Þú verður seint talin orðheppin. Ertu ekki að grínast, eða kýstu sjálfstæðismenn af því þeir eru aðlaðandi, fyndnir og kammó?? Þetta er nú ekki beint prik fyrir Sjálfstæðisflokkinn og kyndir undir það orðspor, að fólk sem hafi ekkert vit stjórnmálum og nenni ekki að pæla í þeim kjósi hann. Svo þekkja allir gömlu söguna að gáfumennirnir og háskólaprófessorarnir séu vinstri sinnaðir. Hvorum er meira mark takandi á? Hvar eru kláru frjálshyggjumennirnir? Davíð er ágætur sem slíkur, en það er sorglegt að sjá á hvaða forsendum sumir kjósa hann. Segðu mér að þú sért að grínast.

Ja hérna hér…
Hvílík yfirborðskennd, vissulega hefur það áhrif á fólk hvernig stjórnmálamenn koma fram, eins og sagt er með hann Davíð að hann hafi náðarvald á fólki, ég verð að viðurkenna að mér finnst fólk oft kjósa sjálfstæðisflokkinn af eigin fáfræði.

Mér finnst t.d. fáránlegt ef að láglaunaður verkamaður kysi sjálfstæðisflokkinn, þá myndi ég hreinlega gera ráð fyrir því að sá maður vissi ekki mikið um stjórnmál eða vildi bara leyfa einhverjum ákveðnum 10-20% að ráða öllu og taka alla þjóðarkökuna til sín.
´
Mér finnst fólk vera oft svo hræðilega ómeðvitað um stjórnmál, fólk kýs bara eitthvað sem þeim finnst cool eða einhver sagði þeim að kjósa það. Plís kynnið ykkur málin áður en þið kjósið, fáránlegt að kjósa eitthvað sem þú vilt ekki kjósa í raun og veru. Ekki það að það er fullt af fólki sem vill kjósa sjálfstæðisflokkinn sérstaklega vegna þess að það er hálaunað og hefur hagsmuna að gæta, þ.e. það vill ekki borga hátekjuskatt o.s.frv.

…bezt að níðast svolítið á fólki með augnsjúkdóma! Ertu að tapa þér?

Sæl,

Ert kannski blindur fylgismaður Sjálfstæðisflokksins en ert kannski eitthvað ósátt við nafnið á honum? Virðist sem þú vildir frekar að nafnið væri: “Sjálfsætðisflokkurinn” en ekki “Sjálfstæðisflokkurinn” ef marka má fyrirsögnina þína… :)

Kv.

Hjörtur J.

Sá póstur sem ég hef séð frá þessu notendanafni var skrifaður af Eyrúnu sem sagðist vera 14 ára.
Ég geri ráð fyrir því að þú sért sama manneskjan.

Ég verð að viðurkenna að mér finnst þú vera sorglegt dæmi um unga stuðningsmenn Sjálfstæðisflokksins. Það geta verið ýmsar ástæður fyrir því að þú styðjir Sjálfsf. en ég leyfi mér að efast um að það sé vegna málefnanna.
Þú nefnir hvað Davíð er fyndinn.
Jón Gnarr og hinn hausinn hans eru líka taldir fyndnir en treystir þú þeim til þess að stjórna landinu?

Ég er ekki alveg inn í nýjustu kjaftasögunum um augnsjúkdóma Helga Hjörvars og því segi ég pass við þeirri umræðu

Það er rétt hjá þér að kommúnisminn kemur ekki til greina. En það hefur ekkert að gera með Animal Farm. Sú mynd var ádeila á Sovétríkin en þar komst aldrei, né nokkur staðar annar staðar, á kommúnismi.
Hreinn kommúnismi, hreinn kapítalismi og hrein frjálshyggja eru hugmyndir sem virðast voða góðar en ganga ekki upp.

Öryrkjar hafa það skítt og þeir hafa svo sem aldrei haft það gott en það er engin afsökun.
Margt lágtekjufólk, þar á meðal margir öryrkjar, hafa í raun orðið fyrir óbeinni skerðingu.
Það gerist þannig að laun hækka eitthvað en persónu[skatta]afslátturinn stendur í stað. Gengið fellur og veldur verðbólgu þannig að heildarlaunin eru orðin jöfn því sem þau voru fyrir launahækkunina. En nú er borgaður meiri skattur af því.
Um leið verður líka ýmiss þjónusta dýrari og biðlistar sjúkrastofnana lengjast.
Þetta er vissulega einfölduð mynd en í meginatriðum er þetta svona.

