Ef þú flyttir til einhvers lands og settist þar að, án þess að tala tungumálið þá eru ekki miklar líkur á því að þú fáir ábyrgðarstöðu nema að þú sért vel menntaður og reynir að læra málið sem talað er á staðnum. Hinsvegar væru börn þín eða barnabörn mun líklegri til að komast einhvað áfram að viðkomandi stað.

Margir af þeim sem vinna í þessum svokölluðu láglauna störfum, sem við Íslendigar neitum hreinlega að vinna, finnst þetta mikill munur frá því sem það fólk átti að venjast og sér ekkert athugavert við að vinna í fiski eða í skúringum og fá fullt af peningum, að þeirra mati, fyrir.

Ég geri fastlega ráð fyrir því að þetta fólk líti ekki á sig sem láglaunastétt enda enginn ástæða til. Fólk þarf að vinna fyrir mat og húsnæði og það er nákvæmlega það sem þetta fólk er að gera. Margir af þeim sem koma hingað eru líka í leit að betra lífi fyrir sig og börnin sín og gera hvað sem er til að börnin aðlagist sem best, þó það sé ekki algilt.

Það sem ég held að sé langmikilvægast í þessu öllu er að fólk fari að opna augun aðeins og hætti að horfa á innflytjendur sem “öðruvísi” fólk. Það er erfitt í dag að gera það ekki þar sem ekki er talað um annað en einhvejra innflytjendur. Maður fer að hugsa um innflytjendur sem einhvern sérminnihlutahóp ósjálfrátt í stað þess að sjá þetta fólk fyrir það sem það er; bara venjulegt fólk með nákvæmlega sömu áhyggjur og við sem höfum alltaf búið hér, ef einhvað hefur það meiri áhyggjur. Er í nýju, framandi landi og skilur kannski ekki alveg hvernig hlutirnir ganga fyrir sig.

Það erum við sem ættum að reyna breytast aðeins, vera þolinmóð og umburðarlynd. Þetta er ekki auðvelt fyrir neinn og við gerum þetta “aðlögunarferli” ekkert léttara með því að vera alltaf að hamra á þessum málum.

Það mun taka tíma fyrir fólk að læra og skilja okkar mál, og það er miklu erfiðara fyrir fólk sem er eldra og “fast” í sínu tungumáli. Hafi ekki allir heyrt mömmu og pabba reyna að stöngla einhvað á ensku? Það kemur á endanum, en hljómar mjög skringilega ;) (er að sjálfsögðu ekki algilt).

Á meðan kerfið virkar eins og það virkar þá væri líklega besta leiðin að hafa eingöngu skilyrði fyrir ensku. Það eru meiri líkur á því að fólk kunni einhvað fyrir sér í henni en íslensku. Það ætti samt ekki að stoppa fyrirtæki í því að setja sjálf einhver skilyrði um tungumála kunnáttu (íslensku, ensku eða bara bæði) áður en það er ráðið í stöðuna.

Þess má geta að hingað kemur mjög vel menntað fólk, læknar og lögfræðingar, verslunarmenn o.s.frv og fer að vinna í fiski og enginn segir neitt við því. Hefði haldið að fyrirtæki og stofnanir þyrftu vel mennta fólk, hvaðan sem það kemur og ef það þarf að kenna þessu fólki að tala einhvað tungumál til að það sé hægt að ráða það í vinnu þá ætti það einmitt að vera hagur fyrirtækjana að kenna.

friður
potent