mimir fyrir 23 árum, 2 mánuðum Fjöldi lestra: 374

Erlent fjármagn

Nú á að selja Símann einhverjum erlendum kjölfestufjárfesti, gefa honum meirihlutavald og tækifæri á að kaupa það sem seinna verður selt.
Lögð er áhersla á að þetta verði erlendur aðili.
Er þetta ekki frekar slæm hugmynd.

Ég skil það vel að það sé gott fyrir efnahagslífið að fá erlent fjármagn, en það hlýtur að eiga helst við í útflutningsfyrirtækjum.

Hugmyndin með því að fjárfesta peningana sína er að hafa gróða af þeim. Sem sagt að geta fengið meiri pening út en maður lætur inn.

Í þessu tilfelli kemur þessi gróði frá okkur símnotendum (öllum símnotendum þar sem grunnnetið er með í pakkanum).

Er ekki betra að þessi gróði renni í vasa innlends aðila, ríkis eða einkaaðila, þannig að þeir komist aftur í umferð í íslenska efnahagskerfinu?

Þrátt fyrir erfitt og stjábýlt land erum við með einna bestu fjarskiptaþjónustu í Evrópu. Og þrátt fyrir áralanga einokun þá var (og er) verðið með því lægsta í austan Atlandshafs án þess að hagnaður væri lítill.

Vissulega er pláss fyrir hagræðingu og enn lærra verð. En fáum við það eitthvað frekar með því að erlendur fjárfestir hirði gróðann?

Kveðja,
Ingólfur Harri

Jusl fyrir 23 árum, 2 mánuðum

Hversu lengi eigum við að vera einangruð??? Eigum við að mega að fjárfesta í erlendum fyrirtækjum? Jú auðvitað, og þá eiga erlendir fjárfestar líka að mega það….

Við erum alltaf að einangra okkur meira og meira meðan við ættum að opna okkur meira.

viva EU,
viva Europe

Fyrra álit

geirag fyrir 23 árum, 2 mánuðum

Heyrið ekkert rugl! Erlendur fjárfestir verður að sjá einhvern hag í því að koma inn í þetta fyrirtæki, stuðla að frekari uppbyggingu þess og efla íslenskan fjarskiptamarkað. Er TAL ekki að miklu leyti í eigu erlendra aðila? Hvað með Íslandssíma? Staðreyndin er sú að það hafa fáir íslenskir aðilar bolmagn til að standa í rekstri og uppbyggingu fjarskiptafyrirtækja með öllum þeim dýru tækjum og tólum sem því fylgja. Það að gróðinn lendi hjá honum er bara ávinningur fyrir uppbyggingu og rekstur í hörðu samkeppnisumhverfi.

Íslendingar eru smám saman að opnast og færast í átt til frjálsræðis. Nú þegar fjarskiptarekstur er að mjakast úr höndum hins opinbera (með Reykjavíkurborg og Línu.net að undantekningu) þá er um að gera að ganga á lagið og losa landbúnað undan styrkjum, gera aflaheimilidir að löglegri og varanlegri eign og hætta að láta hið opinbera gera það sem það gerir verst - skipta sér af rekstri fyrirtækja!

Fyrra álit

Kristbjorn fyrir 23 árum, 2 mánuðum

Málið hérna er að síminn er að skila nokkrum milljörðum á ári í ríkissjóð. Hagnaður fyrir skatta í fyrra var að mig minnir ca. 6 milljarðar. Nú á að gefa erlendum fjárfesti meirihluta í þessu apparati fyrir 10 milljarða. Það er þjófnaður, og ekkert annað.

Þessi ríkisstjórn hefur verið þekkt fyrir það að taka eignir almennings og gefa sínum einkavinum. Það finnst mér ekki góð hugmynd.

Kristbjörn

Fyrra álit

ritter fyrir 23 árum, 2 mánuðum

Sælir,

Öllu má stilla í hóf. Tel að þegar um er að ræða svona ráðandi fyrirtæki á íslenskum markaði þá verði að tryggja að það sé ekki í meirihlutaeigu erlendra aðila.

Gera aflaheimilidir að löglegri og varanlegri eign??? Ertu fylgjandi kvótakerfinu?

Kveðja,

Hjörtu

Með kveðju,

Fyrra álit

ritter fyrir 23 árum, 2 mánuðum

Sælir,

Þú meina: Hversu lengi eigum við að vera sjálfstæð? Það eru ólíkt meiri líkur á að erlendir aðilar kaupi allt sem hægt er að kaupa hér á landi en að íslenskir aðilar kaupi allt sem hægt er að kaupa erlendis. Íslenskir kaupsýslumenn eru ekki ógnun við erlend lönd en erlendir kaupsýslumenn eru ógnun við Ísland.

LIFI ÍSLAND!!!

Kveðja,

Hjörtu

Með kveðju,

Fyrra álit

radical fyrir 23 árum, 2 mánuðum

Um að gera að selja þetta þeim sem vill kaupa.
Ríkið á ekki að vera að skipta sér af markaðnum. Ef erlendir aðilar sjá hag sinn í því að kaupa þetta og gera einhvað uppbyggilegt úr þessu þá er það bara gott mál. Á endanum þýðir þetta betri þjónusta á lægra verði fyrir þá sem nota hana.. er það ekki það sem fólk vill?

friður
potent

Fyrra álit

Kristbjorn fyrir 23 árum, 2 mánuðum

Ég er alveg til í að selja ríkiseignir, en þá þarf það að vera á skynsamlegu verði. Ef að fjárfestir getur fyrir 10 milljarða keypt sér ráðandi hlut í fyrirtæki sem skilar nokkurra milljarða króna hagnaði á ári, þá er verið að gefa einhverjum útlendningum mínar eignir.

Erlendir sem og innlendir fjárfestar reka fyrirtæki til þess eins að græða á þeim. Það er ekki markmið, en stundum aukaafurð að almenningur fái betir þjónustu á lægra verði.

Kristbjörn

Fyrra álit

radical fyrir 23 árum, 2 mánuðum

Það er nú þannig að fyrirtæki græða ekki peninga ef fólk verslar ekki við það. Það hefur sýnt sig að ef markaðurinn fær að ráða þá finnur hann leiðir til að koma á móts við þarfir fólks, það gerir ríkið hisvegar ekki og hefur aldrei gert að neinu ráði. Ég er ekki hræddur við að grunnnetið verði að einhverju tóli sem notað er til að kúga peninga úr fólki.. en það hefur verið notað þannig hingað til. Því get ég bara ekki séð neitt að því að þetta verði selt til hverns þanns sem vill kaupa.

friður
potent

Fyrra álit

mimir fyrir 23 árum, 2 mánuðum

Af hverju ætti einhver að kaupa grunnnetið og lækka síðan verðið á því?
Það verða ALLIR að nota það hvort eð er.

Fyrra álit

radical fyrir 23 árum, 2 mánuðum

Er það einhver trygging að verðið sé lágt við núverandi aðstæður? Og er verðið lágt í dag?

Það er alltaf verið að tala um að það sé eitt lægsta verðið á símaþjónustu hér á landi miðað við önnur lönd, enda varla hægt að fara fram á annað þar sem skattpeningar eru og hafa verið notaðir til að borga þetta upp. Hafa þeir peningar verið teknir inn í dæmið þegar þessar staðhæfingar eru lagðar fram? Væri gaman að vita það.

Annars er mín skoðun einfaldlega sú að einkaaðilar séu mun betur til þess fallnir að vera í markaðnum og að ríkið eigi bara ekkert erindi þangað. Einkaaðilar reka fyrirtækin betur, því þeir verða að gera það, annars fara þeir á hausinn. Það gera ríkisfyrirtæki hinsvegar ekki. Því þeim er haldið á floti hvað sem á gengur.

friður
potent

Fyrra álit

Kristbjorn fyrir 23 árum, 2 mánuðum

Verð á símaþjónustu á Íslandi í dag er frekar lágt miðað við önnur lönd í kringum okkur.

Síðustu áratugi hefur Síminn verið að borga peninga inn í ríkiskassann, en ekki verið að taka peninga frá ríkinu.

Kristbjörn

Fyrra álit

radical fyrir 23 árum, 2 mánuðum

Af hverju hefur þá verðið ekki verið lækkað enn meira? Það að þetta sé með lægsta verði miðað við önnur lönd kemur málinu lítið sem ekkert við þar sem það vorum við, skattgreiðendur, sem höfum borgað allt batteríð frá upphafi, og enn borgum við. Hinsvegar er það þannig úti að fyrirtæki hafa þurft að leggja fram fyrir þessum kostanði sjálf og því ekkert óeðlilegt að þar sé þjónustan dýrari.

friður
potent

Fyrra álit

mimir fyrir 23 árum, 2 mánuðum

Verðið er ekki lægra vegna þess að ríkið hefur svipaðar arðsemiskröfur og einkaaðilar.
Það er ekkert sér-íslenskt fyrirbæri að ríkið reki símafyrirtæki.
Það er fyrst á síðustu árum sem menn hafa verið að einkavæða þau en ekki grætt mikið á því.

Ríkið hefur fengið fjárfestingu sína margfallt til baka alveg eins og einkaaðilar hefðu fengið.

Það eru því símnotendur sem hafa byggt upp símann. Þ.e.a.s. öll þjóðin.

Kveðja,
Ingólfur Harri

Fyrra álit

radical fyrir 23 árum, 2 mánuðum

Fyrst að öll þjóðin á símann og hefur byggt hann upp, má ég þá selja minn hluta til þess sem vill kaupa?

friður
potent

Fyrra álit

mimir fyrir 23 árum, 2 mánuðum

Erlendur aðili kaupir ef hann sér hagg sinn í því að kaupa. Það þarf ekkert að vera að hann vilji gera eitthvað uppbyggilegt.

Allir landsmenn neyðast til þess að nota grunnnetið. Þar er ekki einu sinni fákeppni heldur algjör einokun.

Það er því engin hvatning fyrir eigendur Símans til að hagræða og lækka verðið.

Í tæp hundrað ár hafa landsmenn allir átt þátt í uppbyggingu Símans. Hann hefur veitt nokkuð góða þjónustu á nokkuð góðu verði og samt skilað verulegum hagnaði til eigandans - okkar.

Nú á að selja silfrið burt og gefa stjórnunina úr landi á hálfvirði.

Eina hagræðingin sem við munum sjá verður tekin beint úr frá landsbygðinni í formi skertrar þjónustu.

Kveðja,
Ingólfur Harri

Fyrra álit

gmaria fyrir 23 árum, 2 mánuðum

Ég tek undir sjónarmið þin í þessu máli.

Þessi gullkú sem uppbyggst hefur fyrir skattfé borgarana, og skilar hagnaði í settu markaðsumhverfi yfirvalda,nota bene, ætti að geta haldið áfram að mala gull, fyrir skattborgara og rökin fyrir sölu í ljósi markaðshyggjunnar því vandfundin.
Tilraunir stjórnmálamanna til þess guma sig af “hagkvæmri” einkavæðingu renna því miður út í sandinn í þessu efni.

kveðja gmaria.

Fyrra álit

Stjórnmál

Stjórnmál

Ofurhugar

Stjórnendur

Hverjir eru inni

Greinar

Erlent fjármagn

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi