Það er mikið ánægjuefni að vinstri menn og R-listafólk þar á meðal virðist ekki vera langt leidd í klósettþjálfun, eins og littlu börnin okkar. R-listinn er með niðrum sig í nánast öllum málum sem upp koma í borginni. Ef það er ekki Ingibjörg, sem er reyndar dugleg að fela sig frá pressunni þessa dagana, þá er það Hjörvar, nú ef það dugar ekki þá kemur Alfreð og drullar bara yfir alla. Nú er ekki launungarmál að borgarbúar finna skítalyktina gusa upp í mjög mörgum og mikilvægum málum. Það er augljóst að hér er meira að en skolplagna-vandamál.

Því miður sá ég ekki svipinn á Helga Hjörvar þegar hann þurfti að kyngja því stórt þegar hann sagði m.a. að: “það er ekki um raunverulegar skattalækknair að ræða heldur tilfærsla til að koma á móts við hækkun fasteignagjalda”…. Það sem Helgi er hér að segja og Gulli kallinn rak svo hressilega ofan í hann, er að Reykjavík er að lækka nefskatt á móti hækkun fasteiganskatts, sem hefur ekkert með útsvar að gera, sem olli miklu fjaðrafoki hér um árið vegna hinna umdeildu holræsaframkvæmda. R-listinn mun svo ekki fullnýta útsvarið, en einmitt er verið að nota það sem útgangspunkt á skattalækkun, sem er náttúrulega alger heimska. Þegar hlutir hækka ekki, er engann veginn hægt að tala um að þeir séu að lækka!! Held að nokkrir R-listamenn hefðu gott að því að fara í Endurmenntun Háskólans;) Enda eru R-lista menn í raun ekkert að lækka skattana, það er ríkið sem kemur til með að valda skattalækkun um næstu áramót. R-listinn ákvað að nýta ekki móthækkun á útsvari sem aftur á móti þýðir lægri skattar, þökk sé ríkinu ekki R-listanum.

Það sem stendur eftir hér er að R-listinn hefur skitið í buxurnar enn eina ferðina. Þegar Helgi Hjörvar sjálfur sveigir höfuð milli herðar og játar það að þetta sé nú bara brella eftir allt saman, það er ekkert verið að lækka skatta, þetta voru hans eigin orð. Þessir menn ættu að lesa bókina: “The Boy Who Cried Wolf”. Á endanum mun sannleikurinn skína ofar öllu bullinu og skítnum og fólk hættir, eða verður á einhvern hátt fullsatt á lygunum.

Ekki bætir úr skák þegar menn eru farnir að grípa til örþrifa ráða til að fela sukkið í Borgarsjóði með sölu á hinu og þessu. Búið er t.d. að tala um sölu á Linu.net og Perlunni, það nýjasta, auk þess að einkavæða aðra furðulega hluti sem ég ætla ekki útí hér. Lína.net er ekkert merkilegt fyrirtæki og virðist ætla að vera merkilegust fyrir þær sakir að þar er spilling og sólunda R-listans mest. Hún er svo svört að bókhaldi beggja vegna hefur verið harð-lokað af í fyrirspurnum og borgarbúum meinaðar upplýsingar um þær - 1,1 milljarð sem borgin hefur dælt í þetta vinstri-flopp-fyrirtæki. Það eru mikið öflugri fyrirtæki nú þegar á markaðinum sem munu gleypa Línu.net ef hún hætti undir verndarvæng Borgarinnar. Þá er bara spurningin hvort menn finna kaupanda að dauðadæmdu fyrirtæki sem skilar fjárfestingunni til baka? Ekki skulum við gleyma að á sínum tíma var ákveðið að borgin myndi Í MESTA LAGI eyða um 200 milljónum til að koma þessu ævintýri af stað, PUNKTUR OG BASTA, svo ætti að selja fyrirtækið til einkareksturs. Nú í dag og 1100 milljónum seinna er R-listinn enn eina ferðina búinn að sukka vel með almannafé og situr uppi með fyrirtæki sem jafnvel lifir ekki af samkeppnina, þar sem fyrirtækið hefur ekki þá vöru til sölu sem til stóð að fyrirtækið ætti að hafa í byrjun þessa árs. Þetta hlýtur að þýða að fyrirtækið er ekki að valda þeim væntingum sem til þess voru gerðar.

Alfreð spilar sig svo stórt þessa dagana, að hann sker þvert á forystu flokks síns sem í hvívetna vill að B-listi bjóði sjálfstætt í Reykjavík. Ég hins vegar ráðlegg Alfreði að vinsamlegast halda áfram samstarfi við R-listann, því honum gæti tekist ætlunarverk sitt að þurrka B-listann úr pólitík í Reykjavík, enda er flokkurinn í sögulegu lágmarki í Reykajvík, aðeins með rúm 7% fylgi. Go-Alfreð;)

Sama mætti segja um Samfylkinguna, hún er ennþá verri og virðist hennar ær og kýr að bjóða hvergi fram undir eigin merkjum, annað en K-listi, S-listi, R-listi o.s.frv.listi eða hvað sem þessi sam-plott heita nú. Maður getur ekki annað en hlegið þegar fólk veltir sér uppúr fylgistapi samfylkingarinnar. Nú vilja þeir heita jafnaðarflokkur Íslands, jahérna, það fer bara gæsahúð um mann. Held að svo framarlega sem Samfylkingin bjóði fram undir kosningarbandalögum fremur en eigin nafni og sannfæringu, muni þeir eins og Framsókn hverfa hægt út í þeim kjördæmum. GO-Össur;)

Vinstri Grænir láta svo alla vita að þeir munu vilja ráða ferðinni með sínu ósýnilega valdi sem er byggt á skoðanakönnunum. Þessir menn eru ekkert annað en kommar og standa eingöngu fyrir framlegðar-stöðnun og afturhaldssemi, sem heitir niðurrifs-starfsemi öðrum orðum. Þetta er flokkur sem er öfgakenndur vinstri-flokkur sem tekur uppá því að hafa, á aðalfundi sínum, heiðursgesti sem eru landrækir pólitískir niðurrifsmenn frá Noregi. Manni hlýtur að vera spurn hvort að þessir menn fylgist ekki með utan Íslands. Reyndar hafa VG menn það umfram Sam-spaghettí-fylkinguna að þeir hafa raunverulega föst málefni á sinni dagskrá en eru ekki að vagga sér til miðju/vinstri/hægri… eða eftir því sem stefnið hreyfir þá hverju sinni.

Össur og Guðmundur vilja meina að það þurfi að breyta um nafn á spaghettí-klessunni. Ég ráðlegg þeim einmitt að gera það, kannski jafnvel: jafnaðar-fylkingin, þetta nafn á vel við þessa kreddu. Nafnið gefur til kynna þann glundroða sem á sér stað og þá sundrungu sem samfylkingarmenn eru að upplifa. Megin ástæða þess að Samfylkingin er ekki að vinna á er ekki vegna þess (eingöngu) að Össuri mistókst og það sem Jóni Baldvini mistókst líka, heldur vegna þess að í samfylkingunni vinna allir í sínu horni að sínum sérhagsmuna-framapoti umfram hagsmuni heildarinnar í formi fylgis. Flokkurinn ætti því með réttu að heita Ósamfylkingin. Þetta viðurkenndu forsvaramenn flokksins, Guðmundur Árni lýsti því yfir sjálfur í umræðuþætti og viðtali að hann teldi þetta einmitt mesta meinhorn flokksins, þ.e. að hversu lítill áhugi og lítill neisti væri á meðal flokksmanna fylkingarinnar. Hann sagði það berum orðum að hann ætti jafnmikla sök á því eins og aðrir flokksmenn að hafa lítið aðhafst til að hefja flokkinn á flug. En, Guðmundur verður að átta sig á því að ástæða þess að flokkurinn minnkar er einmitt þessi hugsun, sjálfseyðilegging og áhugaleysi á stjórnleysi. Er þetta ekki hið klassíska dæmi um þegar eitthvað er að deyja út, þá er lítið annað eftir en dauðakippirnir. Menn ættu að sýna líkinu virðingu og jarða samfylkinguna hið snarasta, enda enginn að vinna því fylgis nema Össur, og það fylgi fer dvínandi. Einn maður veldur ekki hópvinnu eins og til mætti ætlast af stjórnmálaafli.

Nú er orðin lennska hjá þessum ofangreindu aðilum og flokkum að kenna og koma öllum sínum óförum á Sjálfstæðisflokkinn. Þetta eru eins og óþekkir krakkar sem eru að óhlýðnast mömmu eða pabba. Vita allt betur, er frekir og kjaftforir, fara ekki eftir neinu sem sagt er, segja manni jafnvel að halda kjafti ef maður reynir að rökræða hlutina og leiðbeina þeim á betri veg - alveg eins og litlir krakkar.

Þegar sveltandi manni er rétt kex, er það án efa sú besta máltíð sem hann hefur fengið í langa hríð, ánægjan er slík. Því er ekki að leyna að undanfarið hefur borið á þremur mjög slæmum málum, sem eru reyndar öll eru til rannsóknar. Því miður hefur tekist að flokkstengja þessa óheppnu einstaklinga sem ekki sáu sér þann kostinn að vera heiðarlegir í starfi sínu. En, vinstri menn, ávallt blindir fyrir eigin siðblindu, gleyma að minnast á 5000 milljónirnar, já 5 MILLJARÐANA, sem Ögmundur hefur gloprað úr lífeyrissjóðakerfinu - er það til rannsóknar? 1100 milljónunum sem R-listinn hefur gloprað fyrir borgarbúum - er það til rannsóknar? Svona mætti lengi telja.

Ég er hinsvegar mjög stoltur að því að vera virkur þáttakandi í flokk, sem leggst ekki á sama “skíta-plan” og margur annar. Það er mikil ánægja að málefni eru ofar en skítkastið. Dæmin sanna það ætíð að stefna flokksins er að leggja útfrá málefnum og málaflokkum, ekki persónugerandi skítkasti, eins og örvæntingarfullir fjórflokkar og tapsárir óþekktarormar munu jú ætíð grípa til. Flokkurinn hefur verið með nokkuð stöðugt fylgi, sér í lagi á landsvísu, um 39,2% að meðaltali frá kosningum 1931. Flokkurinn fékk 40,7% í síðustu alþingiskostningum og held ég að það segi allt sem segja þarf.

Þetta er þó ekki ástæða fyrir okkur Sjálfstæðismenn að slaka á, þvert á móti er núna rétti tíminn til að blása til frekari sóknar og ná eyrum þeirra sem vilja láta leiðbeina sér á rétta braut. Gott væri að sjá flokkin komast í það fylgi sem hann hafði í alþingiskosningum 1933, eða það mesta sem flokkurinn hefur fengið, um 48%. Við erum á góðri leið með það, þar sem flokkurinn er kominn yfir 45% í könnunum. Mér finnst þó full djúpt í árina rekið að fara útí kosningar vegna þess eina, enda væri það gjörsamleg sólunda á almannafé.

Ég bið vinstri öfl, krata og kreddur að halda viðtekinni venju í sameiningarmálum, því það er örugg leið að falli. Góðar stundir.

bjox@hugi.is