þetta er mikið áhyggjuefni….. :/

Frábær og löngu tímabær grein!

Þetta er náttúrulega ekkert nema rassismi hjá þessum flokki það er ekki hægt að túlka þetta á annan veg.
En ég held að danir séu bara búnir að fá nóg af innflytjendum, hvort sem þeir eru múslimar eða eitthvað annað. Það er alltof mikið af fólki í DK sem ekki reynir að aðlagast landi og þjóð og hvað þá að læra dönsku. Samt sem áður er mikið gert í DK fyrir útlendinga t.d er boðið uppá dönskukennslu þér að kostnaðarlausu en það eru alltof mikið af fólki sem ekki vill blandast. Ég er sjálfur búsettur í DK og sá viðtal við mann um daginn sem hafði búið í Dk í 8 ár og hann var með túlk í viðtalinu sem er náttúrulega ömurleg staðreynd um að sumir vilja ekki blandast. Fyrir utan þessa menningar og tungumáls erfiðleika þá virðast mjög margir innflytjendur leggja það á sig að læra á kerfið. Og það er ekki rasismi sem talar þegar ég segi að þar eru Tyrkir og Íranir og þeirra nágranþjóðir fremstar í flokki, það er staðreynd. Vissulega eru miklu fleiri þjóðflokkar sem leggjast á kerfið þar á meðal íslendingar sem eru illa séðir í sumum sýslum (kommúnum). En staðreyndin er sú að þessir áðurtöldu leggja það ekki á sig að læra um land og þjóð en leggja það á sig að læra á kerfið sem er skiljanlega að plaga dani.
Danir eru með gott heilbrigðis og skólakerfi sem virkar vel en afátur sem saman standa af innflytjendum eru að rífa kerfið í sig með því að þiggja peninga frá ríkinu sem síðan eru að miklu hluta sendir úr landi ríkiskassa dana ekki til stækkunar.
Ég er hins vegar sammála þér að þetta er áhyggju efni ekki bara fyrir dani heldur allan heimin því þetta er tifandi tímasprengja, og ég held að þetta eigi eftir að eiga sér stað í fleirum löndum, því miður. Því það eru vissulega mikið að innflytjendum í öllum löndum og skrattin er laus ef þetta gengur fram hjá dönum þ.e.a.s ef þeir fara út í ´þjóðernishreinsun.
En ég skil þá að vissuleyti að þeir skulu vera pirraðir yfir þessu öllu saman, ekki skilja þetta þannig að allir innflytjendur séu aumingjar, það auðvitað hellingur af duglegu fólki sem er að skila sínu og eru miklu betri þegnar en margir danir.

Það er vissulega áhyggjuefni, hvernig rasismi virðist njóta vaxandi fylgis víða um lönd. Líklega má réttilega telja að atburðirnir þann 11. september síðastliðin hafi ekki gert annað en að bæta í þá fylgisaukningu. Það er nú einu sinni svo að það er auðvelt að aðhæfa, og krefst meira að viðhalda víðsýni og afla sér upplýsinga.
Samt er það svo, að þegar ég ræði við suma af mínum dönsku vinum, verð ég að margar skoðanir sem ég flokka rasisma, og það í vaxandi mæli.
Þeim finnst mörgum að vaxandi samfélag múslima í Danmörku ráðist gegn “dönskum gildum”.
Þar eru þeir að tala um afstöðu margra múslima til kvenfrelsis, samkynhneigðar og finnst sem því frjálslyndi og umburðarlyndi sem danir eru að mörgu leyti þekktir fyrir, sé ógnað.
Enn fremur hafa komið upp tilfelli þar sem neitað er að múslimsk börn sæki tíma þar sem fjallað er um þróunarkenningu Darwins og ýmis önnur smærri atriði.
Margir danir fylltust líka óhugnaði, þegar múslímsk ungmenni fóru út á götu og fögnuðu atburðunum þann 11. september og fundur múslíma í Kaupmannahöfn. Í báðum tilfellum var eingöngu um að ræða lítinn hóp, sem sjálfsagt má flokka undir “heittrúaða”. En þetta hleypti illu blóði í marga dani.
Hvernig það má samt vera að menn vilji verja frjálslyndi með því sem auðveldlega má flokka undir rasisma, verður að teljast “dílemma”.
En ég er hræddur um að sú “dílemma” verði nokkuð sem margar þjóðir vestur evrópu verði að kljást við á næstu mánuðum og árum.

Og spyrja má: Hvað er til ráða??

kveðja

Tommy

Það nefnilega gengur ekki að flytja inn og flytja inn og flytja inn fólk, bara svona af því það er “the right thing to do” á hverjum tíma.

Þó það hljómi kannski full harðneskjulegt, þá verður að athuga stöðu þeirra sem fyrir eru áður en bætt er á hópinn. Ef t.d. það er hópur innflytjenda sem gengur illa að aðlaga sig þá leysist vandamálið ekki með því að hleypa fleirum inn sem munu kannski einnig eiga í erfiðleikum með að aðlaga sig.

Við megum ekki gleyma því að innflytjendur eiga að aðlagast nýjum heimkynnum, ekki öfugt (upp að vissu marki vitaskuld). Þetta er vandamál sem leysist ekki af sér bara sísvona með því að auka á það.

Ég amk. dreg ekki í efa að nær allir Danir væru barasta sáttir við innflytjendur í Danmörku ef þeir næðu að aðlagast Dönum og dönsku samfélagi. Ekki frekar en nær allir Íslendingar væru sáttir við innflytjendur ef þeir næðu að aðlagast betur okkur og okkar samfélagi.

ég er líka fyrrverandi íbúi þessa fallega lands og mér finnst hún Pia vera alger friggin bitch.

Það er ekki annað hægt en að hafa áhyggjur, bið og vona að Pia komist ekki í valdamikinn ráðherrastól.

Jú jú það er mikið rétt að það er mikið af útlendingum í Danmörku, en ástandið er ekki eins svart og flestir virðast halda. Fjölmiðlarnir eiga stóran þátt í vandamálunum, eins og í öðrum löndum. Og svo er auðvitað misjafnt hvar í Danmörku vandamálin eru og hvers eðlis þau eru.

Auðvitað þarf að herða lögin varðandi þá útlendinga sem koma til Danmerkur. En það er ekki eins auðvelt og Pia og Anders Fogh virðist halda. Fyrir það fyrsta finnast lög sem heita Grundlov! Og svo er Danmörk einnig í EU, og með þessum tveimur hlutum þá er þeirra vald ekki mikið.

Ég sá umræður fyrir kosningarnar um múslimana milli DF og almenns borgara. Og DF-persónan var algerlega á móti múslimum og ætlaði að gera allt í sínu valdi til að hindra að moska yrði reist innan Kaupmannahafnar (einu rökin voru að moska félli ekki að arkitektúrnum!). HALLO! Ef þessi manneskja kæmist á þing verður hún að skrifa undir Grundloven, og þar með undir trúfrelsi.

Vandamálið eins og ég sé það, er að það verður erfitt að setja línuna einhvers staðar þar sem hvergi verði brotið á neinum. Danmörk getur jú ekki sent pólitíska flóttamenn tilbaka til lands þar sem þeir yrðu eltir uppi og drepnir (þar kemur Amnesty international inn í myndina). Og hvers vegna mættu pakistanfæddir danskir ríkisborgarar ekki giftast öðrum aðila frá Pakistan, alveg eins og danskir karlar flykkjast til Thailands og Rússlands til að ná sér í konur. Það er þetta sem er vandamálið, hvar á að setja mörkin.

Ég vona að Pia komi málefnalega fram. Það gengur ekki að hún níðist á múslimum, og sérstaklega konum sem velja að bera slæðu, enda eru margir þeirra danskir ríkisborgarar.

En … þökkum bara fyrir að Mogens Glistrup fékk ömurlega kosningu. Frekar pínlegt að hafa náð að safna 20.000 undirskriftum til að komast í framboð en fá svo 19.600 atkvæði í sjálfum kosningunum.

