinnum, og verða endurskrifuð oftar og oftar. Jafnvel bara orðalag og tungumál getur gjörbreytt merkingu trúarritsins, svo að það má ekki líta á trúarritið sem algerar idiot-proof leiðbeiningar til betra lífs, það er það sem það er… trúarrit. Þjóðkirkja Íslendinga og prestar hennar hafa verið blessunarlega sveigjanleg hvað þessi efni varðar.

Sem betur fer hefur hin ágæta þjóðkirkja okkar aldrei aðhyllst þessa vitleysu. Fyrir vikið hafa ofsatrúarmenn fengið meiri umfjöllun á meðal almennings og í daglegu umtali heldur en þjóðkirkjan, en ég verð að segja eins og er, að ég er ekki fyrir neitt leyti ósáttur við starf kirkjunnar. Ef svo til kæmi að Íslendingar myndu kjósa að verða opinberlega trúlaus þjóð, þá yrði ég hlynntur aðskilnaði kirkju og ríkis, en alveg sama hvað gerist, er ég alfarið mótfallinn því að blanda saman trú og stjórnmálunum sjálfum.

Ég hélt reyndar að hinn vestræni heimur væri búinn að átta sig á því um þessar mundir að það er ekkert sniðugt. Merkilegt að sjá grein þína hérna, ég er henni að mestu ósammála. :)

Æi, mér finnst að það ætti að aðskilja ríki og kirkju. Þá getur kirkjan fengið það fólk til sín sem vill vera í henni og stundað almennilegt starf. Þá er hún líka í sömu sporum og önnur trúfélög. Ég sé ekki önnur trúfélög væla jafn mikið um peningaleysi og þessi kirkja sem er rekin af sjálfu ríkinu og hefur óteljandi meðlimi líka. Það er engum að kenna nema prestastéttinni hversu innilega óáhugavert starf þeirra getur verið. Auðvitað ekki allsstaðar, en oft engu að síður. Hvers vegna þarf líka allt að vera kristið? Þú getur enga sönnun borið fyrir því að allt sé komið frá guði, ekki frekar en fólk annarra trúa. Hvers vegna þarf að vera svo slæmt að trúa á annað en hinn kristna guð eða einfaldlega bara ekki neitt? Það er það einmitt ekki og stjórnarskráin ver þann rétt fólks til að trúa á það sem það vill og að því ætti ekki að vera mismunað fyrir þær sakir. Fólk er einfaldlega að nýta sér þann rétt og það er EKKERT að því. Hvað er líka svo gott við að vera guðHRÆDDUR? Ég myndi heldur vilja fylgja einhverjum guði sem ég þyrfti ekki að vera hrædd við heldur en að haga mér eins og heilagur hálfbjáni og vera fátæklingur til að forðast eilífa vist í helvíti sem enginn veit einu sinni hvort er til. Jú, auðvitað er margt fallegt í kristni, ég rengi það ekki. En það má heldur ekki gleyma því að það er líka margt ljótt og að ekki leynist minni spilling í prestastéttinni en öðrum stéttum. Æi, nú er ég farin út fyrir efnið. Ég ætti kannski að hætta þessu… :)

Er eitthvað betra að lifa í lygi og trúa á þetta bull sem stendur í biblíuni. Mannkynið mun ekki geta lifað í friði fyrr en trúarbrögð tilheyra fortíðinni