gmaria fyrir 23 árum, 3 mánuðum Fjöldi lestra: 387

Pólítísk spilling.

Spilling í stjórnmálum er einkum þess eðlis að flokkar við stjórnvöld á hverjum hygla flokksmönnum sínum hvað varðar embætti og stöðuveitingar, ef til vill á kostnað hæfni og menntunar til starfa.
Hafa Seðlabankastjórar t.d. eða aðrir bankastjórar ríkisbankanna, ekki miklu minni viðskiptamenntun en undirmenn þeirra margir hverjir ?

Hverjir sitja í ráðum og nefndum ríkisins í hinum ýmsu verkefnum ?
Er formennska í nefndum þessum ekki alla jafna falin þeim er fellur í flokk ráðandi aðila, þótt gumað sé af þverpólítískri nefndarsetu annarra stjórnarmanna, án þess að hæfni hvað þá sérhæfing til álitsgjafar sér fyrir hendi af hálfu þeirra hinna sömu aðila.

Þetta atriði hefur verið nokkuð áberandi hvað annan stjórnarflokkinn varðar, ef grannt er skoðað.

Í raun þyrfti að taka fyrir hverja eina einustu nefnd á vegum hins opinbera, hvort sem er hvað varðar ríki eða sveitarfélög og skoða hvaða skilyrði einstakir fulltrúar hafa til sérfræðiálitsgjafar að
bera utan það að vera flokksmenn í flokkunum á hverju sviði fyrir sig.

Stjórnsýslulög voru stórþörf, en taka ekki á því atriði að hæfni manna til álitsgjafar í sérstökum sérhæfðum úrlausnarefnum, sé nægileg á grundvelli þess að viðkomandi hafi hlotið kjör til Alþingis, eða sveitarstjórna fyrir það eitt að vera í stjórnmálaflokki, kanski vegna persónulegs fylgis, s.s. að viðkomandi líti vel út.

Í svo litlu landi sem Ísland er, er, enn ríkari nauðsyn að flokkar stórir sem smáir opni bókhald sitt fyrir almenningi, ellegar mun ætíð vera hægt að skrifa ákveðna stjórnvaldshætti eða skipan mála á aðkeypta aðferðafræði í formi styrkja til handa flokkunum af hálfu peningamanna, og sem aldrei fyrr í þjóðfélagi er hefur haldið á braut markaðshyggju og einkavæðingar í aðalatvinnugreinum sínum.
Þetta er nauðsynlegt til þess að tryggja
gegnsæi í skipan mála öllum til handa fyrr og síðar og forða því að þingmenn falli í þann pytt að misnota sér aðstöðu sína, hvers eðlis sem er sem opinberir starfsmenn á kostnað almennings.
Kostnað sem felst í ákvörðunum er henta flokkum og stjórnarfari þeirra á hverjum tíma þar sem pólítisk framtíð flokka, vegur ofar
almannahagsmunum og sannfæring stjórnmálamanna gengur kaupum og sölum að virðist meðan bókhald flokka er leyndarmál þeirra hinna
sömu.

doctor fyrir 23 árum, 3 mánuðum

Vá, frábær grein gmaria.

Algjörlega sammála þessu öllu saman.

Opna verður bókhald stjórnmálaflokka og grafa undan spillingu þingmanna!

Kv.
Atlas

<img src="

Fyrra álit

gmaria fyrir 23 árum, 3 mánuðum

Já það má svo sem byrja með að brydda upp á sveitarstjórnarsviðinu í Reykjavík.

Eitt dæmi.

Þegar núverandi valdhafar náðu þar völdum, sátu tveir fulltrúar verkalýðsins, á framboðslista, formaður og varaformaður í einu stærsta verkalýðsfélagi á svæðinu.
Annar þeirra gegndi störfum í ráðum borgar þrátt fyrir setu sem varaformaður áfram í verkalýðsfélaginu að loknum kosningum, þar sem hagsmunir umbjóðenda launþega, og pólítiskir hagsmunir ráðandi aðila hljóta að hafa vegið á vogarskálum.
Næstu kjarasamningar borgar við verkalýðsfélagið
þýddi nokkur töpuð réttindi félagsmanna frá því sem var, og litlar launahækkanir sem og ýmsar umdeildar starfskjarabreytingar frá því sem var.
Verkalýðsfélagið deildi þá hart á ríkið en lét borgina komast upp með nær hvað sem var, enda forkólfar
hluti af stjórn borgar með setu á framboðslista til sveitarstjórnarkosninga.

Þetta dæmi þekki ég sökum þess að vera þá félagsmaður í þessu hinu sama verkalýðsfélagi.

Fyrra álit

deddida fyrir 23 árum, 3 mánuðum

Þetta gmaria er að líkindum ástæðan fyrir því að laun í þessum stéttum eru svo lág að erfitt reynist að manna þessar stéttir. Biðlisti eftir barnaheimilisplássum hefur aldrei verið lengri en nú. Almenn er talað um framsóknarmennsku þegar fólk er að pota sér kunningjaleiðina að einhverju marki. Segja má að hér sé komið nýyrði sem fest hefur í málinu.

Fyrra álit

gmaria fyrir 23 árum, 3 mánuðum

Já deddida, “ framsóknarmennska ” er orð dagsins, en ´nýjasta “ framsóknin ” felst í hinum gífurlega uppgangi á landsbyggðinni, sem er framsókn að þakka, að sögn landbúnaðarráðherra í Kastljósi í kvöld.

