Sæll félagi,

Þakkir fyrir að kalla mig rasista þegar ég er ekki einu sinni að kyrja mínar eigin skoðanir heldur rannsóknir fræðimanna sem mér hafa verið kenndar við Háskóla Íslands (SHIT!!! ég er í rasista-háskóla!!! Hverjum hefði dottið það í hug?) En voðalega halda menn að þeir geti alltaf bætt stöðu sína við það að núa andstæðingum sínum um nasir að þeir séu fordómafullir eða rasistar þegar þá fer að skorta rök fyrir skoðunum sínum, merkilegt lífseigt sjónarmið…

En nei, ég er ekki rasisti kallinn minn sama hvað þér kann að finnast. Ég hef aðeins verið að vitna í fræðibækur og rannsóknir ýmissa virtra fræðimanna á þessum hlutum, þ.á.m. mannfræðinga. Auðvitað getur verið að blessaðir mannfræðingarnir séu áhugamenn um að stimpla sig sjálfa rasista? Aldrei að vita, mannlegt eðli er einu sinni afar einkennilegt á stundum…

Ennfremur hef ég ekki verið að kalla múslima verra fólk en mig eða þig eða Jón Jónsson í Keflavík. Ég veit ekkert um almenna innréttinggu múslima upp til hópa. Það sem ég hef verið að segja er einfaldlega að þeir taka alla jafna trúarbrögð sín miklu, miklu alvarlegar en við okkar og að fræðimenn telji (þ.á.m. mannfræðingar) að trúarbrögð þeirra (þ.e. hvernig þau eru iðkuð í dag) séu líkt því hvernig við iðkuðum okkar trúarbrögð á miðöldum, þ.e. ströng, afturhaldsöm og fornfáleg. Þetta hefur einfaldlega verið rauði þráðurinn í mínu máli. Er eitthvað erfitt að skilja þetta? Er þetta rasismi? Nei! Þetta er talið til fræðilegra staðreynda! Er það rasismi að lesa sér til í bókum virtra fræðimanna og kynna sér staðreyndir þó svo þær kunni að fara illa í suma aðila eins og t.d. þig? Er rasismi að segja sannleikann? Rasismi er vanþekking og síðast þegar ég vissi les maður virt og vel ígrunduð fræði til að vinna bug á slíkri vanþekkingu. Þú ert kannski bara persónulega svona vel innréttaður að þú þurfir þess ekki? Bara meðfæddar gáfur? Nei kallinn minn, ég er ekki rasisti fyrir þau orð sem ég hef hér látið falla hvað sem þér kann að finnast enda ef svo væri væru sennilega flestir þeir fræðimenn sem þessi fræði hafa rannsakað rasistar líka. Hins vegar er þér frjálst að hafa þína skoðun á mér eins og þig lystir enda skoðanafrelsið ekki síst upphugsað til verndar heimskulegum sjónarmiðum en þeim að stimpla mig rasista fyrir fræðilega úttekt á viðkvæmu máli. Ef þú villt vaða í villu eigin fordóma og vanþekkingar verður svo bara að vera - þitt er valið!

Kveðja,

Hjörtu

Sæll aftur félagi,

Bara smá viðbót við fyrra svar mitt:

Enn varðandi óverðskuldaða einunnargjöf þína til mín. Þér er víst greinilega mikið í mun að stimpla mig sem rasista og fordómafullan, þá vætanlega til að reyna að lappa eitthvað upp á þína vígstöðu enda verður að teljast vera um að ræða ákveðið örþrifaráð. Ég hef reyndar þegar sýnt þér og öðrum fram á það að ég er ekki rasisti og það hversu mikilli heimsku það lýsi að detta í huga að væna mig um slíkt. Á þó illa von á að þú viðurkennir það og haldir þess í stað áfram að klóra í bakkann. Verður svo víst að vera. Annars má þess einnig geta þér til fróðleiks að ófáir á undan þér hafa fengið þessa flugu í kollinn en orðið að éta orð sín ofan í sig aftur jafnharðan, og af hverju? Jú, einfaldlega vegna þess að ég er ekki rasisti og að sú tilraun þeirra til að væna mig um slíkt hefur einvörðungu sýnt fram á þeirra eigin fordómafulla innræti. Sama virðist einnig vera að segja um þig, vona þó ekki.

Ég vona einnig að þú sért ekki einn þeirra sem eru svo uppteknir við að benda á flísina í auga náungans að þeir sjá ekki bjálkann í sínu eigin auga. Það er nefnilega oft sagt að þeir sem eru hvað duglegastir við að gagnrýna aðra fyrir fordóma séu hvað fordómafyllstir sjálfir þegar upp er staðið. Ég þekki ýmsa voðalega fordómaleysis-postula sem gera lítið annað en skamma menn fyrir alls kyns fordóma, raunverulega og ímyndaða, og fullyrða á sama tíma að þeir sjálfir séu algerlega lausir við allt slíkt, algerir englar. Þessir menn sjá rasista í hverju horni og túlka ótrúlegustu hluti sem fordóma og rasisma þannig að fólk þorir vart að anda í návist þeirra. Slíka aðila er að finna ótrúlega víða hér á landi og eru þeir m.a. afskaplega duglegir að troða sér í fjölmiðla þar sem þeir kvarta jafnan yfir sívaxandi fordómum á Íslandi og að rasistum, og þeirm sem ali á fordómum, sé hossað á hnjám íslenskra fjölmiðla. Staðryndin er þó öll önnur enda vart fjallað um t.d. innflytjendur á Íslandi nema til að segja hvað þetta sé nú allt yndislegt fólk og hvað það sé nú nauðsynlegt að fá sem allra, allra mest af þessu fólki til landsins sem allra, allra fyrst skítt með allar afleiðingar. Á móti hefur varla verið fjallað um t.d. þá sem vilja halda þessum hlutum innan skynsamlegra marka nema á neikvæðan hátt (Ath. er ekki að tala um svokallað Félag ísl. þjóðernissinna í þessum efnum, býst við að öllum sé ljóst að þeir eru bara nasistar). Öllum hlýtur þó að vera ljóst, a.m.k. innst inni í sumra tilfellum, að of mikill innflutningur útlendinga til landsins á of skömmum tíma getur auðveldlega haft hörmulegar afleiðingar í för með sér, og er í raun bein ávísun á slíkt, enda dæmin ljóslifandi alls staðar í kringum okkur í nágrannalöndum okkar þar sem farið hefur verið allt of hratt í þessa hluti með tilheyrandi ófarnaði. Vítin eru til að varast þau og samkeppni á alþjóðlegum vettvangi í að slá sig til riddara í annarra augum má ekki valda því að heilbrigð skynsemi víki fyrir óforsvaranlegu ábyrgðarleysi.

Rauði þráðurinn í sjónarmiðum þeirra, sem hampa á alla kanta fjölþjóðasamfélagi á Íslandi, virðist síðan alla jafna vera að gera sem allra minnst úr öllu sem íslenskt er, tala um torfkofasamfélag og menningu sem sé engin menning o.s.frv. Prestur nýbúa á Íslandi, sr. Toshiki Toma, sagði svo frá í útvarpsviðtali í Speglinum á Rás 2 fyrr á þessu ári að hann hefði gert úttekt á íslenskri menningu og komist að þeirri niðurstöðu að hún væri ekki þess virði að standa vörð um hana og að viðleitni íslensku þjóðarinnar til að vernda menningararf sinn væri eingöngu til þess að gera innflytjendum erfitt fyrir að setjast hér að. Hvað eru þetta annað en fordómar að taka menningu heillar þjóðar og afgreiðir hana sem ómerkilega og einskis verða! En nei, þetta eru ekki fordómar að mati þeirra sem hæst láta í þjóðfélaginu um þessi mál og af hverju? Jú vegna þess að sr. Toshiki er einmitt einn þessarra aðila og að auki nýbúi, en eins og allir vita geta aðeins Íslendingar gerst sekir um fordóma á Íslandi. Það sjónarmið er a.m.k. að skilja á orðum forsvarsmanna félagsins Heimsþorps – samtök gegn kynþáttafordómum á Íslandi sem stofnað var í sumar en skv. þeim er tilgangur félagsins að berjast gegn fordómum Íslendinga en vinna að hagsmunum útlendinga. Sem sagt aðeins Íslendingar geta gerst sekir um fordóma, eða hvað? Ef félagið á að standa undir nafni ætti það auðvitað að berjast gegn kynþáttafordómum almennt sama hver fyrir þeim stendur, Íslendinga eða útlendingar eða hverjir aðrir, enda ljóst að allir geta gerst sekir um fordóma, líka þú og ég! Fordómar eru vissulega ömurlegur hlutur sem helst ætti ekki að fyrirfinnast og er ég alveg jafnmikið, ef ekki meira, á móti slíku og þú, þá hvort sem þeir beinast gegn mér, eins og í þessu tilfelli, eða öðrum. En svo er það stóra spurningin, hvað eru fordómar? Það virðast nefnilega vera nokkrar skilgreiningar í gangi varðandi það efni, allt eftir því hver á í hlut…

En jæja, ég læt hér staðar numið um þessi mál í bili enda gæti ég haldið endalaust áfram að ræða þessa hluti :o)

Kveðja,

Hjörtur

(E.s. ekki illa meint :))