Ef það hefði komið út könnun, um að ef tollar á útflutning sjávar-útvegs myndi verða íslenskum sjávarútvegi til mikilla góða, Við fengjum bróðurpartin af gjaldinu til baka, o.sfrv þá hefður nú ekki verið á sama máli…….
(og kannski ekki ég heldur :))

Sæll,

Við getum nú fyrir það fyrsta einfaldlega ekki sótt um aðild eins og staðan er núna, t.d. er verðbólgan of há og einnig skuldir ríkissjóðs víst of miklar.

Það er því rétt sem Davíð segir að aðild að ESB er bara ekki á dagskrá. Fyrir mér persónulega er það þó bara engan veginn inni í myndinni.

Kv.

Hjörtu

Ósköp einföld ástæða fyrir því, diplómatískt séð er það helber dónaskapur að setja í gang umsóknarferli og hætta svo við eftir að búið er að komast að því hvað umsókn gefur eða tekur.

Ef þjóðir sækja á annað borð um aðild þýðir það að þær séu búnar að kynna sér til hlítar það sem innganga hefur í för með sér.

Svipað og að vera að “spá” í að gera einhvern stórmagnaðan viðburð og setja í gang allt ferli tengt þessum viðburði, sækja um leyfi fyrir hinu og þessu, panta og ganga frá aðstöðu og allt þess háttar og segja svo, þegar allt þetta er frágengið, “æji, nei, nenni þessu ekki .. hætti bara við þetta allt saman”.

Ímyndaðu þér nú að þú sért t.d. að reka verslun og færð símtal um miðja nótt þar sem einhver sé að spá í að gera við þig heljarinnar viðskipti, þú opnar sjoppuna, aðilinn skoðar sig um og segir svo … æji nei, held ég eyði peningunum í eitthvað annað í staðinn.

Svo ég vitni í Dabba Kóng, svona gerir maður ekki.

Ég tiltók styrkina nú bara sem dæmi.

Passaðu þrýstinginn maður.

Af hverju er stórmál að fá tollum aflétt af fiskinum það virðist vera svo mikil eftirspurn að venjulegir Íslendingar veigra sér við að kaupa hann, ‘Isan á 900 kr. kg. vs. Kalkúnn á 600 kr.kg.! Og hver vill fleiri túrista ? Er ekki komið nóg þegar þeir eru orðnir jafn margir og íbúarnir á ári ? ’Eg held að það þætti bara orðið meir en nóg, jafnvel á Spáni.

Eitt enn Hjörtur minn…

5. varstu/ertu á móti ees-samningnum???
ef svarið er já, myndirðu þá vilja að segja mér afhverju???

ppps: Ég á erfitt með að greina þig og FF, í sundur. Þegar þú tjáir þig er það þá stefna FF, ert þú málsvari FF, og eru skrif þín hér komin frá þér eingöngu, eða frá flokknum.
Ert þú svona Davíð FF. Ég á svo erfitt með að skilja þetta og vona að þessi fáviska mín standi ekki lengi yfir :)

ALLT Í GÓÐU :)

kv;vigni

Sæll Vignir,

Jæja félagi. Ég sakaði þig aldrei um að vera kominn í rökþrot heldur sagði bara að þegar menn væru með útúrsnúninga þá benti það ósjaldan til þess að sú staða væri komin upp hjá mönnum. Mér fannst þú vera með útúrsnúninga en fullyrti auðvitað ekkert um það enda álitamál. Þú hefur hins vegar greinilega tekið þetta til þín og það er auðvitað bara þitt mál.

Ég hef mér vitanlega svarað spurningum þínum félagi en ég býzt við að það séu ekki þau svör sem þú vilt fá og þess vegna geri ég ráð fyrir að þú sért ekki sáttur. Þú ert því sennilega ekki ósáttur við að ég svari ekki heldur að ég skuli ekki svara eins og þú vilt að ég svari. Þú verður þó bara að afsaka en ég hef ekki í hyggju að svara öðruvísi en samkvæmt eigin hugsjónum og skoðunum.

Ég hef annars ekki klippt neinar greinar úr fjölmiðlum til hér heldur hef ég allajafna birt þær í heild sinni, bæði með þeim atriðum sem eru til þess að styrkja mín sjónarmið og sem eru ekki til þess. Hins vegar hef ég birt þessar greinar sem svör aðeins þegar þær hafa sérstaklega verið til þess fallnar að svara spurningum þínum.

1. Ég er 100% hlynntur því að leggja ESB-aðild í þjóðaratkvæði ef skera á um það hvort menn vilja aðild eður ei. Það hef ég áður tekið fram. Það er t.d. einu sinni eitt stefnumál Flokks framfarasinna að slík mikilvæg mál eigi að leggja í þjóðaratkvæði. Hins vegar er það bara engan veginn tímabært í nánustu framtíð þar sem við einfaldlega uppfyllum ekki þau skilyrði sem þarf til að geta sótt um aðild. Það hef ég líka margoft bent á.

2. Vignir, ég er ekki aðili sem hægt er að gera kröfu um að sé hlutlaus í málflutningi sínum. Ég er í sjálfu sér bara gaur af götunni í þeim skilningi eins og þú og flestir aðrir. Fjölmiðlar hafa þá skyldu í lýðræðislegu þjóðfélagi að vera hlutlausir í hápólitískum málum og sömuleiðis faglegar stofnanir á vegum hins opinbera. Hægt er að gera kröfu um hlutleysi til þeirra en ekki einkaaðila. Hélt að þetta væri nú augljóst en svo er þó greinilega ekki í sumum tilfellum…

Ég hef gagnrýnt harðlega þennan innflytjendabækling, já, en ekki vegna innihaldsins heldur vegna þess hverjir gáfu hann út. Ég hef ekkert á móti því að sjónarmið innflytjenda heyrist til jafns við önnur, enda annað ekki lýðræðislegt, en ég er ekki sáttur við að rekinn sé einhliða áróður í hápólitísku máli í gegnum sjóði faglegra opinberra stofnana. Það er ekki lýðræðislegt.

Mér ber þannig auðvitað engin skylda, frekar en þú eða aðrir einstaklingar, til að fjalla um mál nema út frá mínum eigin skoðunum. Ég hef annars aldrei séð þig skrifa um galla ESB svo mig minni, enda í sjálfu sér ekkert athugavert við það þar sem þér ber engin skylda til þess. Þú vilt hins vegar leggja slíka ólýðræðislega skyldu á mínar herðar af einhverjum einkennilegum ástæðum.

3. Ég er ekki hræsnari ef þú ert að ýja að því. Ég gagnrýndi hlutdræga umfjöllun fjölmiðla um kosningarnar í Frakklandi, já, vegna þess að fjölmiðlum í lýðræðisþjóðfélagi ber að vera hlutlausum eins þeir mögulega geta. Ég skil hins vegar ekki hvað þú ert að fara með því að þegar lýðræðið ógni mínum skoðunum þá sé lýðræðið ekki eins mikilvægt? Hvað áttu eiginlega við með því? Lýðræðið er alltaf mikilvægt að mínu mati.

4. Ég tel einfaldlega virkt lýðræðislegt þjóðfélag bezt til þess fallið að tryggja lýðræðið í sessi og vernda það. Ég tel annars sjálfur að lýðræðið eigi alltaf að vera til staðar og því eigi ekki að ýta til hliðar á neinum forsendum. Ég tel mig ekki neitt betur til þess fallinn að standa vörð um lýðræðið á Íslandi en þig eða hvern annan borgara þessa lands. Lýðræðið er að mínu mati samvinnuverkefni og grundvöllur sem við byggjum þetta þjóðfélag á og þó við séum e.t.v. ósammála um ýmis mál þá hljótum við, a.m.k. flest, að vera hlynnt því að þetta þjóðfélag byggi áfram á lýðræðishugsjóninni.

Nei, það kemur mér í sjálfu sér ekkert við þótt þú grínist við menn hér á Huga en það er kannski annað mál þegar það beinizt gegn skoðunum manns sjálfs. Fyndist þér það ekki eðlilegt að svertingi, sem væri notandi hér á Huga, gerði athugasemd við brandara sem birtizt fyrir allra augum hér og sem gerði grín að svertingjum? Mér þætti það persónulega fullkomlega eðlilegt.

Auðvitað má gera grín að flestu a.m.k. ef það er bara grín en ekki eitthvað alvarlegra en það. Mér fannst þetta grín þitt hins vegar vera hártoganir og ef þú hefur áhuga á því að standa í persónulegum samræðum við einstaka notendur hér á Huga, og vilt ekki að aðrir skipti sér að þeim, þá gæti ég trúað að það væri heppilegra að senda þeim bara póst en þú ræður því auðvitað sjálfur. Hins vegar ef þú stendur í slíkum samræðum á opinberum vettvangi þá máttu alltaf gera ráð fyrir því að einhver finni hjá sér þörf til að segja álit sitt á þeim skrifum. Og það gerði ég.

Ég hef síðan aldrei verið að grafa undan öðrum notendum hér né upphefja sjálfan mig, kannast ekki við það og hef ennfremur ekki hugmynd um hvað þú ert að tala um. Ef þú hins vegar stendur svo höllum fæti málefnalega að ekki megi anda á þig til að jarðvegurinn undir þér hverfi þá er það þitt vandamál en ekki mitt. Hér fara fram pólitískar skylmingar og ef menn treysta sér ekki til að taka þátt í þeim þá er alveg spurning hvort þeir eigi nokkuð að vera að því. En það er auðvitað þeirra eigið val.

Ég hef enga þörf fyrir að segja öðrum að þeir hafi takmarkaða þekkingu á málunum þó þeir séu ekki sammála mér. Mér er alveg sama í sjálfu sér þó menn hafi aðrar skoðanir en ég, það er bara hið bezta mál, enda væri annars lítið gaman að ræða málin. Hins vegar er það nú bara staðreynd að sumir vita meira um málin en aðrir eins og gengur og gerizt. Hvar ég stend í þeim málum er ekki mitt að dæma heldur annarra. Ég veit þó að ég veit það sem ég veit og ég veit ennfremur að það er töluvert.

Það getur síðan að lokum án efa hver sem er vottað það að þetta svar mitt er ekki fullt af einhverri drullu þó ég efist ekki um að þér kunni e.t.v. að finnast það. Ég hef sennilega fengið yfir mig mun meiri drullu hér á Huga í gegnum tíðina en þú nokkurn tímann en ekki er ég þó að kvarta. Annars er þér auðvitað í sjálfsvald sett hvort þú svarar þessu eður ei.

Hafðu það svo bara sem bezt félagi,

Kv.

Hjörtu