“ Séð hef ég köttinn syngja á ´bók….. ”

Fyrra álit

malicious fyrir 23 árum, 3 mánuðum

að sjálfsögðu

Fyrra álit

gmaria fyrir 23 árum, 3 mánuðum

Sá flokkur er verður fyrstur til þess að opna bókhald sitt, mun hljóta aukið vægi í íslenskum stjórnmálum, einungis vegna þess að verða fyrstur til.

Fyrra álit

NuJack fyrir 23 árum, 3 mánuðum

Þetta er allt saman satt og rétt undir núverandi kerfi og eflaust væri það stórt framfaraskref ef þett yrði að veruleika.

Það breytir þó því ekki að menn eru mannlegir; breyskir og ‘lifa í synd’. Ef settar verða reglur um bókhald stjórnmálaflokka og hæfi í setuym í nefndum þá mun það stoppa þessa tegund spillingar á tiltölulega stuttum tíma, þó ekki alveg strax.
Eins og ég sagði þá er fólk breyskt, en einnig mjög hugmyndaríkt og það mun finna upp á nýjum leiðum ‘til spillingar’.

Ofan á þetta bætist svo að ef svona reglur yrðu að veruleika þá myndu þær ekki fara í gegn áfallalaust. Aðdragandinn yrði svo langur að menn væru jafnvel búnir að skipta alfarið um spillingu; væru komnar með nýjar leiðir sem reglurnar næðu ekki til og búnir að hreinsa til eftir sig.

Það er svo sem góðra gjalda vert að stoppa í sigtið en það er mikið betra að fá sér annað vatnshelt ílát.

Friðu

Fyrra álit

gmaria fyrir 23 árum, 3 mánuðum

Kæri NuJack.

Þótt mannlegur breyskleiki sé og verði alltaf til staðar má með ýmsum hætti koma í veg fyrir ansi margt ef við viljum, pólitiska spillingu jafnt sem annað.

Fyrra álit

Gourry fyrir 23 árum, 3 mánuðum

Er þetta ekki mest allt klíkuskapur þar sem vinir og ættingjar reyna að koma sér og sínum til valda hér og þar?

[------------------------------------]

Fyrra álit

gmaria fyrir 23 árum, 3 mánuðum

Góður punktur.

Ef til vill væri það skilvirkara að ættflokkar bitust á um valdataumana, hverju sinni, þar sem heilu ættirnar byðu fram til kosninga.

Fyrra álit

barman fyrir 23 árum, 3 mánuðum

ágætis grein en ég er ekki alveg sammála því að það opna bókhald flokkana og að það viti allir hverjir styðji kosninga herferðir komi nokkuð í veg fyrir spillingu.
besta leiðin að mínu mati er að stór minnka umsvif ríkisins þá hafa stjórnmálamenn ekkert um það að segja hverjir verði næstu bankastórar, eða forstjórar fyrirtækja eins og landsvirkjunar og símans svo má einkavæða mikið bæði í mennta kerfinu og heilbrigðiskerfinu en ríkið þarf samt að reka einhverja skóla og spítala til að tryggja öllum aðgang að þessum kerfum en með því að gera það er hægt að stórauka hagræðingu og þar með þjónustu við þá sem kjósa að fara í ríkisskóla eða ríkisspítala.

svo má nú endkilega leggja niður eftirlauna embætti fyrir of spillta stjórnmálamenn eins og forseta embættið þar situr núna maður sem allir vita að braut stórlega á sér þegar hann var fjármálaráðherra eins og hefur nú verið dregið aftur fram í dagsljósið og hann hafði ekki manndóm í sér að segja af sér . og situr núna í einhverju pollíönnu leik á okkar kostnað og eiðir langt umfram heimildir í sukkferðir með þessari svokölluðu kærustu sinni .
hann fór meira að segja 16 milljónir fram úr heimildum árið 1999 og gerði ekki einu sinni grein fyrir hvað hann var að umfram sukka

Fyrra álit

gmaria fyrir 23 árum, 3 mánuðum

Umsvif ríkisins í málaflokki eins og t.d. heilbrigðiskerfi, má minnka og bjóða út ákveðna þætti þó aldrei með t.d, verktöku lækna við aðgerðir á sjúklingum á sjúkrahúsum. Það er að mínu mati dæmi um vitleysu er slíkt getur gengið út í, undir formerkjum hugmynda um stóraukna hagræðingu í upphafi.

Ríkið væri nú á góðri leið með það að sigla á sker ef ekki hefði verið breytt lögum um lífeyrisgreiðslur opinberra starfsmanna.

Ég leyfi mér að bera virðingu fyrir þeim forseta sem þjóðin kýs sér í lýðræðislegri kosningu.
Umframeyðsla embættisins, hlýtur að lúta skoðun Ríkisendurskoðunar, og Alþingis í framhaldi af því ef þörf er á.

Ég bendi aftur á HVER situr hvar í hvaða nefnd, og hvers vegna ?

Annað dæmi.
Hvers vegna sat eða situr Sýslumaðurinn í Reykjavík í forsvari fyrir Ágreiningsnefnd heilbrigðismála ? Hver skipaði hann og hvers vegna ?

Fyrra álit

Stjórnmál

Stjórnmál

Ofurhugar

Stjórnendur

Hverjir eru inni

Greinar

Pólítísk spilling.

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi