Árni er ennþá að hugsa sitt mál í Eyjum. Á næstu dögum mun koma í ljós hvort að hann segir af sér eða ekki. Hann hefur lýst því yfir í fjölmiðlum að hann muni ekki gera það, en þetta gæti breyst.Árni er í dag orðinn ennþá þekktari og í raun hálfgerð rokkstjarna okkar íslendinga. Er það ekki rokk&ról þegar þú stelur frá ríkinu? Þetta er eitthvað sem öllum rokkurum finnst vera virkilega cool.
Árni hefur sjálfsagt verið ákveðin byrði á okkur skattgreiðendur en er það ekki þess virði fyrir manninn sem gaf okkur Brekkusönginn? Við Íslendingar höfum margir hverjir átt ógleymanlegar stundir í Eyjum um verslunarmannahelgarnar og lagt eyrun við hlustir þegar tónar Árna og gítarsins hafa hljómað um brekkurnar.
Nú er að opnast nýr markaður fyrir Árna. Markaður sem er ennþá stærri en íslenska þjóðþingið, hvað tekjur varðar. Þetta er markaður þar sem vaxtamöguleikarnir eru gífulegir. Þetta felst í því að miðla þeirri dýrmætu þekkingu sem Árni Johnsen hefur byggt upp undanfarna tvo áratugi í því að nýta opinbera sjóði og skattpeninga þjóðarinnar í uppbyggingu á heimili sínu, bæði í Eyjum og í Reykjavík. Þetta er reynsla sem margur Íslendingurinn mundi vilja nýta sér. Hvaða form er nú betra en myndbandaspóluformið til að miðla þessari þekkingu áfram til þjóðarinnar og annarra þjóða sem hafa ekki sömu reynslu og þekkingu.
Markaðurinn er stór. En ef þið skoðið markaðsformúluna að þá sjáum við glöggt að markaðurinn er stórkostlegur! margfaldið ‘opinbera embættismenn’ * ‘fjöldi landa á jörðinni’ * ‘meðalfjöldi nefnda í hverju landi’ = stærð markaðarins.
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína.