Öllum er frjálst að senda inn greinar um það sem snertir lagasetningar og þessháttar mál tengd Alþingi. Flokkur framfarasinna er ekki undanskilin frá því. Ef fólk nennir ekki að ræða það sem er sent hingað inn þá er það ekki vandamál þess sem sendir greinina. Kannski ef fólk hefði meirí dug á því að senda sjálft inn greinar um það sem það telur mikilvægt þá liti þetta ekki út fyrir að vera “einokun” Flokks Framfarasinna.


Ég geri ég ráð fyrir því að þú sért að tala um ritter með þessari grein þinni, enda hann sá sem talar hér fyrir flokk framfarasinna.
Persónulega hefur mér fundist þær greinar sem hann hefur sent inn mjög góðar og málefnalegar þó svo að ég sé ekki alltaf sammála honum. Veit ekki betur en að hann hafi ávallt verið kurteis við þá sem hann ræðir við og reynir að svara öllum þeim athugasemdum sem hann fær á móti á málefnalegan hátt. Ég get því miður ekki sagt það sama um alla þá sem hafa verið að svara honum.

Áhugamálið Alþingi er í mínum huga til þess að hver og einn geti tjáð skoðanir sínar um ýmis atriði lagasetningar, þjóðmálin og stefnu stjórnmálaflokka. Ég væri meira en til í að rökræða við fulltrúa annara flokka, en veit ekki til þess að það sé hér einhver sem talar beint fyrir hönd ákveðins flokks og skýrir stefnu hans, nema þá ritter fyrir FF. Held að það ætti bara að þakka fyrir það, fólk veit þó betur en ella hvort eigin skoðanir samrímast stefnu FF. Það er að mínu viti mjög góður kostur.

friður
potent

Sæll Jubii.
Hvernig væri að byrja á því að lesa eitthvað af þessum greinum um flokk framfarasinna? Þá þyrftu ekki að vera svona margar greinar um hann því það hafa ansi margir komið með nánast alveg eins pistil og þinn!!!

Hvernig væri líka að rökstyðja þetta sem þú ert að segja. (og ekki bara með því að vitna í einhverja skoðankönnun sem enginn nema þú virðist hafa séð.) Þessi “flokkur” hefur líka ekki verið í framboði þannig að ég sé nú ekki hvernig hann ætti að hafa mann á alþingi.

kv.
cul-de-sac

Ég gæti svo sem ekki verið meira sammála þér Jubii. Mér er farið að snarleiðast þessi einhæfa umræða um FF og fjölþjóðasamfélagið og allt það. Enda er nóg að lesa svo sem eins og einn þráð, þá er maður búinn að fá öll rök og mótrök.
'ritter' verður hinsvegar seint sakaður um að vera ómálefnalegur og greinar hans eru falla greinilega vel í kramið hjá mörgum. Ég sé svo sem ekkert ógeðfellt í skrifum hans enda er það ekki málið. Hann, líkt og aðrir, hefur fullt frelsi til tjáningar, svo fremi að enginn hljóti skaða af.

Hitt er svo annað mál, að ‘potent’ hefur alveg rétt fyrir sér. Það er auðvitað okkar sem erum búnir að fá leið á þessari umræðu að senda inn greinar sem fjalla um önnur mál. Þar sem ég telst varla vera duglegasti greinarhöfundurinn, þá er best að ég segji sem minnst. :-)

Kveðja.

Sæll,

Sem svar við þessu erindi þínu:

1) Ef þú vilt rífast í einhverjum um birtingu þessara greina þá ættirðu að gera það við þann sem er admin á Althingi en ekki mig. Annars veit ég ekki betur en það sé málfrelsi hér og það er ennfremur enginn að neyða þig né aðra til að lesa þessar greinar mínar eða annarra varðandi Flokks framfarasinna eða innflytjendamál. Annars mun vandamálið ekki vera að ég skrifi of mikið heldur frekar að aðrir skrifi of lítið, þar á meðal þú enda man ég ekki eftir að hafa séð grein eftir þig hér á Althingi lengi. Spurning um að skrifa meira sjálfur? Auk þess má nefna að með þessari grein þinni ert þú að bæta enn einni greininni um Flokk framfarsinna við það sem fyrir er.

Annars er þetta ekki flokkur “öfgasinnaðra þjóðernissinna” eins og þú kemst að orði og bið ég þig eindregið að rökstyðja þessa skoðun þína.

2) Flokkur framfarasinna hefur nú bara aldrei verið aðili að skoðanakönnunum þannig að hvorki þú, ég né neinn annar hefur hugmynd um hvaða möguleika hann á á að komast á þing.

3) Af hverju á þetta ekki heima undir flokknum Alþingi? Það vill svo til að það stendur á síðu Alþingis-áhugamálsins að “það sé síða tileinkuð umræðum um málefni Alþingis, Ríkisstjórnarinnar, Stjórnmálaflokkana, og pólitík almennt.” Fyrirfinnst almenn pólitík að þínu mati sem sagt einungis innan veggja Alþingis? Hvað er annars svona ógeðfellt við skoðanir mínar/okkar?

4) Hvað veist þú um það hvort þessi sjónarmið okkar höfði ekki til meirihluta landsmanna? Ég er ekki að fullyrða um það, enda ekki í sðstöðu til þess, en þú virðist halda að þú getir fullyrt að menn með okkar sjónarmið séu í minnihlutahópi - hvaða rök hefurðu eiginlega fyrir þér í því? Þætti gaman að vita það. En sem fyrr segir er ekki vandamálið að ég skrifi mikið heldur að margir aðrir skrifa lítið, og þar ert þú ekki undanskilinn félagi enda mun þetta vera fyrsta greinin þín hér á Alþingi síðan 8. október.

Kv.

Hjörtu

Kæri Jubii.

Mér finnst kvörtun þín nú nokkuð sérkennileg, ekki hvað síst í ljósi þess að ég hef sent inn greinar um heilbrigðismál, landbúnaðar og sjávarútvegsmál, umhverfismál, tjáningarfrelsið og
innflytjendamál, m.a. en man ekki eftir því að þar hafi þú tekið mikinn þátt í umræðu.

Varðandi skoðanakannanir hef ég ekki séð nokkra könnun á fylgi við Flokk Framfarasinna, enda enn ekki boðið fram í kosningum, held þú ruglir saman
FF Frjálslynda flokknum.

Ástæðan fyrir því að umræða um innflytjendamál, er mikil hér er einfaldlega sú að mínu mati að
gömlu flokkarnir, þar sem ég tel með framboð Sverris sem klofning út úr Sjálfstæðisflokk og Vinstri græna mest megnis gamla Alþýðubandalagið,
hafa ekki svo mikið sem tekið til máls í þessum efnum.

kveðja.
gmaria.

Ég sé enga ástæðu til þess að banna ákveðnar skoðanir eða ákveðna aðila hér á huga, svo framarlega sem þeir hegða sér vel. Það væri hinsvegar óskandi að menn héldu sér við Alþingis áhugamálið í stað einhvers skítkasts í átt múslima.

Ég er svo algjörlega sammála þér með þessa einokun hér. Þetta er óþolandi og sérstaklega þar sem um áróður hægri öfgamanna er að ræða.