viceroy fyrir 23 árum, 6 mánuðum Fjöldi lestra: 393

Með íslensku krónuna

Góðan dag. Ég er einn af þeim sem er búinn að fá mig fullsaddann af þessari krónu okkar og gengislækkun hennar. Sérstaklega þar sem hvaða kaupmaður sem er notfærir sér stöðu hennar. Ég persónulega er búinn að fá leið á því að stóru mennirnir hérna segja alltaf, já þetta er útaf því að dollarinn er að hækka, þá þurfum við að hækka (sem er náttúrulega rökrétt), og svo líka heimsmarkaðsverð hækkaði í gær og blablabla. Þetta er það eina sem við heyrum frá þeim mönnum sem víst grunur liggur á að séu að halda krónunni lágri og lækka hana jafnvel.
Ég segi, jú þetta eru bæði rökréttar útskýringar fyrir hækkun á einhverju eins og vöruverði o.s.frv. en til hvers?
Ég spyr til hvers? Til hvers að halda í eins óstöðugan gjaldmiðil og krónan er þegar við getum tekið upp nýjan, sem er tryggari? Til hvers að halda í gjaldmiðil sem virðist taka á sig það rosalega stökk eins og hún er að gera núna, og endi með því að við kaupum brauð fyrir þúsund kall eða meira? OG það í þessu svakalega góðæri??
Ég heyrði skemmtilega ástæðu fyrir því af hverju við tókum ekki upp evruna og gengum í evrópusambandið, um daginn. Hún var sú að Ísland var eina landið sem ekki var á gjaldmiðlinum. Þessi skýring væri fín fyrir frændur vor, Norðmenn ;), en hún er út í hött. Ástæðan er jú hver? Það eru stóru kallarnir sem græða á þessu. Þeir gera fína hluti fyrir sig og sína meðan krónan er lág. En þetta er hlutur sem má ekki gerast. Síðan þegar krónan hækkar aftur, og hlutir lækka í verði, þá eiga þeir margar millur, ekki satt?
OPNIÐI AUGUN. Hættum með íslensku krónuna. Eins og skot.
Hún er úreltur gjaldmiðill. Ég vill evruna eða dollar, eitthvað sem er stöðugt og/eða stöðugra en blessuð krónan. Hún hefur lækkað um 25 bölvuð prósent á einu ári!!! Og mun fara lækkandi, og við viljum ekki verða að þjóð sem verður gjaldþrota, og/eða verða eins og lýðurinn í Rússlandi, á ekki bót fyrir boruna á sér!!!

Hvað finnst ykkur. Finnst ykkur þetta út í hött? Finnst ykkur ekki vera að í raun að svindla á ykkur með svona braski? Fínt að hafa hlutina svona? VIÐ sem Íslendingar eigum ekki að sitja á rassinum og horfa upp á þetta gerast. Við þurfum að gera eitthvað.
Þetta á að heita lýðræði, og þegar það á að vera lýðræði ætti lýðurinn þá ekki að geta gert eitthvað í málunum?

Nefnið dæmi hvort væri betra, og komið með góð rök fyrir máli ykkar. Eða einfaldlega styðjið þetta. Þetta er ekki vitlaust.
Ég þakka fyrir mig

ViceRoy

Tweaky fyrir 23 árum, 6 mánuðum

Hárrétt hjá þér ViceRoy, ég gæti ekki verið meira sammála þér. Evran lítur út fyrir að vera frekar stöðugur gjaldmiðill en krónan er alveg að missa traust fólks (ef hún hafði eitthvað traust áður).

Því legg ég til að fólk geri eitthvað í þessum málum. Réttast væri að halda þjóðaratkvæðagreiðslu til að sjá hvað landanum finnst um málið. Það er asnalegt að halda í gjaldmiðilinn af því að okkur “þykir væntum” krónuna okkar. Það er langtum skynsamlegra að taka upp evruna, það bætir samskipti okkar við Evrópu.

Fyrra álit

Gourry fyrir 23 árum, 6 mánuðum

Eini gallinn er að ég gæti vel trúað að það er fullt af eldra fólki sem vill ekki skipta, því krónan er “tákn” um íslensku vorra. Sem að mínu mati er kjaftæði. Við eigum ekki að þurfa að styðjast við einn eða neinn hlut til að sanna að við séum íslensk. Tungumálið nægir til þess.

[------------------------------------]

Fyrra álit

lhg fyrir 23 árum, 6 mánuðum

Ef við göngum í ESB og tökum upp Evruna þá fáum við að setja skjaldarmerkið okkar á bakhliðina á smápeningunum. Hvert land er með eigin útfærslu. Hægt að sjá þetta á http://europa.eu.int/euro/html/entry.html

Fyrra álit

mimir fyrir 23 árum, 6 mánuðum

VÁÁÁ!!! Okkar eigið skjaldarmerki!!!

Hvar skráir maður sig eiginlega í þetta????

;)

Kveðja,
Ingólfur Harri

Fyrra álit

Bake fyrir 23 árum, 6 mánuðum

Ég er alveg sammála þér, EN.. það má ekki stökkva svona út í þetta.

Forskilyrði fyrir því að taka upp Evru sem gjaldmiðil lands er að ganga í ESB. Per se. hef ég lítið á móti ESB eins og er.
Hins vegar er það svo að undanfarin misseri hefur stefnt í þá átt að smáríki hafi minna og minna vægi innan Evrópuráðsins. Þetta er hættulegt fyrir okkur. Þar sem þetta vegur að okkar málum og hagsmunum. Ef aftur á móti þetta breytist segi ég að Ísland eigi að sækja um aðild að ESB.

Krónan er vissulega alls ekki nógu sterk til að díla við fjármálasveiflurna

Ford Prefect: “How would you react if I told you I was not from Guildford but from a small planet somewhere in the vicinity of Betelgeuse”

Fyrra álit

viceroy fyrir 23 árum, 6 mánuðum

Þannig að ertu sem sagt að gefa í skyn að það sem er að gerast núna er EKKI hættulegt fyrir OKKAR mál og OKKAR hagsmuni. Þú mátt ekki gleyma því.
Ég segi bara eitt, þegar Danir létu okkur fá sjálfstæði urðum við voða glaðir og erum enn. Ég býst að þeir sem muna eftir þessu (Danir) og vita hvernig þeir stjórnuðu landinu, eru svona um það bil að hlægja af sér rassinn. Því landið er einflaldlega í FUBAR.
Krónan lækkar, og hún mun halda áfram að lækka, og á meðan dollarinn er hæstráðandi á markaðnum í dag, er lang óhagstæðast fyrir okkur að halda henni. Ástæðan fyrir því að við myndum hafa minna vægi innan ESB er einfaldlega vegna þess að við erum ekki nema tæplega 300.000 manna þjóð á meðan aðrar eru t.d. danir yfir 1.000.000, og þannig virkar það þannig að þau ráða meiru, þar sem þetta verður að virka fyrir allar þjóðir ekki bara einar sér. Sem sagt, það sem væri gott fyrir okkur væri kannski ekki gott fyrir aðrar þjóðir, en það sem væri gott fyrir þær, væri kannski ekki svo slæmt fyrir okkur.
Ef við værum sem sagt á móti 4 þjóðum (sem dæmi) stórum þjóðum, og hefðum nákvæmlega 25% hlut til að ráða, reglur og fleira svoleiðis, þá væri það fáránlegt. Því eins og ég segi, 1 milla manns kýs þarna eitthvað, sem kannski 60 þús kýs á móti hér, og ein þjóð í viðbót með þá færi allt í fokk, ef þú skilur hvað ég er að meina.

En málið beinist ekki að ESB heldur krónunni.
Mér væri nokk sama þótt við tækjum upp danska krónu eða pund eða dollar, meðan það væri ekki króna! Á meðan það gæti bjargað íslensku haglífi og þjóðinni frá einhverri glötun sem við virðumst alveg geta stefnt í, þá yrði ég bara nokkuð glaður, En þú?

ViceRoy

Fyrra álit

psycho fyrir 23 árum, 6 mánuðum

ég heirði veit ekki hvort að það sé rétt en ég heirði það að ef að við göngum í esb þá verða fiski mið okkar sam eign esb landa ef svo er þá er ég á móti því að taka upp evruna en ef að þetta er kjaftæði þá er ég mjög hlintur því að taka upp evruna

******************************************************************************************

Fyrra álit

[Notanda eytt] fyrir 23 árum, 6 mánuðum

það stenst valla. það er eins og ef noregur gangi í ESB. Þá verði olían þeirra eign ESB

Fyrra álit

ljufa fyrir 23 árum, 6 mánuðum

Ég er alveg sammála. Það er bara vitleysa fyrir okkur, þessa litlu þjóð, að halda í krónuna. Sem Evrópuþjóð liggur auðvitað beinast við að taka evruna.

Fyrra álit

[Notanda eytt] fyrir 23 árum, 6 mánuðum

Já, það er deginum ljósara að það mun aldrei ríkja ríkisstjórn á Íslandi sem er með öllum mjalla. Sjálfstæðisflokkurinn er mjög oft kenndur við peningavit og einhvern… “þroska” en hvorugir kostirnir hafa víst fengið að njóta sín sem annað en föðurlegar (og alveg brilliant) línur Davíðs Oddssonar sem af einhverjum ástæðum margir Sjálfstæðismenn vilja meina að sé actually að gera eitthvað.

Sko, vandamálið við að taka um erlendan gjaldmiðil er fyrst og fremst hvort við megum það. Við getum ekkert bara vappað inn í Evruna sisvona. Við þurfum að ganga í ESB til þess að taka upp Evruna. Til þess að ganga inn í ESB þurfum við að lúta ótal reglugerðum og dóti sem *á svo innilega ekki heima* á Íslandi að það er rosalegt. Svo hef ég heyrt a.m.k., hvað varðar fiskveiðistefnur, landbúnaðarstefnur og annað sem á vel heima á meginlandinu, en ekki á eyjunni okkar.

Það sem ég hef verið að spá í upp á síðkastið, er hvort nokkur maður geti sagt neitt við því að við tökum bara upp Bandaríska dollarann. ;) Eða Breska pundið. Eða Dönsku krónuna. Eða eitthvað. Vegna þess að það er auðvitað ekkert ólöglegt að eiga þessa gjaldmiðla, né að nota þá á Íslandi, svo ég sé ekki hvað stoppar okkur annað en að þetta mætti ekki verða opinber gjaldmiðill, sem er kannski rót vandamálsins.

En já. Eins og ég predika ávallt; BURT AF ÞESSU FJANDANS LANDI, það er ekkert gert af viti hérna! :) Ef það er góðæri, er það Sjálfstæðisflokknum að þakka sem þýðir að það er *ekkert* vit í peningamálum eftir það, vegna þess að þeir kunna að koma góðæri á loft, en þeir kunna ekki á lendingarbúnaðinn og þurfa alltaf að brotlenda með brjáluðum látum, eins og raun ber vitni nú. Að lækka skatta og vexti í góðæri… hvaða fávitaskapur er það, má ég spyrja?

Svo eru þessir apakettir að gagnrýna R-listann fyrir að auka útlagðan kostnað Reykjavíkurborgar þegar tekjurnar svínhækkuðu, í staðinn fyrir að reyna að drepa skuldir borgarinnar. Hvenær í ósköpunum á Sjálfstæðisflokkurinn (eða þá nokkur annar flokkur) að hafa gert eitthvað annað en nákvæmlega þetta?

Það er alveg greinilegt að hér mun ekki á næstunni ríkja nokkur heilbrigð skynsemi í ríkisstjórn, og það kemur reglulega niður á öllu landinu. Þetta á ekki að vera svona mikið vandamál.

Af þessu landi, segi ég enn. :)

Fyrra álit

viceroy fyrir 23 árum, 6 mánuðum

Málið er að hvorugur flokkanna eru flottir flokkar. Þeir eru báðir fastir í þessari gróðrahugsun sem gerir íslenskum almenningi lífið leitt í raun. Hugsið til dæmis um þetta hérna.

