Já, kannske.

Og kannske verður Davíð að Margréti Thatcher, og fer að tala ensku og ganga boginn.

Og kannske kemst alheimsfriður á eftir eina mínútu …

Einmenningskjördæmi eru t.d. á Englandi, skilst mér.

Og merkingin felst í orðunum, sýnist mér. Einmenningskjördæmi (ef ég skil það rétt) er kjördæmi sem hefur aðeins einn fulltrúa á þingi.

Nú veit ég vel að þú spurðir mig ekki, en ég vona að þér sé sama þótt ég hafi svarað.

Vignir,

Hefur frelsi manna til þeirra hluta sem þú nefnir verið skert, og þá hvernig?

Lotti

Ég held að faktorinn í þessu sé Bjarni, hann neitar þessu einfaldlega, án raka eða neins. Þetta er ekki, því miður gilt dæmi, því ég mundi giska á að neitun bjarna væri meiri háð en þau orð sem Anna lætur falla.
Bjarni hegðar sér á óskynsamlegan hátt, og ég giska á að orðtakið sé aðeins gilt þegar báðar manneskjur sé einmitt manneskjur ekki vitsmunalegar eyðimerkur.

Ertu í alvöru að segja að Vinstri grænir séu á móti öllu?

Lestu eftirfarandi grein vel og láttu mig síðan vita þegar þú ert búin. Þá skal ég svara afgangnum.

Kveðja,
Ingólfur Harri

Af vef VG:

Guðjón Guðmundsson - á móti veruleikanum
Ef taka má ákveðinn texta í Bíblíunni bókstaflega hlýtur Guðjón Guðmundsson að vera með sælli mönnum. Hann hefur smíðað sér afar einfalda mynd sem hann lagar tilveruna að. Formúlan er svona: „Ég veit hvað framfarir eru og það sem ég vil er rétt. Þeir sem eru mér ósammála hafa rangt fyrir sér og eru á móti framförum“.

Reyndar virðist Guðjóni hafa brugðið illa við umfjöllun um byggðamál á landsfundi Vinstrihreyfingarinnar – græns framboðs. Sem stjórnarmaður í Byggðastofnun um árabil þekkir hann manna best hvernig þessi mál hafa þróast í valdatíð Davíðs Oddssonar. Um það voru einmitt reiddar fram upplýsingar á nefndum landsfundi. Talið frá fyrsta heila valdaári hans 1992 til og með haustsins í haust. teljast brottfluttir af landsbyggðinni umfram aðflutta nálægt tólf þúsund manns.

Í reynd er málflutningur Guðjóns svo barnalegur að ekki kallar í sjálfu sér á svör. Svo mikið er víst að þjóðin lætur sér í léttu rúmi liggja tilraunir andstæðinga VG til þess að klekkja á okkur á þennan hátt. Linnulaust í a.m.k. tvö ár hefur Framsóknar­flokkurinn, sjálfsagt samkvæmt skipun að ofan eða tillögum frá auglýsingastofu, þulið sömu tugguna um flokkinn sem sé á móti öllu. Framsóknarmönnum hefur nú bæst liðsmaður í Guðjóni Guðmundssyni.

Ónákvæmni í meðferð staðreynda.
Guðjón Guðmundsson fer í grein sinni svo frjálslega með staðreyndir að ábyrgðarhluti væri að láta rangfærslur hans, merkilega margar í stuttri blaðagrein, standa athugasemdalaust.

1. Guðjón Guðmundsson fullyrðir, og réttilega, að VG sé á móti Kárahnjúkavirkjun og Norðlingaöldumiðlun sem mundi spilla Þjórsárverum. Þetta er rétt. Við höfnum þeim miklu umhverfisspjöllum sem af þessum framkvæmdum myndu hljótast. Við tökum afstöðu með náttúrunni og varðveislu hennar. Guðjón Guðmundsson tekur þar afstöðu á móti.
2. Guðjón fullyrðir að við tölum af fyrirlitningu um störf við stóriðju og hann hafi aldrei skilið hvers vegna. Engin dæmi nefnd. Fullyrðingunni er hafnað. Ég kannast ekki við að talsmenn VG hafi talað af virðingarleysi, hvað þá fyrirlitningu, um þessi störf. Hins vegar höfum við aðrar áherslur um atvinnuuppbyggingu á Íslandi en þær einar að fjölga hér álverum.

3. Guðjón fullyrðir að VG sé á móti stórátaki í fiskeldi sem nú eigi að hefja á landsbyggðinni. Fullyrðingin er röng. Við erum ekki síður en aðrir áhugasöm um möguleika t.d. í lúðueldi, áframeldi á þorski, eldi sæeyrna, barra, hlýra, beitarfisks, sandhverfu eða kræklinga. Við tókum hins vegar þá afstöðu að áform um umfangsmikið sjókvíaeldi á laxi af erlendum uppruna yrðu að sæta mati á umhverfisáhrifum. Ekki síst ætti að meta þá áhættu sem það gæti haft í för með sér fyrir villta laxastofninn. Við tökum afstöðu með hinni villtu, íslensku náttúru og veiðihagsmunum átjánhundruð jarða. Guðjón Guðmundsson tekur afstöðu á móti.

4. Guðjón fullyrðir að við höfum verið á móti Íslenskri erfðagreiningu. Fullyrðingin er röng. Við buðum fyrirtækið velkomið í hóp íslenskra fyrirtækja þegar það hóf hér störf. Við lögðumst hins vegar gegn miðlægum gagnagrunni á heilbrigðissviði. Við tókum afstöðu gegn ónógri persónuvernd og einokun eins fyrirtækis á heilbrigðis­upplýsingum þjóðarinnar. Við tökum afstöðu með persónuvernd og viðskiptafrelsi. Guðjón Guðmundsson tekur þar afstöðu á móti.

5. Guðjón Guðmundsson fullyrðir að VG hafi að sjálfsögðu verið á móti þingsályktunartillögu sinni um hvalveiðar þegar hún var samþykkt á Alþingi og að þeir tveir þingmenn flokksins, sem þá sátu á þingi, hafi greitt atkvæði á móti tillögunni. Fullyrðingin er röng. Við Ögmundur Jónasson sátum hjá þegar tillagan í heild var afgreidd og vorum þar í ágætum félagsskap nokkurra flokkssystkina Guðjóns s.s. Tómasar Inga Olrich, Láru Margrétar Ragnarsdóttur og Katrínar Fjeldsted.

Álnauðhyggja miðaldra karla
Guðjón reynir að gera sér mat úr útúrsnúningum á yfirskrift landsfundar VG. Með hugtakinu fjölbreytni var verið að vísa m.a til fjölbreytni í atvinnulífi, menningu og mannlífi, samfélagsgerð o.s.frv. Þessari yfirskrift fundarins og lykilhugtakinu “fjölbreytni” var ætlað að kalla fram skoðanaskipti og reifa möguleika sem of lítill gaumur er gefinn. Það tókst afar vel.

Álnauðhyggja núverandi ríkisstjórnar er algjör andstæða þeirrar fjölbreytnihugsunar sem við viljum leggja til grundvallar framsækinni atvinnustefnu. Við viljum tefla fram sambærilegum áherslum og gefist hafa vel hjá nágrannaþjóðum.

Það undirstrikar stöðu Guðjóns Guðmundssonar að hann hefur uppi fjallagrasa- og hreindýramosa-
brandara að hætti Framsóknarmanna. Nær væri að segja að þar sé talað af fyrirlitingu um verðmæti og störf sem sækja má til íslenskra jurta, jarðefna og annara náttúruauðlinda af því tagi. Guðjón sleppir að vísu að nefna einkennisjurt Ísólfs Gylfa og Framsóknarflokksins, hundasúruna, og veit ég ekki hvers hún á að gjalda í þessu tilviki.

Svo neyðarlega vill til að með sama tölublaði Morgunblaðsins og grein Guðjóns birtist í fylgdi fréttabréf Útflutningsráðs Íslands, Útherji. Á forsíðu er viðtal við konur sem reka fyrirtækið SDS-smyrsl og hyggjast nú sækjaí auknum mæli á erlendan markað. Og hvað skyldu þessar konur nú nota í sín smyrsl annað en fjallagrös sem þær tína sjálfar! Staðreyndin er nefnilega sú framleiðsla úr íslenskum jurtum og jarðefnum er nú einn mesti vaxtarsproti í íslensku atvinnulífi. Gjarnan er um að ræða fyrirtæki kvenna sem með úsjónarsemi, dugnaði og bjartsýni hafa skapað störf og verðmæti úr jurtum og jarðefnum með framleiðslu heilsuvara, lyfja og snyrtivara. Í Hagtíðindum má sjá að vöxtur útflutningstekna úr ýmsum greinum af þessum toga er ör um þessar mundir.

Það er því lítil ástæða til að tala af fyrirlitningu um slíka vaxtarsprota íslensks atvinnulífs. En auðvitað er erfitt þeim, sem einu sinni hafa tekið trúna á álið, að viðurkenna að nokkuð annað geti skipt máli í atvinnulífi okkar. Sérstaklega virðist miðaldra karlmönnum úr Framsóknarflokki og Sjálfstæðisflokki reynast erfitt að meðtaka þá staðreynd.

Steingrímur J. Sigfússon