Sæl,

Ég er ekki viss um atvinnuleysið hér á landi einmitt núna en gæti trúað að það sé einhvers staðar í kring um 2%.

Kv.

Hjörtu

Atvinnuleysi í apríl mældist 3,2% skv. Hagstofunni en skráð atvinnuleysi var 2,6% skv. Vinnumálastofnun.

Sæll,

Samkvæmt þeim ESB-sinnum sem ég hef rætt við eru þetta nú síður en svo góðar fréttir fyrir þeirra málstað. Upptaka evrunnar ýtir undir atvinnuleysi og eykur verulega líkurnar á svokölluðu kreppuatvinnuleysi sem er langvarandi fjöldaatvinnuleysi. Það eru nú varla góðar fréttir. Auk þess eru flestir ef ekki allir sammála um að ef við göngum í ESB muni atvinnuleysi hér á landi aukast töluvert og sér í lagi ef við tökum upp evruna þar sem m.a. svigrúm stjórnvalda til að bregðast við auknu atvinnuleysi, og möguleikar þeirra til að draga úr því, minnka mjög við upptöku sameiginlegs gjaldmiðils sem stjórnast ekki nema að örlitlu leyti af aðstæðum í viðkomandi landi.

Kv.

Hjörtu

Sæll,

Það sagði ég alls ekki enda er það ekki svo. Hina vegar er það m.a. mat sérfræðinga Landsbankans að upptaka evrunnar auki líkurnar á atvinnulaysi m.a. vegna þess að upptaka hennar minnkar svigrúm stjórnvalda í hverju landi fyrir sig til að bregast við auknu atvinnuleysi.

Kv.

Hjörtu

Sæl öll,

Upptaka evru mun auka líkur á fjöldaatvinnuleysi

Á aðalfundi Samtaka atvinnulífsins þann 9. maí sl. var lögð fram skýrzla sem tekin var saman af hagfræðingunum Ásgeiri Jónssyni og Sigurði Jóhannessyni fyrir samtökin. Skýrzla þessi ber heitið “Sveigjanleiki á vinnumarkaði og upptaka evrunnar” en samkvæmt henni mun upptaka evru á Íslandi leiða til þess að sveigjanleiki á íslenzkum vinnumarkaði, sem hingað til hefur allajafna verið mjög mikill, glatizt.

Rannsókn tvímenninganna gefur til kynna að upptaka evrunnar hér á landi muni draga úr svigrúmi á íslenzkum vinnumarkaði. Ennfremur kemur fram í skýrzlunni að upptaka evrunnar muni auka líkurnar á svokölluðu kreppuatvinnuleysi, þ.e. fjöldaatvinnuleysi, sem er eitthvað sem menn hafa ekki þekkt hér á landi síðan í kreppunni miklu á fjórða áratug 20. aldarinnar. Slíkt fjöldaatvinnuleysi er hins vegar velþekkt og viðvarandi fyrirbæri víða á meginlandi Evrópu og stafar það að miklu leyti af skorti á sveigjanleika á vinnumörkuðum þar að mati skýrzluhöfunda. Upptaka evrunnar víða á meginlandinu hefur síðan síður en svo bætt þá stöðu.

Í skýrzlunni segir m.a. orðrétt: “Upptaka evrunnar myndi því draga úr svigrúmi íslenskra stjórnvalda til þess að viðhalda fullri atvinnu. … Sú stefna að færa taxta nær greiddum launum getur því falið í sér töluverðan kostnað fyrir þjóðfélagið með kreppuatvinnuleysi ef á móti blæs í efnahagslífinu og ekki verður lengur hægt að mæta vandanum með peningaprentun og verðbólgu.”

Í skýrzlunni segir ennfremur að lítil ríki eigi auðveldara um vik með að bregðast við atvinnuleysi og stöðnun í hagvexti en stærri ríki. Evran þýði endalok sjálfstæðrar peningamálastefnu og svigjanlegs gengis og skapi þannig mikinn ósveigjanleika á vinnumarkaði. Því er gert ráð fyrir að sameiginlegur gjaldmiðill, eins og evran, auki verulega líkurnar á fjöldaatvinnuleysi í þeim löndum sem taka hann upp.

Heimild:
“Upptaka evrunnar dregur úr svigrúmi á vinnumarkaði” - Morgunblaðið, 8. maí 2002.

Kv.

Hjörtur J.

Sæll,

Tölurnar eru úr Morgunblaðinu fyrir skemmstu og þaðan konar frá erlendum fréttamiðlum svo sem AP og Reuters. Ég geri ráð fyrir að þær séu skv. nýjustu heimildum í þeim efnum.

Kv.

Hjörtu

Ef síðustu tölur eru í apríl þá eru 15 ára unglingar væntanlega enn skólaskyldir í 10. bekk þannig að það skiptir ekki máli fyrir samanburðinn.