Ég gæti ekki verið meira sammála þér, hvernig í fjandanum komast sjálfstæðismenn upp með að henda öllu sem illa fer á Framsóknarflokkinn?

En ég er mjög ósammála því að Ingibjörg Sólrún eigi að vera Forsetisráðherra.
og líka því að Valgerður Sverrisdóttir fari úr Iðnaðarráðuneytinu. hún er búin að standa sig mjög vel þar !

Finnst það mjög ólíklegt að framsókn fari í þessa ríkisstjórn, þá sérstaklega hvernig viðbrögð formanna hans við þessu tapi voru og síðan hvernig hinir flokkarnir komu fram við framsókn í kosningabaráttunni, tap framsókn er að mínu mati fyrst og fremst af 2 ástæðum; Markvisst var barið á henni af SF og sérstaklega VG og vegna gífurlegra ófara Halldórs Ásgrímssonar, sem bókstaflega skildi flokkinn eftir í rusli.

Tel að lang líklegasta ríkisstjórnin verði þá Sjálfstæðisflokkurinn og Samfylkingin.

Og í sambandi við Árna Johnsen þá hefur hann að öllum líkindum lækkað um 2 sæti og jafnvel 3 og þar af leiðandi dotið út af þingi, vegna útstrikanna.

Þetta væri glæsileg ríkisstjórn að mínum mati ef Ingibjörg,Steingrímur og Ögmundur mundu yfirgefa hana.

Held að ef Framsókn myndaði með VG og fleirum, yrði kosið aftur innan árs …

sit her með krosslagða fingur um stjornarsamstarf sjalfstæðisflokksins og samfylkingarinnar. Þar að segja ef framsokn stendur við það sem þeir sögðu um það ef það yrði slæmt gengi hja þeim. Etc draga sig ut.

Eins lengi og vinstri grænum verði hent i stjornarandstöðu er mér sama hverjir eru i stjórn. Frekar óbreytt ástand en vinstri græna

Ætli það sé ekki nokkuð ljóst að fyrst að stjórnin hélt velli, þá haldi hún bara áfram. Það virðist manni á viðtölum við Geir að hann geti ekki hugsað sér neitt betra.


Þó að Jón sé súr og svekktur núna, þá á hann eftir að horfa á stöðuna og hugsa sér, hvernig verður það að vera formaður flokks, sem ekki er á þingi og þar að auki í minnihluta. Sá formaður hefur ekki mikið að gera.


Ef hann meinar eitthvað með því að nú þurfi flokkurinn að fara í gagngera innri endurnýjun OG á sama tíma vera í meirihluta, þá hlýtur honum að hugnast mjög vel R-lista pælingar.


Það verða samt margir fúlir ef einu augljósu “tapararnir” verði í meirihluta.
Ef Framsókn ákveður að fara ekki í samstarf við D-listann einu sinni enn, þá mun Geir að sjálfsögðu reyna að tala við V eða S. Spurning hvor flokkurinn yrði á undan. En hann sagði reyndar á kosninganótt eitthvað á þá leið, þar sem hann vísar til þess hvaða tveir flokkar eru í raun sigurvegarar kosninganna? Þannig að það ætti að vera vísbending um að hann myndi fyrst vilja ræða við Vinstri græn.


Það flókna við það samstarf hlýtur samt að vera, þrátt fyrir blítt bónorð Ögmundar í Silfrinu áðan, mjög erfitt. Hugmyndafræðilegur grunnur þessarra tveggja flokka, mjög á öndverðu meiði. Ég tel að slíkt samstarf yrði ekki mjög langlíft, einhver Vinstri grænn, gæti “með engu móti” sætt sig við eitthvað og þar með er samstarfið úti. Enda hljómar flokkurinn ekki beint eins og málamyndaflokkur, heldur flokkur sem hefur mjög skýrar línur sem siðferði flokksins, leyfir sér ekki að beygja.


Síðan er það samstarf Sjálfstæðisflokks og Samfylkingar, það er samstarf sem gæti mjög vel gengið og líklegast að mínu mati til þess að vera það samstarf sem flestir kjósendur myndu sætta sig við. Þar myndi blómstra þessi ímynd Sjálfstæðisflokksins um ábyrga efnahagsstjórn, en á sama tíma myndu breytingar er varða jöfnuður, jafnrétti og umhverfisvernd, sem almenningur hefur sýnt fram á með atkvæði sínu, hafa eitthvað vægi.


Þetta gæti þó reynst bæði Geir og Ingibjörgu óhugsandi, enda hafa flokkarnir litið hvor á annan sem hinn stóra andstæðing og vilja e.t.v. hafa það þannig, sérstaklega Ingibjörg. Það gæti verið taktískt óheppilegt að vera í samstarfi og hvaða burðarafl á þá að vera í minnihluta? Ég hef reyndar þá trú að Vinstri grænir sé með betri stjórnarandstöðuflokkum á Íslandi.

Aftur á móti gæti Samfylkingin lent/komið sér í sömu vitleysu og Framsókn og hreinlega misst afl sitt á samstarfinu.


Ég held s.s. að Geir telji að Framsókn sé sætasta stelpan á ballinu. En ef Framsókn vill ekki taka því boði, þá held ég að þeir velji frekar að vera þátttakendur í R-lista stjórn en engri, sérstaklega ef Jón er að passa upp á sig sem formann. Það er líka líklega það sem þeir sem snúið hafa baki við Framsókn hafa verið að biðja um með því að kjósa þá ekki.

Það mun Ingibjörgu líka hugnast betur en samstarf við Sjálfstæðisflokk sé hún í aðstöðu til þess að velja, það er eitthvað sem hún þekkir, kann og getur sannað sig í þeirri stöðu.


Aftur á móti tel ég að kjósendur yrðu ánægðastir með að sjá Sjálfstæðisflokk og Samfylkingu vinna saman og ef hugsjón flokkanna snýst um að gera það besta fyrir samfélagið, en ekki bara plotta fyrir næstu kosningar, þá ættu þessir flokkar að íhuga þennan valmöguleika alvarlega.

ef framsókn kemst aftur í stjórn, þá er eitthvað virkilega spillt við þetta land, meiraðsegja Jón Sigurðs komst ekki einu sinni a þing!

Ég er mjög ósammála þér með ríkisstjórnarmynstur, þar sem þetta ríkisstjórnarmynstur yrði líklega til óheilla fyrir íslensku þjóðina. Við vitum vel hvernig þriggja flokka ríkisstjórnir á Íslandi hafa gengið fyrir sig, þær hafa aldrei haldið kjörtímabilið og málefnalegur ágreiningur er gríðarlega mikill hjá þeim.

Þessi ríkisstjórn sem þú ert að boða og telur öflugan kost, er líka aðeins með 34 þingmenn, sem er sama þingmannatala og ríkisstjórnin hafði á seinustu 4 árum. Ríkisstjórnin á seinustu 4 árum hefur oft verið talin af stjórnmálafræðingum frekar veik ríkisstjórn vegna lítils þingmeirihluta, og þá getur verið erfitt að ná ákvörðunum fram. Þá hlýtur þessi þingmeirihluti þessarar ríkisstjórnar sem þú boðar að vera frekar bágur og alls ekki öflugur, þar sem hér erum við að tala um þriggja flokka ríkisstjórn.

Aftur á móti gleðst ég að kaffibandalagið náði ekki meirihluta vegna þess að það hefði að mínu mati verið versta ríkisstjórnin sem hefði getað orðið hér.

Framsóknarflokkurinn vann mikinn ósigur í gær, og býst ég við að á þeim bæ, telji menn ekki góðan kost að Framsóknarflokkurinn sitji í næstu ríkisstjórn, enda getur verið fylgisaflandi að sitja í stjórnarandstöðu og gangrýna allt sem stjórnin gerir. Framsóknarflokkurinn þarf að hugsa sín mál og fá nýtt og ferskt fólk í flokkinn, og ég tala nú ekki um að endurskoða stefnu sína. Þannig geta þeir jafnvel unnið vel á fylginu, að fjórum árum liðnum. Greinilegur vilji þjóðarinnar er líka að Framsóknarflokkurinn sitji ekki í ríkisstjórn.

Samfylkingin tapaði 2 mönnum í gær, og hljóta það að vera vonbrigði fyrir Samfylkingina, flokkinn sem var með það að markmiði að bæta verulega við sig frá síðustu kosningum.

Vinstri grænir bæta mest við sig og unnu þeir mikinn sigur, enda komnir með 9 þingmenn, en voru með 5.

Þrátt fyrir sigur VG, tel ég að sigurvegarar þessara kosninga séu Sjálfstæðisflokkurinn, þar sem þeir eru að bæta við sig 2 þingmönnum sem getur talist mjög óvenjulegt eftir 16 ára setu í ríkisstjórn. Ég tel að þjóðin hafi með atkvæðum sínum staðfest vilja sinn að Sjálfstæðisflokkurinn leiði næstu ríkisstjórn, og er það að mínu mati viðurkenning fyrir vel unnin störf á síðustu árum.

En við megum ekki gleyma því að stjórnin heldur, og er ekkert víst að breytingar verið gerðar á henni, þó hún sé gríðarlega tæp, en ef breytingar verða gerðar á ríkisstjórninni þá er eðlilegt að boltin sé hjá sjálfstæðismönnum, enda eru þeir með lang flesta þingmenn, og greinilegt að þjóðin vill sjá Sjálfstæðisflokkinn í ríkisstjórn.

Þú orðaðir þetta alveg hárrétt, það er nýríka millistéttin sem er að þakka sjálfstæðisflokknum fyrir sig með því að kjósa hann. Eins og tveggja barna móðir í úthverfi í Reykjavík orðaði það, “Við verðum að kjósa þann lífsstíl sem við lifum.” Mjög góð grein, mjög sammála.

Það að Sjálfstæðisflokkurinn bæti við sig fylgi eftir 16 ár í ríkisstjórn er ekki vegna þess að D listinn “klíndi” allri sökinni á B lista. Nei, þetta er einfaldlega greinilegt merki um að þjóðin vill hafa Sjálfstæðisflokkinn áfram í ríkistjórn.

Stjórnarmyndun þín er vissulega ekki skárri kostur en núverandi ríkisstjórn. Þriggja flokka stjórn sem er samt einungis með 34 þingmenn er of mikill bræðingur svo ekki sé talað um að meirihlutinn er e.t.v of lítill (núverandi stjórn er með 34 menn).

Það er mjög augljóslega vilji þjóðarinnar að Sjálfstæðisflokkurinn haldi sæti sínu í ríkisstjórn á meðan menn vilja augljóslega losna við Framsókn.

Ég hef ekki enn þá gert mér upp neina óska ríkisstjórn enn þá og ætla ég fyrst og fremst bara að fylgjast með viðræðum flokkana og sjá hvað setur, en hinsvegar er víst að þessi “lausn” þín eða öllu heldur 3-flokka vinstri stjórn með tæpan meirihluta er ekki vilji þjóðarinnar og því alls ekki ásættanlegt.

Verði Valgerður Sverrisdóttir fjármálaráðherra… Þá er eins gott að vera fljótur að flýja landið…

Bætt við 13. maí 2007 - 17:39
En, já ég myndi sætta mig við þessa ríkisstjórn annars.

fínt að skipta um olíu á ríkismaskínunni, hvernig svosem það annars fer.

Obboj fékk í magann að lesa þessa ríkistjórn.

“Forsetisráðherra: Ingibjörg Sólrún Gísladóttir” - Nei ég held ekki.

Mér líst vel á vinstri-grænt utanríkisráðuneyti. Við sáum hvað það kom Þjóðverjum vel í undanfara stríðsins í Írak - betur en Framsækin utanríkisstjórn Íslands.

Ef þú hefðir byrjað á ráðherralistanum þá hefðiru getað sparað mér ómakið við að lesa restin því ég hefði þá sleppt við alla vitleysuna.

Fjármálaráðherra: Valgerður Sverrisdóttir

Veistu hversu mikilvægt þetta ráðuneytisembætti er? Samfylkingin hefur sjálf gefið það tilkynna að þau eru ekki með mann hæfan í þetta embætti.
Svo vill það enda nú þannig eins og sagan hefur sýnt sig hvert sem litið er að ef vinstri stjórn er við völd þá vill nú kassinn tæmast.

kommúnisti

Mitt álit á vinstri stjórn

Svona til að byrja með…þið vinstri gæjarnir rífist og skammist fyrir mörgum þessum öryrkjum og fátæklingum sem hafa “engin” störf eða geta ekki unnið. Ég viðurkenni fúslega að það eru margir sem þurfa á bótum að halda en samt sem áður þá er frekar skrítið að það séu rosalega margir fátækir og án vinnu þegar það vantar fólk í vinnu ALLSTAÐAR. Staðreyndir er sú að það er nóg af vinnu. Fólk sem hefur ekki vinnu þessa dagana er fólk sem NENNIR ekki að vinna. Það lifir á atvinnuleysisbætum og kvartar og kveinar yfir því að fá svo littlar bætur. Mikið af þessu fólki er einfaldlega aumingjar. Svo kvartið þið og kveinið yfir því að þessir aumingjar fái ekki borgað enn stærri hlut af tekjum vinnandi fólks.

Núna skulum við snúa okkur að öryrkjunum. Vinkona mömmu minnar fer á líkamsræktarstöð fyrir fólk sem hrjáist af gikt, offitu og ýmsum öðrum kvillum. Þar er kona sem LABBAR inn í stöðina, hún er með
gikt. Og hún er 100% öryrki ?. Halló mamma mín er með svo slæma gikt að hún haltrar suma daga en hún vinnur eins og hver önnur manneskja. Og vitið þið hvað er en þá áhugaverðara. Maður þessarar konu er LÍKA öryrki. Hún fær borgað 230 þúsund á mánuði í bætur og svo RÍFST hún og skammast í kerfinu fyrir að borga sér ekki nóg. Svo vill vinstri stjórnin dæla enþá meiri pening í þessa aumingja sem nenna ekki að vinna sem svo rífast svo og skammast í kerfinu yfir því hversu bágt þeir eiga. Hvaðan kemur þessi peningur, jú frá fólkinu sem vinnur. Eina sem hún gerir er á daginn er að borða og þessvegna er hún að fara í magaminkun núna. Svo ef til vill í næsta húsi við hliðiná er einstæð móðir, ef til vill öryrki með 5 krakka og á rétt svo fyrir mat á diskinn.

Ég viðurkenni fúslega að það eru öryrkjar sem þurfa á þessum bótum að halda. Og jafnvel að sumir öryrkir fái ekki nóg en vandamálið er að eina sem fólk þarf að gera til að liggja heima hjá sér á 230 þús króna bótum er að kveinka nóg í lækninum sem skilgreinir þig sem 100% öryrkja. Vill fólk virkilega dæla peningunum sínum í svona fólk?

Fátækt vegna vinnuleysis á íslandi á ekki að eiga sér stað vegna þess að það er nóg af vinnu að hafa. Fullt af fólki sem á ekki rétt á bætum er að fá peningana á brettum heim til sín á meðan það liggur heima og flatmagar.

