Æh, hvernig gat ég gleymt því…
Capitalist talar órökstutt bull..eikki vegna þess að hann geri það, heldur vegna þess sem hann kallar sig.
Ert þú að líkja mér við peace4all ? Er ég rasisti ? Eru mín einu rök að vondir kristinir menn séu ekki “alvöru kristnir”? Kem ég með sömu rök og þessi maður ? Eða kem ég einfaldlega með rök sem þú átt ekkert svar við svo þú segir þetta ?

Því meira frjálsræði sem er í samfélögunum því meiri eru lífsgæðin. Þar sem einstaklingar hafa flestu tækifærin munu þeir skapa meiri auðæfi. Auðæfi mannsins eru þekking og hugsun en ekki efnisleg og því betur sem fólk fær að nýta þekkingu sýna og þroska hana sem best þar mun samfélagið dafna. Það eru einstaklingar en ekki reglunar sem stuðla að framförum og bættum aðstæðum.

Það sem ég meina með frelsi er að vera ekki þvingaður með valdi til að gera hluti sem þú vilt ekki gera, það er siðlaust. Hvað meinar þú með óheftum kapítalisma?

Það er gott að þú hugsar ekki bara um peninga, en því miður snýst samfélagið um peninga en ekki réttlæti, það er einmitt kjarni málsins. Það er rangt að hagsmunir sumra vega þyngra á metunum en annara þegar kemur að lagasetningu. Það eru einstaklingar sem þurfa að lifa með þessum lögum og reglugerðum en samt sem áður er minnst tekið tillit til þeirra réttinda í nafni almannaheilla, þegar það er einmitt almannaheill að einstaklingar séu jafnir þegar kemur að lögum.

Allir eiga að eiga sömu réttindi, hvort sem þú tilheyrir meirihluta, minnihluta eða ert bara einn. Því miður er það ekki þannig í dag. Það að það sé markmið að ákveðið margar konur séu í ákveðnum stöðum er markmið á villigötum. Markmimðið ætti að sjálfsögðu að vera að fá hæfasta einstaklingin í verkið burtséð frá kyni eða samfélagstöðu.

Í frjálsum markaði eru fleiri á vinnumarkaðnum, fleiri tækifæri, meiri atvinna. Það bendir flest til þess að það verði gífurleg samkeppni um að fá hæft starfsfólk í vinnu og því hefur fólk í raun meiri völd en áður þegar kemur að því að semja um laun. Ég er ekki að segja að þetta gerist á einuym degi, en ég er heldur ekki að horfa eina viku fram í tíman eða 4 ár, heldur töluvert lengra. Ég er heldur ekki að leggja til að núverandi kerfi verði afnumið á 10 mínútum heldur sé markvisst stefnt að því að því að minnka vald ríkisins yfir lífi fólks.

Sagnfræðingar, stjórnmálafræðingar og rithöfundar, ásamt mörgum öðrum hópum fólks, veita ákveðna þjónustu. Að fá laun fyrir það eitt að vera rithöfundur, eða eitthvað álíka, án þess að einn né neinn hafi áhuga á þeirri þjónustu sem veitt er er bara vitleysa. Að láta skattgreiðendur greiða fyrir það er enn meira rugl að mínu mati. Samfélagið í heild nýtur góðs af því ef einstaklingar veita þjónustu sem fólk þarf á að halda, ef fólk vill lesa bók þá kaupir það bók og þá fær rithöfundurinn greitt fyrir. Hann á ekki að fá greitt fyrir að skrifa bók sem þjónar engum tilgangi nema hans eigin [að fá greitt fyrir það frá ríkinu].

“Ég get samt sem áður ekki verið sammála þvi eins og ég segi þá fæðast ekki allir með jafna möguleika. Ég segi að vegna þess að kerfið er óréttlátt er réttlátt að skattleggja þá sem hagnast á því og gefa þeim sem hafa tapað á óréttláta kerfinu.”

Það er rétt að það fæðast ekki allir jafnir og með sömu tækifærin og jafna möguleika. Lífið er ekki alltaf sanngjarnt. Því finnst mér enn mikilvægara að það sé réttlátt kerfi sem lokar ekki á tækifærin heldur einmitt öfugt, sér til þess að aðgengi að þeim verði ekki lokað. Kerfið í dag er óréttlátt og að láta það viðgangast segir meira en segja þarf um samfélagið, við erum ekki nálægt því að vera kominn úr frumskóginum ef við vitum ekki hvað réttlæti er og hvernig á að iðka það. Það eitt að taka frá þeim sem gengur vel bara af því að þeim gengur vel, til þess að gefa þeim sem gengur ekki eins vel er í sjálfu sér rökleysa og mjög óréttlátt. Það er miðstýring með valdi og ýtir undir stéttaskiptingu, það verður erfiðara og erfiðara fyrir fátækra að ná þeim sem lifa við allsnægtir og mun auðveldara fyrir hina sem stjórna markaðnum að halda áfram að stjórna honum.

Við gerum ekki þá fátæku ríkari með því að stela af þeim ríku og láta fátæku fá, það stuðlar eingöngu að ójöfnuði þó svo að það virðis ekki vera þannig við fyrstu sýn. Það þarf að passa upp á að enginn sé beittur óréttlæti og allir hafi aðgang að markaðnum, hvort sem er til að vinna eða versla.

Afhverju eru ekki lágmarkslaun hærri en raun ber vitni? Af hverju eru þau bara ekki 200.000 kall á mánuði? Vegna þess að fyrirtækin hafa mörg ekki efni á því að borga fólki svo mikið, sérstaklega þegar þau eru að byrja. Það þýðir einfaldlega að færri komast á vinnumarkaðinn og færri fyrirtæki geta hafið rekstur, eingöngu vegna þess að það er rándýrt. Lágmarkslaun stuðla að atvinnuleysi.

Þakka fyrir þá virðingu sem þú berð fyrir okkur, vona að þú skoðir máklin betur og kynnir þér þetta af einhverju viti, þegar maður hefur kynnt sér söguna og staðreyndirnar þá blasir þetta við.

Það borgar sig fyrir alla að gera það sem er rétt.
Og þó svo að allir geri ekki alltaf rétt þá væri samfélagið ekki eins og það er í dag ef flestir væru ekki í eðli sýnu heiðarlegir og góðviljaðir. Að láta rotin epli skemma allt er ekki rétta leiðin.

friður
potent