Sæll Króni minn,

Í rauninni kemur þér hreinlega ekkert við hvað varð um framfarirnar. Hins vegar tel ég skylt að svara þessu erindi vegna þeirra annarra sem kynnu að reka augun hér inn.

Eftirfarandi atriði ættu að svara öllu þeim vagnaveltum sem fram koma í þessu blessaða erindi þínu:

1) Það eru þín orð og engra annarra að Flokkur framfarasinna aðhyllist það sem þú kallar “framfarasinnaða afturhaldsstefnu”. Ég kannast ekkert við þessa fullyrðingu þína, auk þess sem benda má á að ef eitthvert stjórnmálaafl á Íslandi aðhyllist slíka stefnu þá er það Sjálfstæðisflokkurinn - þ.e. þinn flokkur sem þú sérð ekki sólina fyrir.

2) í byrjun var vissulega gert mikið úr flokknum en ekki af hálfu þeirra sem að flokknum standa. Fjölmiðlar tóku einfaldlega eftir heimasíðu flokksins á netinu og óskuðu eftir viðtölum. Eðlilega var því tekið af hálfu aðstandenda flokksins. Ekki hafði staðið til af hálfu flokksins að eiga nokkuð við fjölmiðla á því stigi. Auk þess má benda þér á einu sinni enn að flokkurinn er ekki enn formlega stofnaður.

3) Já eru 2 meðlimir í flokknum? Hvaðan hefur þú þær upplýsingar? Mér vitanlega hefur þú ekki aðgang að meðlimaskrá FF, en hún inniheldur þó um 50 manns svo þér séu gefnar réttar upplýsingar. Mér skilst að um 32.000 manns éu skráðir í Sjálfstæðisflokkinn. Þrátt fyrir þann mikla fjölda meðlima (a.m.k. á pappírunum) hef ég örugglega aldrei séð fleiri en 20 manns koma fram fyrir hönd flokksins opinberlega. Hlutfallið hlýtur því að vera okkur afskaplega í hag. Eða ertu kannski að segja að það séu ekki nema 20 manns í Sjálfstæðisflokknum?

4) Það kemur hvergi fram í stefnuskrá FF að hugmyndin sé að Íslendingar verði hreinir af erlendri menningu. Ráðlegg þér eindregið að lesa stefnuskrána aðeins betur.

5) Mig langar að spyrja Króna á móti hvort hann geti nefnt mér mörg stjórnmálaöfl sem hafa orðið að alvirkum stjórnmálaflokkum á aðeins 5 mánuðum???

6) Efnið sem birtist á heimsíðu FF er birt fyrst þar og síðan stöku sinnum sent á Huga, bara svo þú vilti það.

Að lokum langar mig að spyrja hvers vegna þú ert alltaf að ráðast á okkur í FF á internetinu en vilt ómögulega ræða málin undir kaffibolla???

Með góðri kveðju og bataóskum,

Hjörtu

Ég verð að segja að ég er að nokkru leyti sammála þeirri skilgreiningu hjá Kroni að hér sé um að ræða “ framfarasinnaða afturhaldsstefnu ” er birtist á stundum í “ fullyrðingagleði ” allra handa þar sem sjónarmiðin rekast á stundum, hvert á annars horn, og hrokinn er því miður stundum meðferðis, eins og væri nú ágætt að geta lagt hann til hliðar.

Já, endilega lestu stefnuskrá “flokksins”, hún er ansi grátbrosleg á köflum.