Hver uppsker það sem hann sáir. Ég vill ekki að aumingjar og letihaugar fái snefil af þeim pening sem ég réttmætlega unnið mér inn. Vinstri stjórn setur mikla áhersu á meðalmenskuna en það þýðir bara að peningarnir fara til fólks sem á þá ekki skilið.

Þetta kaffibandalag er líka ansi skrautlegt. Ég er hissa að þeir hafi verið svona nálægt að fella stjórnina og ég glaður yfir því að það tókst ekki því það hefði verið meiri hörmungin. Hvernig getur nokkur flokkur ætlað sér í samstarf við vinstri græna sem í gegnum tíðina hafa ekki geta unnið með einum eða neinum. Rífast bara og skammast. Hver man ekki eftir því tímabili þegar Steingrímur græni hélt þinginu í gíslingu með endalausri ræðu um ekki neitt til að koma í veg fyrir að eitthvað mál færi í gegn. Er það LÝÐRÆÐISLEGT þegar ein persóna eða flokkur með MINNIHLUTAATKVÆÐI neitar að koma málum i gegn með svona sirkusbrögðum. Þykjast ÞEIR með minnihlutaatkvæði geta ákveðið hvað fer í gegn og hvað ekki. Það er greinilega hverjir er komnir af kommúnistum. Þeir eiga ekki að geta haldið þinginu í gíslingu vegna þess hópur með minnihluta atkvæða vill ekki samþykkja umrætt mál.

Íslandsflokkurinn virtist vera alveg út að aka með þeirra 140 þús króna persónuafslátt. Hann væri hærri en lágmarkslaun margra sem þýðir að þeir gætu ekki nýtt hann til fulls og þeir sem hæstlaunaðir væru græddu mest á honum. Ég las á bloggi hérna um daginn umræðu um þetta mál þar sem einhver kom niður á áhugaverðan punkt. Þá kemur í ljós að skerðingar á tekjum til ríkisins yrðu umtalsverðar svo minnka yrði fjárveitingu tilvelferðarkerfisins um 13 miljarða króna af einhverjum 50 miljörðum. Núna fær fólk aðeins meiri pening en svo þarf það að borga helmingi meiri pening fyrir sjúkrahúsvist eða skólagjöld. 142 þúsund krónur í persónuafslátt lýtur vel út í augum þeirra sem hafa ekki svo mikið milli handanna en fólk verður að horfa á heildarmyndina en ekki bara það sem við blasir

Þetta kaffibandalag er mjög vel sett til að fanga til sín atkvæði þegar hver og einn flokkur gefur loforð sem höfða til mismunandi samfélagshópa sem skilja svo kanski ekki heildarmyndina. Ég ættla rétt að vona að fólk sem nær ekki að hugsa dæmið til enda komist ekki til valda.

Það vita allir að vinstri flokkarnir vilja stöðva allar virkjunarframkvæmdir, vilja meina að hægt verði að halda áfram “seinna”. Gera þeir ekki sér grein fyrir hversu stórbrotið traust fjárfesta væri á vilja íslendinga til að standa við sína samninga. Þeir myndu rústa trausti erlendra fjárfesta í verkefnum hérna á landinu á alþjóðavísu og spurning hvort nokkur myndi hætta á svo varasama fjárfestingu.

Ein af ástæðunum fyrir því að við íslendingar erum með ríkustu þjóðum í heimi, og nýlega að við vorum efst á lista yfir hamingjusömustu þjóð í heiminum er velferðakerfið sem er með þeim betri í dag. Hafið þið einhverja hugmynd um hvaðan peningarnir koma sem fara í velferðarkerfið? Jú það er iðnaðarstefnan sem heldur uppi velferðakerfinu okkar. Peningarnir streyma í velferðakerfið vegna þess að iðnaðurinn laðar til sín tækni og hámentað fólk. Erlend fyrirtæki dæla peningum í okkar hámentuðu orkusérfræðinga og annað vinnuafl sem enda að hluta til í velferðakerfinu, og hinsvegar í höndum þeirra sem uppskera það sem þeir sá.

Vinstri stjórnin vill meina að “eitthvað” annað komi í staðinn fyrir allan þennan iðnað. Þeir hafa haft 50 ár til að koma með þetta “eitthvað” og enþá hafa þeir ekki komið upp með neinn raunsæjann kost. Paul sem ég man ekki hvað heitir fullu nafni hjá vinstri grænum nefndi það að það ætti að reisa ipod verksmiðju hérna á landinu. Þeir tala mikið um hátækniverksmiðjur sem menga ekki og nota ekki mikla orku. Þetta væri ágæt hugmynd ef staðreyndin væri ekki sú að fyrirtækin þurfa að hafa góða ástæðu og vilja til þess að leggjast í svona framkvæmdir. Afhverju ætti apple að reisa ipod verksmiðju hérna á landinu þegar þeir geta reist það á indlandi og borgað 10% af laununum sem þeir myndu þurfa að borga hérna á íslandi. Vinnuaflið hérna er allt of dýrt til þess að nokkurt svona fyrirtæki dytti í huga að reisa verksmiðjur hérna. Hinsvegar þá er ORKAN okkar sem við beislum með virkjunum svo ódýr að hún laðar að sér orkufrekan iðnað sem á sér kost að þrífast hérna á landinu. Nú eru víst samningsviðræður komnar í gang við fyrirtæki sem vill setja á fót netþjónabú sem er mjög orkufrekt, hérna á landinu vegna þess að orkan er svo hrein og ódýr. Það að einfaldlega byggja ipod verksmiðju hérna yrði aldrei hagbært né raunsætt fyrir fjárfesta nema þeir flyttu inn um leið erlent vinnuafl og borgaði því 30 kall á tímann. En þá held ég að verkalýðsfélögin yrðu fljót að grípa inn í. Það eru einfaldlega ekki aðstæður fyrir hvaða iðnað sem er.

Það þýðir ekkert að segja bara stopp á alltsaman og halda áfram seinna eins og vinstri stjórnin ættlar sér. Þeir þurfa að hugsa dæmið til enda og gera áætlanir fram í tímann ekki bara komast til valda og láta eitthvað “koma í staðinn” þegar þeir ná svo loksins þingmeirihluta. Stefna núverandi stjórnar er þaulskipulögð langt fram í tímann og afleiðingarnar yrðu gífurlegar ef allt væri sett í stopp áður en þeir ná að klára og ná að mjúklega lenda þessari uppsveiflu sem hefur átt sér stað í iðnaðinum og samfélaginu. Það er ekki hægt að ganga í burt frá hálfkláraðri brú.

Kaffibandalagið er búið að lofa hinu og þessu en þeim vantar alveg raunsætt framtíðarmarkmið. Það er ekki bara hægt að láta “eitthvað” koma í staðinn fyrir það sem framfleytir kerfinu í dag. Ég ætla rétt að vona að fólk sjái að sér áður en það byrjar að kjósa flokka sem lofa hinu og þessu mánuði eftir að það þeir eru kosnir af því að fólkið græðir “aðeins meira” til skamms tíma litið. Hvað með eftir 1,2,3 ár þegar afleiðingarnar koma í ljos og velferðakerfið hefur lagst á hliðina því þetta “eitthvað” hefur ekki fundist eða er ekki að virka, allir fjárfestar eru farnir annað og þeir sem eiga peningana ekki skilið flatmaga heima á meðan þeir sem vinna mest borga mest og uppskera ekki þá vinna sem þeir leggja fram.

Meðalmaðurinn hefur sína kosti en á meðan fólk svindlar á kerfinu og aðstæður bjóða ekki upp á það þá græðir enginn á því nema þeir sem nenna ekki að vinna. Það er nóg af tækifærum á íslandi og þeir sem nenna ekki að nýta sér þau ættu ekki að vera sponsoraðir af þeim sem gera það. Það að bjóða fólki upp á að uppskera það sem það sáir er það sem knýr áfram samfélagsþróunina af meiri hraða en annars. Afhverju ætti einhver að vinna meira þegar hann uppsker það sama og sá sem gerir ekki neitt? Ef vinstri stjórnin kæmist til valda akkurat á þessum tímapunkti þá myndu þeir setja allt í stöðnun.

Bætt við 13. maí 2007 - 19:57
Af minni reynslu þá er það mikið ungt fólk sem kýs vinstri stjórnina því það virðist vera í “týsku” að vera á móti stjórninni og rosa grænn. Svo flyst það til hægri þegar það eldist og sér annmarka vinstri stjórnarinnar og blekkinguna. Það sér loksins heildarmyndina.

Hægri leiðin er sú leið sem einstaklingurinn vill taka til að blómstra og nýta hæfileika sína til fulls.

Ingibjörg í utanríkisráðuneytið & össur í forsætisráðherra

Það sem Framsóknarflokkurinn á að gera núna er að segja nei við alla sem biðja þá að mynda stjórn með sér. Sjá svo einhverja gallaða ríkisstjórn myndast sem mun sennilega ekki halda í heilt kjörtímabil.

Framsóknarflokkurinn er flokkurinn sem brúar bilið milli vinstri og hægri og getur unnið með öllum. Það er ástæðan fyrir því að hann hefur verið í ríksstjórn nánast alltaf síðustu áratugi. Nú eiga þeir að egja nei og leyfa hinum að reyna að gera eitthvað saman.

Já það er alveg óþolandi að sjá að sjálfstæðisflokkurinn, á eiginlega alltaf í kringum 35% atkvæða þjóðarinnar og þarf ekkért að hafa fyrir því.

No offence, en þetta er örugglega versta grein sem ég hef lesið. Hva ertu Mussolini endurfæddur?

Mér finnst stærsti sigurvegarinn vera Sjálfstæðisflokkurinn, búnir að vera 16 ár í stjórn, bæta við sig þremur þingmönnum og fá umboð til stjórnarmyndunar á ný. Vissulega eru VG líka mjög stórir sigurvegarar hér með því að tvöfalda fylgi sitt, en þeim mistókst hinsvegar (sem betur fer) að fella ríkisstjórnina.

Ég held að sterkasta stjórnin verði Sjálfstæðisflokkur og Samfylking.

Ég held að vinstri stjórn sé ekki málið, þannig stjórnir hafa aldrei haldist út kjörtímabilið auk þess sem það væri ávísun á hærri skatta. Er það það sem fólk vill?
Það er búin að vera hægri stjórn á Íslandi í 16 ár og við höfum það frábært! Það er til vinna fyrir alla þá sem vilja vinna, við getum farið í skóla og lært eins og okkur sýnist, matvöruverð hefur lækkað o.sv.framvegis.

Forsetisráðherra: Ingibjörg Sólrún Gísladóttir

ef að þetta gerist, þá erum við ísland í vondum málum=/ ég hef enga trú á þessari konu!

Las fyrstu tvær setningarnar og fann strax lykt af þessu týpíska sjálfstæðisflokkstuði. Þessi frasi “hafa komist upp með öll afglöpin” heyrist oft. Staðreyndin er samt sú að fólkið í landinu vill þennann flokk og það getur ekki verið að ástæðulausu. Ég hef ekkert á móti stjórnmálaskoðun eins né neins mér bara finnst svo óskaplega leiðinlegt þegar fólk byrjar að tuða svona um afglöp sjálfstæðisflokksins þar sem það er algjört smekksatriði hvort þessi flokkur hafi gert góða hluti eður ei.

Annars fín grein og málefnanleg.