Laun embættismanna hækkuðu um daginn um einhver nokkur prósent. Laun Forseta Íslands hækkuðu upp í 1.3 miljónir á mánuði.
Aðrir Íslendigar eins og opinberir starfsmenn biðja um launahækkun og hvað gerist, svarið er NEI. Þeir þurfa helst að fara í verkfall til að ná upp einhverjum nokkrum krónum í vasann, meðan embættismaður labbar inn á skrifastofu einhvers og segi “Ég ”þarf“ launahækkun”, “Ekkert mál, hvursu mikla?”
Þetta er ekki heilbrigt í fyrsta lagi að embættismenn hafa svona miklar tekjur, kaupa stóran hluta af kvótanum, og yatie yatie yatie, og það eru líka þeir sem eru að græða á þessari lækkun krónunnar.

Það að við þyrftum að ganga í ESB myndi ekki gera okkur slæmt, kannski einhverja hluti. En hvursu mikla góða hluti fáum við í staðinn? Við verðum að líta svolítið líka á annað en bara slæmu hlutina. Íslendingar eru voðallega mikið þannig að þegar að eitthvað nýtt kemur, þá er litið bara á slæmu hlutina og gagnrýndir vegna þeirra. En ekki litið mikið á góðu hlutina. Þannig að ef einhver getur komið með eitthvað af reglum sem ESB setur fyrir þjóðir, þá væri það flott vegna þess að ég held að við sem almenningur myndum líka það ef við sæjum góðu hlutina.

ESB er of stórt til að vera slæmt fyrir okkur. Of margar þjóðir í ESB til að við getum ekki verið það líka, þar sem aðrar þjóðir kynnu að hafa sömu hugsanir um ESB og við erum að gera nú.
Það er ekki stjórnin sem við eigum að hugsa um þegar við göngum í ESB, og velferð þeirra, heldur um okkur, almenninginn í heild sinni, og velferð OKKAR. Munið það!

Þakka fyrir
ViceRoy

Fyrra álit

ritter fyrir 23 árum, 6 mánuðum

Það að slá eigin gjaldmiðil er hluti þess að vera fullvalda þjóð skv. stjórnmálafræðinni a.m.k. Þetta er svipað því þegar unglingur verður fjárráða, hann tekur ábyrgð á eigin fjármálum. Sama gildir um eigin gjaldmiðil þjóðar, með því að taka upp annan gjaldmiðil missum við mikið vald yfir eigin fjármálum og efnahagsstjórnun. En fyrst að einhverju þarf að breyta að ykkar mati, af hverju þá ekki bara að tengja gegni krónunnar við annan stöðugari gjaldmiðil, t.d. þýska markið líkt og Danir hafa gert? Og hvað með hugmynd um að setja á laggirnar samnorrænan gjaldmiðil - Skandinavísku krónuna? Það er e.t.v. ekki framkvæmanlegt nú, en ekki vitlaus hugmynd.

Með kveðju,

Fyrra álit

viceroy fyrir 23 árum, 6 mánuðum

Í fyrsta lagi þá hefur mér ekki fundist íslenska ríkisstjórnin standa nógu vel undir sínu í þessum málum, og alltof mörg vandamál til að ég geti sagt að ég sé mjög ánægður með að vera fullvalda þjóð. Þannig að mér er sama þótt það sé eitthvað sem við missum út. Þetta er þetta einfalt að krónan er ÚRELT!!!

ViceRoy

Fyrra álit

vondurr fyrir 23 árum, 6 mánuðum

Tökum bara upp þann amerízka, verum ekkert að hleypa þessum evrubúum í fiskinn okkar. Það kemur fátt gott frá evrópu og hvað þá skandinavíu. Skandinavía er til að mynda helsta réttlæting stjórnmálamanna á okkar háu sköttum (það er alltaf eitthvað skandenavíu velferðarríki sem er með hærri skatta eða klósettgjöld en við).