Sælir,

Áhyggjur eða ekki áhyggjur, þetta eru lýðræðislegar kosningar og vilji danskra kjósenda og það ber að virða. Nú er svo bara spurningin, mun ESB beita Dani viðskiptaþvingunum fyrir að kjósa ekki “rétt” í lýðræðislegum kosningum? Sko, annað hvort eru menn lýðræðissinnar eða ekki! Það þýðir ekkert að ætla bara að vera lýðræðissinnar þegar það kemur mönnum vel og þeirra skoðunum!

Kv.

Hjörtur J.

Danir hafna ónothæfri innflytjendastefnu sem fylgt hefur verið í 30 ár
(www.framfarir.net)

Í þingkosningunum í Danmörku í vikunni höfnuðu Danir þeirri innflytjendastefnu sem fylgt hefur verið í landinu síðan um 1970 og gekk út á að gera litlar sem engar kröfur um aðlögun innflytjenda. Munu dönsk stjórnvöld einfaldlega hafa talið sér trú um að innflytjendur myndu sjálfir sjá um að aðlagast. Þrátt fyrir þessa draumsýn hefur raunin þó ekki verið sú og hefur nú alist upp önnur kynslóð innflytjenda í landinu sem heldur í menningu foreldra sinna og býður siðum og gildismati meirihluta landsmanna og meginreglum dansks þjóðfélags byrginn og það oft með mjög ögrandi hætti.

Háværar umræður hafa verið í Danmörku lengi um skipbrot þessarar ábyrgðarlausu innflytjendastefnu sem fylgt hefur verið sl. 30 ár og jafnaðarmenn bera sögulega ábyrgð á. Það er því e.t.v. ekki skrítið að Jafnaðarmannaflokkurinn hafi komið illa út úr nýafstöðnum þingkosningum. Almenningur í Danmörku er einfaldlega fyrir löngu búinn að fá sig fullsaddan af þessari innflytjendastefnu sem haldið var á lofti í nafni einhvers ímyndaðs umburðarlyndis umfram það sem eðlilegt getur talist. Telja stjórnmálafræðingar að danskir kjósendur hafi einfaldlega ákveðið að notað sér tækifærið vegna hryðjuverkanna í Bandaríkjunum 11. september til að gera eitthvað í málinu, m.a. vegna þess að fjölmargir eru hræddir við að tjá slíkar skoðanir sínar af ótta við að vera brennimerktir rasistar af stuðningsmönnum fjölmenningar.

Það vekur síðan athygli að margir áköfustu stuðningsmenn þess að gerðar verði virkar kröfur til innflytjenda um aðlögun að dönsku þjóðfélagi er fólk af innflytjendaættum sem valið hefur að fara leið aðlögunar. Skoðanakannanir sýna reyndar að stór hluti innflytjenda sjálfra vilja að dregið verði verulega úr innflutingi útlendinga til Danmerkur.

Hjörtur J.

Mikil fylgisaukning Danska þjóðarflokksins veldur skjálfta meðal vinstrimanna
(www.framfarir.net)

Mikil fylgisaukning Danska þjóðarflokksins í nýafstöðnum þingkosningum í Danmörku hefur víða valdið miklum skjálfta meðal vinstrimanna og annarra fjölmenningasinna. Lýðræðisleg niðurstaða kosninganna hefur þannig greinilega farið eitthvað fyrir brjóstið á þeim. Hafa ýmsir vinstrimenn haft stór orð um niðurstöður kosninganna og lýst yfir megnri óánægju með hana. Einkum eru þó jafnaðarmenn víða óánægðir af skiljanlegum ástæðum enda komu danskir jafnaðarmenn mjög illa út úr kosningunum.

Sem dæmi um viðbrögð annarra jafnaðarmanna við þessum kosningum má nefna orð Össurar Skarphéðinssonar, formanns Samfylkingarinnar, í Fréttablaðinu í dag. Þar segir hann m.a. að Poul Nyrup Rassmussen hafi ekki verðskuldað að tapa kosningunum. En sama hvað Össuri kann nú að finnast þá voru danskir kjósendur greinilega á annarri skoðun og þar við situr væntanlega enda kallast það lýðræði og þykir til eftirbreytni. A.m.k. ætti svo að vera að mínu viti þó andlýðræðislegur blær fari leiðinlega oft um þá jafnaðarmenn. Vilja þeir margir hverjir banna ákveðnar skoðanir sem þeim líkar ekki auk þess að reyna að hafa áhrif á stjórnarmyndanir í öðrum lýðræðisríkjum, sbr. t.d. viðskiptaþvinganir Evrópusambandsins gegn Austurríkismönnum fyrir að hafa kosið “vitlaust” fyrir um tveimur árum.

En það breytir víst ekki því að jafnaðarmenn eru duglegir að benda á bresti annarra og oft svo uppteknir við það að þeir gleyma að líta í eigin barm þar sem brestirnir eru yfirleitt ekki minni. Hver þekkir ekki fjölmenningarsinna sem þykir ekkert skemmtilegra en að stimpla menn í bak og fyrir sem fordómafulla rasista að ósekju fyrir það eitt að voga sér að hafa öndverða skoðun á við þá í innflytjendamálum. Hver þekkir ekki fjölmenningarsinna sem viðhafa áróður fyrir því að slíkum aðilum sé hreinlega bannað að tjá sig um innflytjendamál og jafnvel ganga svo langt að vilja stjórna því hvernig slíkir menn hugsi um þessi mál líka? Hvar eru nú fordómarnir mestir? Já, mikið er þetta fólk nú einstaklega “lýðræðissinnað”…

En svo snúið sé aftur að óánægju vinstrimanna með uppsveiflu Danska þjóðarflokksins þá hafa vinstrimenn m.a. hamrað á þeim áróðri að flokkurinn hafi “spilað á strengi” þjóðernishyggju af mikilli ósvífni og “gert út á” slæmt ástand í innflytjendamálum í Danmörku. Í fyrsta lagi þá þætti mér gaman að vita hvernig í ósköpunum þjóðernissinnaflokkur eins og Danski þjóðarflokkurinn getur spilað á strengi þjóðernishyggju? Það að spila á strengi einhvers þýðir að notfæra sér eitthvað sem maður alla jafna hefði ekki notast við. En nú er Danski þjóðarflokkurinn þjóðernissinnaflokkur og þar af leiðandi er þjóðernishyggjan sú hugmyndafræði sem flokkurinn byggir tilveru sína á. Af hverju má þá flokkurinn ekki nota sína eigin hugmyndafræði? Hvaða aðra hugmyndafræði ætti flokkurinn eiginlega að nota? Hann hefði nú væntanlega fyrst verið að spila á eitthvað ef hann hefði notast við eitthvað annað en þjóðernishyggjuna.

Og í annan stað, hvernig má segja að flokkurinn hafi gert út á slæmt ástand innflytjendamála í Danmörku? Hvað er nú orðið að því að benda á að vandamál sé til staðar og segjast vilja laga það? Danski þjóðarflokkurinn spratt fyrir nokkrum árum út frá Framfaraflokknum danska sem á upphaf sitt á áttunda áratugnum, eða við upphaf þess ófemdarástands sem ríkir í innflytjendamálum í Danmörku í dag. Það má því segja að flokksmenn hafi alla tíð varað við þessum málum og það löngu fyrir tilurð þess slæma ástands sem ríkir í þessum málum í Danmörku í dag. Þessar yfirlýsingar vinstrimanna falla því algerlega um sig sjálfar.

En ef við annars tölum um að spila á strengi einhvers þá er ljóst að ef einhver hefur spilað á strengi þjóðernishyggju í nýafstöðnum kosningum í Danmörku þá var það fráfarandi forsætisráðherra Dana, Poul Nyrup Rassmussen, sem lýsti því yfir í kosningabaráttunni, þegar honum varð ljóst hvert stefndi, að hann ætlaði líka herða dönsku innflytjendalöggjöfina. En nei, hann var ekki að spila á strengi þjóðernishyggju, nei nei, enda er hann ekki þjóðernissinni og þar af leiðandi ekki vondur maður samkvæmt kokkabókum vinstrimanna. Hversu tvöfaldir geta menn nú eiginlega orðið??

Hjörtur J.