En ef það er rétt hjá mér að þú ert bara 14 ára þá er ekki öll von úti enn. Þú hefur enn fjögur ár til þess að afla þér reynslu og mynda eigin skoðanir út frá málefnum og stefnu flokkanna. Og vonandi færðu að sjá aðra stjórn að störfum von bráðar. Besta leiðin til þess að verða fróðari er að tjá þig um þetta. Við það styrkist þú í þinni skoðun eftir því sem þú finnur fleira sem styður hana eða að þú lagar þína skoðun ef þú finnur galla á henni.

NB: Ég er ekki að segja að það sé rangt af þér að styðja Sjálfstæðisflokkinn. Mér finnst það vissulega rangt en skiptir ekki máli hvað mér finnst. En ég væri til í að sjá aðeins meiri rök fyrir því að þú styður Sjálfstæðisflokkinn.

Kveðja,
Ingólfur Harri

Kæra Laufa.

Þá vitum við það að hvað “ íslensk ´pólitík ” gengur út á nú til dags.
Hins vegar margar nokkuð “ skemmtilegar” stafsetningavillur. Ég las fyrirsögnina á greininni án þess að sjá ð ið. og þar kom út Sjálfsætisflokkurinn, og ef s ið hefði nú líka gleymst þá á það nokkuð við efnið.
Hlegi Hjörvar slær hins vegar öll met, og fékk mig til þess að veltast um af hlátri.
Allt í góðu.

Vil bara benda á að hann heitir “Sjálfstæðisflokkurinn”.

Davíð Oddson getur ekki verið annað en fyndinn og kammó þegar hann þorir ekki að takast á við andstæðinga sína í sjónvarpi ,heldur biður um að vera einn , kannski vegna þess að hann hreinlega hefur ekkert í þá . Það er skrítið að það sem þjóðinn vill er leiðtogi sem er huglaus .

( er einhver sem veit aðra ástæðu afhverju hann vill bara koma einn fram í sjónvarpi)

Ég verð að segja það að ég er þér hjartanlega ósammála.

Hef ekki meira um það að segja en að þegar þú sagðir “en ég er nú ekki lokuð inni í helli eins og bin Laden kunningi minn”.

Er gáfulegt að vera að kalla einn af verstu hryðjuverkamönnum heims “kunningja” sinn?
Ég hefði frekar sleppt þeirri athugasemd.

Og líka með hann Helga Hjörvar þó að hann hafi alltaf farið nett í taugarnar á mér, þá er það satt sem fólk segir, hann er með augnsjúkdóm sem að hann getur ekkert gert að. Svona skítkast í annars ágætri grein dregur úr ágæti hennar.

kveðja
honeybun

eyrún … öryrkjar hafa kannski aldrei “blómstrað” ef þú vilt orða það þannig.. en launin hafa aldrei verið eins lág.. hvernig eiga þeir að lifa? eiga þeir kannski að sitja í myrkrinu og halda kjafti á meðan aðrir sem eru það heppnir að halda heilsu eigi fyrir að halda lífi?! Það er ekki bara núna sem öryrkjar eru að tala um bágborin kjör heldur er meira um það því að peningarnir eru nú á þrotum.. hverjum er það að kenna? .. varla þessum “fyndna og kammó” manni er það!? Öryrkjar er komnir á götuna í hundraðatali.. og er það engin líking því að ég þekki til fólks sem sefur úti.. hvers konar menn eru það sem henda sjúklingum þessa lands úti á götur í kuldann? er það húmor? Ég held að þú ættir ekki að vera að tjá þig um þessi mál áður en þú kannar kjör öryrkja núna, hvernig ætli húmorinn í honum “Dabba þínum” yrði ef að hann þyrfti að lifa við slík kjör?! ég skal segja þér.. að ein kona á fertugsaldri dó á síðasta ári.. úr flensu, því að manneskjan var öryrki. veik í lungum og ÁTTI EKKI FYRIR FLENSULYFJUNUM! Ég vil bara benda fólki eins og þér á að vera ekki að “tala út” um svona mál fyrr en að það hefur kynnst því af eigin reynslu..
Takk fyrir Dagmar.