Annars finnst mér mezt út í hött að íslensku vörurnar nota tækifærið og hækka líka!!!! Þessi gengislækkun á að leiða til þess að íslenskar vörur verði samkeppnishæfari, en það er einhvernveginn innbyggt í okkar iðnað að íslenskar vörur verði að vera miklu dýrari!

Tökum upp US$ og leggjum niður viðskiptahöft og skattpínu. Gerum ísland að góðum stað að búa á.

Fyrra álit

octavo fyrir 23 árum, 6 mánuðum

Já, tökum upp dollarann eða festum krónuna við hann ef við viljum endilega halda henni. ESB er skrifræðisbákn sem myndi breyta Íslandi í fátækrahverfi á nokkrum árum. Stjórnmálamenn hér þurfa enga hjálp við það, þeir geta það alveg sjálfir og eina leiðin til að stöðva þá er að faðma dollarann.

Skoðanir Octavo eru hans eigin og gætu því stangast á við skoðanir annarra á Huga. Þér er velkomið að:

Fyrra álit

[Notanda eytt] fyrir 23 árum, 5 mánuðum

Þetta var full öfgakennd grein fyrir mig en ég skal engu að síður reyna að svara nokkrum punktum í henni.

Ef við tökum upp evruna verður Ísland mjög svo háð efnahagsþróun í Evrópu á meðan eigin gjaldmiðill endurspeglar efnahag okkar.
Rétt er það að útflutningsaðilar græða þegar krónan er lág, en ég efast stórlega um að stóru fiskarnir séu að halda krónunni niðri því upp á móti kemur aukinn framleiðslu kostnaður.

Síðan að lokum, íslenska krónan er ekki sjálfstæð eining sem einhverjir menn út í bæ geta stillt eins og þeim sýnist. Lækkun krónunar eru afleiðingar af ofþennslu síðustu ára og slæmrarar stjórnunar að mínu mati en að skipta um gjaldmiðil er ekki lausnin. Núna eiga stjórnvöld að auka framkvæmndir, létta á fyrirtækjum í landinu og dæla peningum aftur inn í hagkerfið til þess að fá hjólin aftur til að snúast. Þetta er bara partur í hinni eilífu “sinus” bylgju hagfræðinar, og núna erum við í niðursveiflu.

The Stone

Fyrra álit

helgi fyrir 23 árum, 5 mánuðum

Hmm…

1944 urðum við frjáls frá dönum…57 árum seinna ætlum við að afsala frelsinu okkar með fúsum og frjálsum vilja! Þetta er eitthvað sem ég get ekki sætt við mig.

Viljið þið gera ömmum ykkar og afa þann grikk að verða vitni að þeirra gríðarlegu ánægju að verða vitni að því að landið þeirra verður sjálfstætt en síðan bara rétta einhverjum leiðinda skriffinnum völdin!!!!

Hehe, fyndnustu rökin sem ég las áðan voru að : hei…fullt af öðrum löndum eru að fara í ESB..þá getur það ekki verið vont fyrir okkur.

þetta hljómar alveg eins og “all the cool kids are doing it” og fellur því eiginlega um sjálfan sig.

Málið er að ef við göngum í ESB þá geta þessir helv. skriffinnar sem ég minntist á áðan sett einhver lög sem þeim dettur í hug - hvort sem það rasskellir persónufrelsinu eða almenni skynsemi! Því miður erum við íslenskir líkar góðir í að fara illa með báða þessa punkta sem ég var að nefna. Sbr. nýju tóbakslögin. Ég má ekki nefna camel á prenti nema í ég sé að rakka vöruna niður.

Okey… við erum of lítil þjóð til þess að vera með eigin gjaldmiðil. Það er búið að sanna það. Því tel ég réttast að við tengjumst dollaranum - eins og einhver nefndi.

-Þá missum við ekki frelsið okkar - og græðum stabílann gjaldmiðil.

Beer - it's not just for breakfast anymore.

Fyrra álit

Stjórnmál

Stjórnmál

Ofurhugar

Stjórnendur

Hverjir eru inni

Greinar

Með íslensku krónuna

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi