Jæja, hérna vil ég taka SKÝRT fram að þessi færsla er meira og minna tekin í heild sinni af mbl.is. Vísir á hlekkinn má finna í lok þessarar greinar. Einnig tek ég fram að þessi grein er gagngrýni á ESB, sérstaklega efnahagstjórn ESB í ljósi aðstæðna í hagkerfi heimsins.

Ástæðan fyrir því að ég kópera þetta í einu lagi sem grein er að ég vil vekja athygli á þessu og vonandi koma af stað almennum og málefnalegum umræðum. Annarsvegar frá þeim sem eru hlynntir ESB sem núna þurfa virkilega að sýna fram á ágæti ESB og þeirra sem á móti ESB eru.

Hérna kemur greinin í heild sinni sem ég kópera hérna yfir svo að ekki þurfa að fara á hlekkinn til þess að lesa hana.

……………………………

Ekki verður betur séð en öll samstaða meðal ríkja innan Evrópusambandsins um sameiginlegar aðgerðir gegn fjármálakreppunni sé brostin og hver þjóð reyni nú að bjarga sér sem best hún má. Hver á eftir annarri lýsa þjóðirnar því yfir að þær muni gangast í ábyrgðir fyrir innlánum í bönkum sínum. Samstöðuleysið hefur síðan einungis kynt undir örvæntingunni á mörkuðunum þar sem hlutabréfamarkaðirnir hafa haldið áfram að falla.

Danmörk varð í dag síðust þjóða til að lýsa yfir að stjórnvöld þar muni tryggja öll innlán bankastofnana í landinu og kom sú yfirlýsing í kjölfar óvæntrar ákvörðunar Angelu Merkel, Þýskalandskanslara, í gær að ríkisstjórn hennar myndi ábyrgjast öll innlán og tengdar fjárskuldbindingar bankana í þessu stærsta hagkerfi evrusvæðisins. „Við viljum fullvissa þjóðina um að sparnaður þeirra er öruggur,“ sagði hún.

Fullkomið vantraust ríkir innan fjármálakerfisins í kjölfar björgunaraðgerða á hverjum bankanaum á eftir öðrum hefur neytt yfirvöld í Evrópu til að grípa til örþrifaráða þó að fyrir liggi að innlánstryggingar á borð við þær sem Írland, Grikkland og Svíþjóð hafa lýst á sig, geti kostað óheyrilegt útstreymi úr fjárhirslum þessara landa. Keðjuverkandi ákvarðanir um þeessar tryggingar vekja upp spurningar um hugsanleg áhrif á ríkisfjármál viðkomandi ríkja og hafa leitt ótvírætt í ljós að evrópsk stjórnvöld hafa reynst ófær um koma á sameiginlegum aðgerðum þrátt fyrir að á helgarfundi forsvarsmanna stærstu hagkerfa Evrópu hafi sú einmitt átt að verða niðurstaðan.

„Ríkisstjórnir hafa ekki átt neinn annan kost en veita innlánstryggingar því ella munu sjást áhlaup á banka og algjört hrun í viðskiptalífinu og væntingum neytenda,“ segir Neil Mackinnon aðalhagfræðingur ECU Group, bresks fjármálafyrirtækis. „Það hefur aldrei verið meira í húfi.“

Samræmd vaxtalækkun stóru hagkerfanna?

Kreppan sem geisar í Evrópu og mörkuðum álfunnar hefur ýtt mjög undir hugmyndir um samræmda vaxtalækkun helstu seðlabanka heims, jafnvel þegar í dag. Sérfæðingar segjast ekki verða undrandi ef bandaríski seðlabankinn, evrópski seðlabankinn og Englandsbanki grípi til fyrstu slíkra samræmdu aðgerða í vaxtamálum frá því í september 2001 í hryðjuverkaárásinni á Bandaríkin.

Aukin óvissa um að aðrir hlutar hagkerfisins muni komast undan fjármálakreppunni án verulegs skaða hefur farið dvínandi . Jean-Claude Trichet, seðlabankastjóri Evrópu, varaði enda við lakari horfum í efnahagsmálum á síðasta fundi bankans nýverið. Hingað til hafa helstu seðlabankar haldið að sér höndum varðandi vaxtabreytingar en beitt þeim ráðum að veita verulegu lausu fé inn á fjármálamarkaðina.

Þótt ekki blási byrlega um samstöðu Evrópuríkja í aðgerðum við bankavandanum virðist Nicolas Sakozy enn halda í vonina um að hægt verði að samræma aðgerðir. „Við verðum að samræma viðbrögðin, “ sagði Frakklandsforseti í dag en hann erjafnframt í forsæti Evrópusambandsins. Á sama tíma sitja fjármálaráðherrar Evrópusambandsins á fundi í Luxemborg til að ræða fjármálakreppuna.

„Þetta er alvarlegt ástand sem verður ekki komist hjá að takast á við,“ sagði talsmaður ESB, Johannes Laitenberger. „Auðvitað er mikil vinna í gangi. Enginn heldur því fram að nú ríki eðlilegt ástand og satt að segja er engin ein töfrakúla sem leysir vandann.”

Hin endurnýjaða tilraun til að finna sameiginlega grundvöll til lausnar fjármálakreppunni kemur í kjölfar fundar forsvarsmanna stærstu hagkerfa álfunnar , Frakklands, Þýskalands, Bretlands og Ítalíu, um helgina þar sem þeir skuldbundu sig til að taka sameiginlega á vandanum. Það samkomulag sprakk hins vegar strax á sunnudag þegar Angela Merkel, kanslari Þýskalands, tilkynnti að öll innlán þýska fjármálakerfisins, alls 568 milljarðar evra, nytu ríkistryggingar ásamt því að tryggja 50 milljarða evra björgun Hypo Real Estate AG, annars stærsta húsnæðislánabanka Þýskalands. Dönsk stjórnvöld fylgdu í kjölfarið, eins og áður er nefnt, og austurríska stjórnin hefur gefið til kynna að hún muni fylgja þessu fordæmi.

Markaðirnir hafa brugðist neikvætt við þessum aðgerðum eða „smáskammtalækningum“ á vettvangi hverrar þjóðar fyrir sig. „Við eigum eftir að sjá hvort það virkar hér í Evrópu sem Hank Paulson (bandaríski fjármálaráðherrann) reyndi í Bandaríkjunum varðandi Fannie (Mae) og Freddie (Mac) og mistókst,“ er eftir Robert Brusca, aðalhagfræðingi Fact og Opinion Economics í New York.

……………………….

http://sveiflan.blog.is/blog/sveiflan/entry/649737/

Hérna á sveiflan.blog.is er frábær grein um vafann sem ríkir um myntbandalag ESB. Ég mæli sterklega með að þið lesið hana en hún bendir á hverja umsögnina á fætur annari (með áreiðanlegan hlekk á heimildir) um að ólíklegt þyki að ESB eins og það í dag eigi sér nokkra framtíð.


Svo að lokum þá langar mig að skjóta því að, að hagkerfi landa ESB í dag eru allt of ólík til þess að geta fúnkerað með sameiginlega peningamálastefnu. Það hefur komið skýrar og skýrar fram að peningamálastefna ESB miðast EINGÖNGU út frá þörfum stærstu landa ESB og fara Frakkland og Þýskaland þar fremst í hópi.
Við inngöngu í ESB myndu við missa alla peningastjórn til Brussel og haldið þið að þeir myndu jafnvel íhuga að breyta stýrivöxtum handa 300 þúsund manns staðsetta á eyju einhverstaðar út í hafi ?
Danir eru núna í virkilega vondum málum. Þeir þurfa að horfa fram á gífurlegt atvinnuleysi vegna þess að þeir hafa nákvæmlega 0 stjórn á sínum peningamálum í öllu öldurótinu sem fylgir fjármálamörkuðum í dag.

Ég tók það fram í byrjun að þessi grein væri gagngrýni á ESB, greinin sem ég kóperaði hingað inn styður þessa gagngrýni og einnig greinin sem Hjörtur J. Guðmundsson á sveiflan.blog.is birti sem tekur fram mjög margar og áreiðanlegar umsagnir þess efnis.

ESB í dag er á þann veg. Að allir bjargi sér sem bjarga sér geta. Finnst ykkur ekki einnig furðulegt að einungis 4 stærstu þjóðirnar í ESB skyldu funda um SAMEIGINLEGA lausn mála og skilja restina útundan? Þegar allt kemur til alls þá eru allir einir á báti. Þjóðirnar og löndin þurfa að redda sér sjálf og hagkerfin allt of ólík til þess að geta fúnkerað með sameiginlega peningastefnu.

Hérna er hlekkurinn á greinina eins og hún leggur sig á mbl.is
http://www.mbl.is/mm/vidskipti/frettir/2008/10/06/frettaskyring_oll_samstada_brostin_medal_evroputhjo/

Núna hef ég lokið mér að og tími til þess að menn réttlæti það að Ísland eigi að ganga í ESB eftir allt saman. Því mér sýnist ALLIR sitja í súpunni hvort sem þeir séu með evru eða ekki……..