Þetta er náttúrulega allt viðbjóðslegt, EN er þetta eitthvað glænýtt sem að er að koma með nýrri kynslóð?

Ég held ekki… það hefur verið til sikk fólk og það verður til… þessi unga kynslóð er ekkert sekari en fyrri

Sæl,

Alveg sammála. Það þarf að þyngja refsingar fyrir hvers kyns kynferðisafbrot verulega, þá sérstaklega gegn börnum og unglingum sem er hreinn viðbjóður svo ekki sé sterkar til orða tekið. Ennfremur er nauðsynlegt, að mínu mati a.m.k., að setja betur upplýsandi lög sem banna klám opinberlega en 209 og 210. gr. almennra hegningalaga, sbr. eftirfarandi:

“209. gr. Hver sem með lostugu athæfi særir blygðunarsemi manna eða er til opinbers hneykslis skal sæta fangelsi allt að 4 árum, en fangelsi allt að 6 mánuðum eða sektum ef brot er smávægilegt.”

210. gr. Ef klám birtist á prenti, skal sá, sem ábyrgð ber á birtingu þess eftir prentlögum, sæta sektum eða fangelsi allt að 6 mánuðum.
Sömu refsingu varðar það að búa til eða flytja inn í útbreiðsluskyni, selja, útbýta eða dreifa á annan hátt út klámritum, klámmyndum eða öðrum slíkum hlutum, eða hafa þá opinberlega til sýnis, svo og að efna til opinbers fyrirlestrar, eða leiks, sem er ósiðlegur á sama hátt. Þegar slíkt efni sýnir börn á kynferðislegan eða klámfenginn hátt getur refsing þó orðið fangelsi allt að 2 árum.
Það varðar ennfremur sömu refsingu, að láta af hendi við unglinga, yngri en 18 ára, klámrit, klámmyndir eða aðra slíka hluti.
Hver sem flytur inn eða hefur í vörslu sinni ljósmyndir, kvikmyndir eða sambærilega hluti sem sýna börn á kynferðislegan eða klámfenginn hátt skal sæta sektum. Sömu refsingu varðar að flytja inn eða hafa í vörslu sinni ljósmyndir, kvikmyndir eða sambærilega hluti sem sýna börn í kynferðisathöfnum með dýrum eða nota hluti á klámfenginn hátt."

Skilgreina þarf betur hvað sé klám. Það sem fram fer á súlustöðunum er ekki nekt, það er einfaldlega klám skv. hegningalögum. Opinberir staðir eru staðir sem almenningi er veittur aðgangur að = súlustaðir.

Kveðja,

Hjörtu

Það er ógeðslegur glæpur að svipta manneskju meðvitund og svívirða hana síðan. Hlýtur að jafnast á við mannrán og misþyrmingar af vestu gerð. Dómar eru allt of vægir, Ef fjármunum er rænt af stúklu í stað sakleysis hennar, sýnir reynslan harðari dóma. Hér eru fjármunir teknir fram yfir manngildið. Reynsla eftir rán er mun fljótari að fyrnast í hugum fólks en nauðgun sem hlýtur að skilja eftir sig sár á sálinni æfilangt. En því virðist öfugt farið ef marka má dóma. Þrátt fyrir langann kynferðis afbrotaferil Steingríms Njálssonar, alvarleg og sí endurtekinn brot, virtist við hvert nýtt mál, sem þess hafi fyrst og síðast verið gætt að ekki væri gengið á hans rétt. Þar með talinn réttur hans til að velja sér næsta fórnarlamb????, því honum var jafnan sleppt eftir að játning lá fyrir. Það er ekki heimilt hér á landi að beita eina ráðinu sem gagnar við kynferðissíbrotamenn, sem er vönun. Þá væri gengið á þeirra rétt, skítt með réttindi fórnarlambana. Erlendis hefur þessu verið beitt, brotamennirnir hafa mátt velja milli vönunar eða fangelsis. Margir hafa valið vönun, sem þá er framkvæmd með lyfjagjöf. Ég las fyrir nokkrum árum viðtal við erlendan kynferðis afbrotamann sem hafði valið vönunina. Hann lýsti því yfir að eftir hana hefði hann fyrst getað lifað eins og maður, laus við þá kvöl sem brengluð kynhvöt hans hafði valdið honum og öðrum.

Það virðist alltaf koma jafn mikið á óvart eftir hverja útihátið, sem haldin er og sótt nær eingöngu af unglingum á aldrinum 14 til rúmlega tvítugs, hvernig þær fara fram og hversu sorgleg útkoma þeirra er. Hvað er að þeim foreldrum sem leyfa börnum sínum á aldirnum 14 til 17 ára að fara eftirlitslaust á útihátíðir, svo ekki sé talað um hátíðir þar sem leyfð er neysla áfengis. Það gefur augaleið að slíkar unglinga samkomur hljóta að vera sannkallaðar gósen- og jólahátíðir kynferðisníðinga, eins og dæmin sanna. Annars er orðið hátíð bölvað öfugmæli þegar um svona samkomur er að ræða. Þessi umræða, sem verið hefur undanfarna daga um svona sukk samkomur eins og var á Eldborg, deyr út á næstu dögum og gleymist þar til eftir næsta sukk að ári, sem kemur þá væntanlega öllum, skemmtilega á óvart.

Sæl aftur,

Annars finnst mér að menn sem fremja svona svívirðilega glæpi eigi ekki að njóta nafnleyndar, þeir vita hvað þeir voru að gera og hvaða afleiðingar það kynni að hafa. Þeir bera fulla ábyrgð á gerðum sínum og á ekki að hlífa.

Kveðja,

Hjörtu

Góð hugleiðing deddida.

Ég held að hvort sem mönnum og konum líkar betur eða ver, þá sé það hollt af fara að huga að því
af reyta arfann og illgresið í þessum efnum.

Ef til vill má líkja kláminu og þróun þess við lúpinuna sem sáir sér og veður á endanum yfir allt og útrýmir öðrum gróðri.

Hefurðu til dæmis tekið eftir því að brandarar sem sendir eru á milli í tölvupósti snúast allir um hvað ?

Djöfulsins bull.

Verslunarmannahelgar eru ekkert verri nú en áður.

Það er ekkert samband milli ofbeldis og kláms. Menn sem hrífast af nauðgunum fá ekkert úr hefðbundnu klámi. Þetta eru tvö gerólík málefni sem má ekki á nokkurn hátt rugla saman.

Ég var að koma frá Þýzkalandi þegar ég heyrði þetta og mér blöskraði stórum.
En nú er þetta svo sem ekkert nýtt. Svona hefur þetta alltaf verið. En fjarri fer því að þetta sé svona alls staðar. Ég var að koma af Wacken-rokkhátíðinni í Þýzkalandi. Þar voru ca. 30.000 manns og allt fór vel fram! Betri móral hef ég reyndar sjaldan kynnst! Allir voru vinir allra, hjálpsamir, vingjarnlegir, kurteisir, og kammó, ef einhver lenti í vandræðum var honum hjálpað og allt fór vel fram. 30.000 manns, og eigi það ströng gæsla í rauninni. Það þurfti ekki til. Fólkið hjálpaðist að. FÓLKIÐ KUNNI AÐ SKEMMTA SÉR.
Það kunna Íslendingar bersýnilega ekki. Því þetta er alltaf að gerast. Íslendingar fara á útihátíðir, drekka sig fulla (sem getur kannski verið gott og blessað) en svo byrjar þetta. Sannleikurinn er nefnilega sá að margir fara á útihátíðir einfaldlega til að gera skandal. Til að níðast á öðrum, ráðast á aðra eða nauðga þeim. Fara þarna til að hleypa forynjunni út úr sér. Íslendingar virðast aldrei ætla að læra. “Fjölskylduhátíð”. Segjum frekar drykkjuofbeldisnauðgunarhátíð frá víti.
Svona nokkuð, fyrir utan það að vera með fádæmum sjúkt og viðurstyggilegt kemur líka óorði á útihátíðir, á íslensk ungmenni og Íslendinga yfirleitt. Að Íslendingar virðist ætla alltaf að ganga berserksgang og verði hamhleypur í hvert sinn sem þeir skemmta sér, það er fáheyrt og vísar aðeins veginn til glötunar, landi okkar og þjóð.

Ég þakka þeim sem lásu og vona að þetta veki ykkur til umhugsunar og aðgerða

Einar Steinn Valgarðsson

Hvernig í andskotanum á það að bæta eitthvern skapaðan hlut að búa til fleirri lagaramma þegar að þeir rammar sem eru fyrir virka ekki vegna þess að það er ekki MÖGULEIKI að framfylgja þeim?

Fólk verður að fara að reyna að taka ábyrgð á sjálfu sér og hætta alltaf að leita til ríkispabbans til þess að kyssa á báttið!

Foreldrar eiga bara ekki að hleypa krökkum á útihátíðir nema að gera sér grein fyrir mögulegum afleiðingum þess, til þess er þessi blessaði sjálfræðisaldur!

Það er algjör óþarfi að segja “Aldurstakmarkanir á útihátíðir er 18 ár”

Þegar að það er á VALDI FORELDRANNA að segja
“Þú mátt ekki fara, þú ert ekki átján, ég ræð”.

Aftur á móti mætti búa til reglugerðir um lámarks
lýsingu á útihátíðum.

Léleg birtuskilyrði í 4 tíma um verslunarmannahelgina skapa ákveðið ramma sem illmenni geta unnið með, illa upplýst klósett, fá klósett, skortur á lögreglu, etc, það er eitthvað sem mætti athuga, semsagt, rekstrarramminn.

En hvernig á þá að skilgreina útihátíð?

Málið er, að lög gleyma oft mengjafræðinni og sinna færri stökum en þau ættu að gera, og verða því ólög fyrir mörg.

Er ekki allt í lagi?
Hálf þjóðin fer á þriggja daga fyllerí, fréttir greina frá 10 nauðgunum(og eflaust eru 4x það unreported) og þú dæmir HEILA KYNSLÓÐ út frá því?!?
Þetta er auðvitað ekki gott ástand en unga kynslóðin er ekki að gera neitt sem foreldrar þeirra gerðu ekki.
Puh-lease
Það eina sem hefur breyst er fjölmiðlun.

Þetta er nú meira bullið í ykkur!

Lög á útihátiðir..iss..hvað er að fólki nú til dags…Það er þvílík forræðis hyggja í dag að hún er að drepa allt. En ég er ekki að segja að allt sé gott, Nauðganir eru eitt af því ljóta sem fylgir útihátíðum en það þarf líka að athuga að nauganir eru framdar allt árið um kring(ljótt en satt…) og það sem gengur á er það að fjölmiðlar eru farnir að blása allt upp í dag. En ég er ekki sáttur við það að sé verið að setja lög um allt og alla af því að það endar með því að það verða komin lög um allt og alla og einginn má neitt(hafið þið heyrt um óbeyna stjórnun…). En minni á það að þær kynslóðir sem eru núna að væla voru líklega mun verri og voru slagsmál mjög algeng um verslunnarmanna helgar þá, (lesið gamlar fréttir), og þetta um klámferlsið…það er ekki réttlátt að vera alltaf að pikka á klámi, af því að á meðan við bönnum nekt þá leifum við ofbeldi(skoðið bara magn ofbeldis sem er til í dag), og ég minni á það að ofbeldi er oft miklu verra en klám nokkurn tíma(þá á ég við þetta venjulega..ekki afbrygðilegt…)
Meira seinna…

Allt sem misferst hjá ungukynslóðinni er á ábyrgð þeirra eldri ..

Þetta eru jú þeirra afkomendur, ekki satt.

Og ekki koma með þetta ofbeldi í sjónavarpi og slíkt RUGL. Það er ekki sjónvarpi að kenna að siðferðiskennd og allmenn kurteisi er algerlega “OUT” í okkar þjóþfélagi heldur er það lélegum foreldrum, með sín egin vandamál, vankunnáttu og stundum heimsku, að kenna í flestum tilfellum (held ég).

Eins og kom fram í dægurlagi fyrir nokkru .. “I found out that only stupid people are breeding”

Hver veit name að þeir hafi haft réttfyrir sér.

Og hver sá sem heldur að hræðslu áróður, hert fangelsisvist, og annað slíkt muni leysa eitthvað er þokkalega ekki alveg með á nótunum.

Íslensk fangelsi eru kennslu, og þjálfunarbúðir fyrir upprennandi afbrotamenn.
Þeim mun lengur sem við lokum fólk inni, þeim mun geðvekari og harðari afbrotamenn fáum við út.