“re: veltikort - Einmitt það já, ég hef nú ekki orðið var við það að það hafi eitthvað verið erfiðara að fá veltikort í Landsbankanum en annars staðar. “
Þekki þetta af eigin reynslu, þjónustufulltrúar Landsbankans eru að vara við þeim. Telst varla góð sölumennska ef þau eru í boði hjá þeim.
”re: EES - Þvílíkt bull í þér. Ætlarðu að segja það að EES hafi neytt Íslendinga til þess að taka meiri lán, eða neytt bankana til þess að veita lánin? “
Nei, innganga í EES gerði stórum fyrirtækjum og bönkum mun auðveldara að nálgast fjármagn erlendis og bjóða okkur fólkinu. Bílalánin o.s.frv. EES er því, sem er staðreynd, það sem kom domínó áhrifunum af stað. Fólk hefur svo auðvitað fengið að láni óskynsamlega enda mjög auðvelt að fá lán eftir inngönguna, mun auðveldara en nokkrum sinnum fyrr.
Þú veist að það er ekki byssan sem drepur fólk, það er sá sem notar hana!
”re: Sjálfstæði - Það er einmitt stjórn efnahagsmála í landinu sem steypti Íslendingum í skuldafen. T.d. sú staðreynd að Íslendingar hafa mun minni ráðstöfunartekjur eftir skatta og önnur útgjöld til ríkisins/sveitarfélaga en í flestum löndum í hinum vestræna heimi segir allt sem segja þarf. “
…kaupmáttur hefur verið að aukast hjá okkur umfram ESB ríkin nú 8 árið í röð, fyrsta skipti í sögu lýðveldisins. Slæm efnahagsstjórn? Seðlabankinn er orðin frjálsari og með EES er fjárlst flæði fjármagns milli Íslands og Evrópulanda, eitthvað sem ríkistjórnin getur ekkert gert í. Það eru allir sammála um að EES innganga hafi verið skynsöm, veit ekki betur en vegna góðrar efnahagsstjórnunar á Íslandi hafi verið hægt að komast hjá verðbólgusprengju sem er stór hætta af við svona aðstæður og efnahagshorfur á Íslandi eru bjartar eins og allir vita.
En vittu til, ef við hefðum ekki farið í EES hefði þessi þennsla ekki orðið, kemur ríkistjórninni ekkert við í raun, nema að hafa samþykkt auðvitað aðild!
Niðursveiflan var stutt og lítil, framundan er mjög bjart, tala nú ekki um í ljósi allra þessara stóriðjuframkvæmda. Svo auðvitað 20 milljarðar inní hagkferfið líka vegna deCODE. Erfitt að færa rök fyrir lélegri efnahagstjórn án þess að fara með dylgjur!
”re: ESB - Ef við værum í ESB hefði gengissigið aldrei orðið og höfuðstóll erlendra lána hefði ekki rokið upp um 30-40%! Einnig væri vaxtastig í landinu lægra, og vöruverð töluvert lægra.
Og já, það kemur almenningi best að vera í ESB! “
Gengið var vitlaust skráð á Íslandi og því hefði AUÐVITAÐ það sama gerst við inngönu í ESB…við hefðum alltaf verið tilneydd til að láta gengið fljóta.
Aftur. Ef vextir lækka eykst þennsla, auðvitað, lægri vextir af lánum, fólk tekur fleiri lán og eyðir meira. Í ESB löndum eru vextir lágir því þar er verið að ýta undir þennslu, Hjá okkur erum við að reyna koma í veg fyrir þennslu. Hvernig í dauðanum eigum við að geta átt samleið með þessum löndum á meðan efnahagur okkur sveiflast svona langt frá þeim? Hagfræðilega er það bara ekki hægt.
Það er enginn sem hefur geta leitt rök að því að ESB aðild sé okkur fyrir bestu og í raun nenni ég ekki ESB umræðu. Hún strandar alltaf á þessu sama sem engin getur fært rök á móti, efnahagur íslendinga býður ekki uppá aðild.
“re: skuldasöfnun - Þetta er nú ekki svona auðvelt. Því þetta er allt spurning um framboð og eftirspurn. Því þegar allt kemur til alls þá eru bankarnir að keppa um viðskiptavini, og þegar þeir bjóða nánast ótakmarkað framboð þá er ekkert skrýtið að eftirspurn aukist. Þetta er lögmál markaðarins! “
Það er nefnilega málið. Eftir inngöngu í EES var framboðið á fjarmagni stóraukið! Bankarnir buðu viðskiptavinum sínum meira af lánum sem þeir fengu bolmagn til að bjóða. Viðskiptavinirnir eyddu í vörur og þjónustu og þennsla varð til.
Hagkerfið varð frjálsara og markaðurinn meira látin ráða, sem er gott mál
Ríkistjórnin gat ekki, og gæti það ekki aftur gert nokkuð í þessu. Við höfum sem betur fer völd yfir verðbólgu tólunum ennþá. Ef þetta hefði verið ESB innganga hefðum við þurft að lúta vaxtastefnu ESB (sem hentar okkur ekki) og taka upp Evruna sem eins og við sjáum að ofan gengur ekki gagnvart Íslenskum efnahag.
”Ef að ríkið gerði fólki kleyft að lifa af laununum sínum, þá væri þessi staða ekki uppi í dag. Fyrir fjölskyldu, með 150-200 þús. mánaðarlaun fyrir skatta, er nánast ómögulegt að leyfa sér eitthvað eins og t.d. að eiga tölvu eða bíl án þess að taka lán sem eru á okurvöxtum. “
Samt eru við á listanum yfir þær þjóðir sem hafa það best. Íslendingar eru með ríkari þjóðum í heimi. Í 6 sæti minnir mig ef allt er tekið inní myndina. Sú þjónusta, frelsi, tekjur o.s.frv. sem hér er. Þetta staðfestir nýleg skýrsla Sameinuðuþjóðanna að við séum á topp 10 lista yfir þær þjóðir sem best sé að búa í. Hér ert þú kominn í einhverjar ógöngur í máli þínu. Af hverju ættum við að hætta þessu fyrir inngöngu í ESB?
Auðvitað má gera betur á mörgum sviðum, en hér er atvinnuleysi minna en í ESB löndum og kaupmáttur stöðugt að aukast…af hverju þurfum við ESB? Atvinnuleysi eykst við inngönguna og við verðum háðari öðrum löndum og hagkerfum sem eru mjög ólík okkar. Við höfum mjög ólíkar þarfir í stórum dráttum en þau.
”Þó að fjölskyldurnar eigi nokkra sök á ástandinu þá bera bankarnir og ríkið töluverða ábyrgð líka.”
Ríkið ekki neitt. Jú hefði geta sleppt inngöngu í EES. Að öðru leiti er ómögulegt að færa rök fyrir því að ríkið eigi hlut að máli. Bankarnir auðvitað. Þeir lána fólkinu en sjáðu, það er fólkið sem fær lánaða peningana.
Stjórnendur fyrirækja landsins og fólkið er auðvitað þau sem bera ábyrgð á þessari liltlu lægð sem reyndar er á enda. Ef fólk vill geta bent á fleiri þætti, þá er það EES…sem kemur ríkistjórninni nákvæmlega ekkert við þar sem innganga í EES er eitthvað sem ekki er deilt um hvort hafi verið skynsöm eða ekki.
Kv
gg
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína.