Er ekki ágætt ástand í Rúmeníu þessa dagana? Er einhver ástæða fyrir fólk að gerast pólitískir flóttamenn þar? Bara senda þetta lið þangað aftur finnst mér. Fyrst þeir segjast vera þaðan.

Annars reyndist sá síðasti sem kom hingað sem pólitískur flóttamaður frá “Rúmeníu” vera pólverji og meðan hann hafði það gott í íbúð frá Rauða Krossinum og með matarpening frá þeim eða féló meðan verið var að athuga hans mál, þá braust hann inn á mörgum stöðum og sendi þýfið í pósti til mömmu sinnar. Lönd sem gera vel við flóttamenn eru misnotuð í kássu. Hins vegar finnst mér allt í lagi að taka inn erlent farandverkafólk þegar vantar vinnuafl en það á ekki að fá neina sér meðferð í kerfinu.

Mér finnst nú varðandi þetta að við ættum þá bara að krefjast einhverra skilríkja við komu. Eftir því sem ég kemst næst er það fyllilega löglegt skv. Schengen. Ef það hefði verið gert um daginn er ekkert ólíklegt að sígaunarnir hefðu verið stoppaðir þarna fyrir austan strax við komu til landsins.

Sælinú,

ég tel mig hafa aðra ástæðu til að setja mig upp á móti Schengen, burt séð frá krónum og aurum, en það eru þær viðamiklu persónunjósnir sem eru stundaðar í skjóli Schengen.

En að öðru.

Rúmenar koma til Íslands. Etv. ekki með löglegum leiðum. Hvað er annars lögleg leið? Hver er löglegur innflytjendi, hver samdi þessi lög og hverju þjóna þau? Því í ósköpunum er svo nauðsynlegt að þeim sé snúið við á hæli og send til baka?

Afhverju ekki að aðstoða fólkið einfaldlega við að festa rætur hér á landi?

kveðja
Lenín

Ég vil nú bara minni höfund þessarar greinar á að Schengen tekur ekki að einu einasta agnarsmáa leyti til tollgæslu og eftirlits með því hvað fólk flytur á milli landa. Þetta er bara til að fólk frá ríkjum innan Schengen sleppi við vegabréfsskoðun sem er að sjálfsögðu hið besta mál.

Sæl öll,

Eftirfarandi er grein eftir mig um Schengen sem fyrr á þessu ári var birt hér á Huga, á Framfarir.net og í Morgunblaðinu. Eftir því sem mér hefur síðan verið tjáð frá öruggum aðilum var ekki gerð nein athugasemd við efni hennar af yfirvarðstjóra lögreglunnar á Keflavíkurflugvelli né forstjóra Útlendingaeftirlitsins:

———————–

Schengen - aðild að auknum vandamálum

Það er nú eins með Schengen-samstarfið og aðra hluti að við það eru bæði kostir og gallar. Höfuðgallinn við Schengen er sá að kostir samstarfsins blikna í samanburði við gallana. Fyrir það fyrsta er kostnaður íslenskra skattgreiðenda vegna þátttökunnar í Schengen gífurlegur eða um 3-4 milljarðar í upphafsgjald og hundruðir milljóna á hverju ári í rekstrarkostnað. Tolleftirlit helst að formi til en veikist verulega sem þýðir m.a. að fíkniefnasmygl, og annað smygl, verður miklu auðveldara. Sem dæmi má nefna að danska tollgælsan, á landamærum Þýskalands og Danmerkur, hefur nánast ekki gert upptækt nein eiturlyf síðan Schengen tók gildi þar í landi en hafði áður alla jafna gert upptækt mikið magn eiturlyfja á landamærunum. Ennfremur má í þessu sambandi vitna í umsögn lögreglustjórans í Reykjavík til allsherjarnefndar Alþingis um áhrif Schengen-aðildar þegar aðildin var þar til umræðu á sínum tíma:

„Með því [Schengen] verður tolleftirliti ekki haldið uppi með sama hætti og áður, meðal annars leit að fíkniefnum. Eftirlit með fíkniefnanotkun og dreifingu fíkniefna er víða slakt innan svæðisins og sums staðar eru uppi allt önnur viðhorf til fikniefna og baráttunnar gegn þeim en hérlendis og annars staðar á Norðurlöndum. Í sex af aðildarríkjum Schengen hafa t.d. verið felldar niður refsingar gegn því að hafa undir höndum umtalsvert magn fíkniefna „til eigin nota“. Reynslan sýnir að takmörkuð landamæravarsla hefur slæm áhrif t.d. í Svíþjóð og Danmörku, að mati hlutaðeigandi aðila. … Ljóst er að stór hluti þeirra fíkniefna, sem flutt eru til landsins, koma frá Evrópu. Mest af því sem lögreglan leggur hald á, kemur með farþegum í gegnum Keflavíkurflugvöll. Með takmörkuðu eftirliti þar og annars staðar minnka að öllu óbreyttu möguleikar tollgæslu til eftirlits með innflutningi fíkniefna.”

Smygl á ólöglegum innflytjendum er einnig mikið inn fyrir landamæri Schengen. Smygl þetta er stundað af skipulögðum glæpaflokkum og hafa margir þeirra snúið sér frá fíkniefnasmygli að því að smygla fólki þar sem það gefur alveg eins vel af sér og er auk þess mun áhættuminna. Er það bæði vegna þess að dómar við því eru mikið vægari auk þess sem það er erfitt að taka á þessum brotum þar sem bæði smyglararnir og “varningurinn” njóta ákveðnar samúðar. Talið er að árlega sleppi um 400 þúsund ólöglegir innflytjendur inn fyrir landamæri Schengen. Engin tölfræðileg ágiskun er hins vegar til um hve margir gera tilraun til að komast inn á Schengen-svæðið án árangurs. Gjarnan er síðan samband milli þessarra ólöglegu mannflutninga og melludólga sem smygla stúlkum einkum frá Austur-Evrópulöndum og vestur yfir.

Ólöglegir innflytjendur sem komast inn á Schengen-svæðið varast að framvísa nokkrum skilríkjum til að sanna ríkisfang sitt og setja innflytjendayfirvöld með því í mikinn vanda. Þegar þeir eru einu sinni komnir inn fyrir landmæri Schengen er auðvelt fyrir þá að ferðast á milli landa án skilríkja. Sakamenn og landhlauparar eru m.a. þeir sem leita hælis innan Schengen. Ef þessum aðilum er ekki snúið við á landamærum Schengen er mikill vandi að vísa þeim úr landi, eða út fyrir Schengen-svæðið. Sé fólki vísað úr landi verður að senda það til þess lands sem það kom frá, en þegar fólk hefur hvorki vegabréf né stimpil landamærastöðvar er ekki bara hægt að henda því yfir hvaða landamæri sem er.

Við Íslendingar munum sjá um landamæraeftirlit fyrir aðrar aðildarþjóðir Schengen og þær fyrir okkur, þar með talið þjóðir í Austur-Evrópu þar sem efnahagurinn er bágur og landamæragæslan eftir því. Þau landamæri eru því mjög misgripaheld svo ekki sé meira sagt. Á næstu árum munu síðan fleiri Austur-Evrópuþjóðir ganga í ESB, og þar með að öllum líkindum Schengen, sem síðan þýðir enn vafasamari landamæri í austri.

Oft er aðgangur að sameiginlegum gagnagrunni Schengen, yfir óæskilega aðila, nefndur sem kostur við samstarfið. Í því sambandi má nefna að Bretar og Írar eru ekki aðilar að Schengen en hafa samt aðgang að umræddum gagnagrunni. Einnig má nefna að mikil spurning er hverjir verði flokkaðir sem óæskilegir aðilar á Schengen-svæðið. Hugsanlegt gæti talist að menn með ákveðnar skoðanir t.d. yrðu flokkaðir sem slíkir.

Það má segja að það eina sem við Íslendingar höfum upp úr Schengen er að þurfa ekki að framvísa vegabréfunum okkar innan svæðisins, en þurfa eftir sem áður að hafa þau með ef yfirvöld í viðkomandi löndum óska eftir að sjá þau. Ennfremur þurfum við áfram að framvísa þeim alls staðar utan Schengen. Eina sem aðildin að samstarfinu þannig forðar okkur frá er handakrampi sem hugsanlega getur fylgt því að taka upp vegabréfið. Það er því um að ræða ansi dýr þægindi fyrir þjóðarbúið og öryggi ríkisins svo ekki sé meira sagt.

Að lokum má minna á að við Íslendingar þurfum ekki að vera aðilar að samstarfi eins og Schengen til að sjá um eftirlit með okkar landamærum - það getum við gert sjálf!

—————————–

Þessi grein er byggð á upplýsingum víða að, m.a. frá Evrópusambandinu, embætti Ríkislögreglustjóra, embætti lögreglustjórans í Reykjavík, dómsmálaráðuneytinu o.fl.

Kv.

Hjörtur J.

ritter.

Hvað segirðu, á að fara að búa til einhverja Evrópulögreglu við landamæragæzlu ?

Fyrir mína parta hef ég aldrei getað séð meint ágæti þessa Shengen samstarfs, heldur finnst hér vera á ferð ein vitleysan af mörgum sem oltið hefur af borðum pólítíkusa, ef til vill með þann tilgang einn að koma þjóðum utan Esb í eins mikið samkrull allra handa og mögulegt er, með tilheyrandi kostnaði við skipulagið.

kveðja.
gmaria.

Er ekki reglan að ef fólk er vegabréfslaust þá sé það sent aftur og flutningsaðili beri ábyrgð ? Hef heyrt að þannig sé það í fluginu.

Jæja, þeir eru hættir við:

http://www.textavarp.is/107/
:::
SÍGAUNARNIR ÆTLA AÐ HVERFA ÚR LANDI

Rúmensku sígaunarnir sem sóttu um
pólitískt hæli hér á landi í fyrradag
eru hættir við og hafa tekið umsókn
sína aftur.

Gunnlaugur Valtýsson, hjá rannsóknar-
deild Lögreglunnar í Reykjavík, segir
að þetta hafi komið fram í viðtölum við
sígaunana eftir hádegi í dag. Þeir
óskuðu eftir því að fá að fara heim með
næstu ferð Norrænu.

Fram kom í hádegisfréttum að litlar
líkur væru á því að fólkið fengi hér
pólitískt hæli því Rúmenía hefur sótt
um aðild að Evrópusambandinu. Hefði
umsókn þeirra verið hafnað hefðu
sígaunarnir ekki fengið að vera á
Schengen-svæðinu í 3 ár
:::

-Smá útúrdúr sem tengjast þessu efni, en hefðu þessir “flóttamenn” komist með öðrum hætti inn í landið?

Mér finnst þetta sýna fram á ákveðinn slappleika í eftirliti í bakdyrunum (Seyðisfirði) á meðan mig grunar að þrátt fyrir allt Schengen samstarf, þá hefði þetta fólk tæplega komist inn um aðalinnganginn (Keflavíkurflugvöll). Fór um Leifsstöð seint sl. haust og þar komst ég vart leiðar minnar vegna öryggisvarða í fullum skrúða. Þeir hafa reyndar kannski annað hlutverk þ.e.a.s. að vera vakandi fyrir grunsamlegum hlutum og farþegum sem hafa eitthvað verulega illt í huga sbr. 11. sept..

Einhversstaðar á leiðinni til Seyðisfjarðar og á hafnarbakkanum þar hlýtur að verða að herða eftirlit og skoða allt og alla nánar. Það hlýtur að mega gera það undir öðru yfirskini en að um hefðbundið landamæraeftirlit sé að ræða, úr því að búið er að “afnema” það, t.d. sóttvarnareftirlit. Þá hlýtur að mega gera flutningsaðilann ábyrgari eins og gert er í flugi.

Svo finnst mér allt í lagi að þeir sem eru að koma til landsins og hafa frekar þokukenndar hugmyndir um tilgang eigin ferðar verði að nefna sér ábyrgðarmann eða -aðila sem væri tengiliður við, og bæri ábyrgð á viðkomandi gagnvart íslenskum yfirvöldum á meðan á dvöl hans stæði.
Ég held að þetta tíðkist í USA og létti þeim eitthvað störfin þrátt fyrir að þetta sé greinilega ekki skothelt þar. Hér ætti þetta að virka vegna smæðar og fárra inngönguleiða í landið.

daf

Þetta sígaunaævintýri er búið að kosta um 2,5 milljónir króna og þeir voru bara 19. Í fyrra kostuðu svona ævintýri Norðmenn samtals 60 milljarða íslenskra króna.
Tvö börn úr sígauna fjölskyldunni voru tekin af lögreglunni, annað fyrir að stela og hitt fyrir að betla. Þetta er sko það sem schengen færir okkur.