xark fyrir 23 árum, 6 mánuðum Fjöldi lestra: 487

Hvað varð um milljarðinn?

1 milljarð í baráttu gegn eiturlyfjum heyrðist allstaðar frá Halldóri Ásgrímmsyni formanni Framsóknarflokks fyrir síðustu kosningar.
Mér finnst þetta nú vera dáldið gróft bragð til að krækja í atkvæði að ljúga svona um mikilvægt mál sem þetta.

Hvort að þessi milljarður myndi gera eitthvað gagn veit ég ekki en þessi miljarður yrði nú samt gott miðað við að ekkert er lagt í þetta finnst manni, yfirvinnubann sem ráðherra neitar, þvílíkt rugl, ég veit ekki hvort dómsmálaráðherra hafi virkilega einhvern áhuga á þessum málaflokki.

Mér sýnist nú allt vera gert til að koma í veg fyrir aukið framlög og svoleiðis eða allaveganna virðist svo vera.
Þó að staðið yrði við þennan milljarð þá þarf nú meira til.

Þetta mál lýsir nú best starfi og áhugaleysi stjórnarinnar í að bæta landið og virðist finnst manni kokteilboðin vera hinn eini áhugi og gleði ríkisstjórnar, amk hluta hennar.

ég vona að þessi núverandi stjórn muni falla við næstu kosningar því að nóg er vitleysan fyrir.

tholli

bileygur fyrir 23 árum, 6 mánuðum

Það fer auðvitað eftir því hvernig þú reiknar út þennan milljarð en hins vegar telja þeir sig nú þegar vera búna að verja þessum milljarði í forvarnir.

Fyrra álit

biqital fyrir 23 árum, 6 mánuðum

mér fynnst persónulega að flokkarnir ættu að spara sig aðeins í þessum loforðum…málið er bara það að ríkisstjórninnar verðar nánast ætíð samsteypustjórnir sem ná samkomulegi um áætlanir en fara ekki algjörlega eftir stefnuskrá eins flokks…en hvað veit ég svo sem, ég er bara hálfviti

Fyrra álit

[Notanda eytt] fyrir 23 árum, 6 mánuðum

PUHH! Spara loforðin?, einhvern vegin verða þeir á ná til okkar myndirðu kjósa Halldór Ásgrímsson ef hanns helsta slagorð væri : “Ég lofa engu, og svík ekkert”

þó ég sé alveg sammála að þeir megi standa við því sem þeir lofa ekki misskilja mig :)

Fyrra álit

Bouclier fyrir 23 árum, 6 mánuðum

Ég hélt að ég hefði séð kosningaloforðið “ég lofa engu og svík ekkert” í síðustu kosningabaráttu. Reyndar var það þá “árangur fyrir alla” sem var kosningaslagorð Sjálfstæðisflokksins og hægt að túlka hvernig sem maður vill -svo loðið var það.
Reyndar eru ansi margir sem vildu meina að slagorðið væri “árangur fyrir Alla”, meinandi Alla ríka, enda hefur það sýnt sig að Flokknum hefur verið fjarstýrt úr höfuðstöðvum LÍÚ undanfarið. Eftir tvenn lög á sjómenn er ég farinn að hallast að þeirri túlkun slagorðsins.

Einnig eru nokkrir hópar þjóðfélagsins sem hafa orðið útundan, s.s. öryrkjar sem máttu éta það sem úti fraus í vetur og gamlingjarnir sem hentu eggjum í þingmenn stjórnarliða við þingsetningu. En ég býst við að þeir hafi ekki fallið undir skilgreininguna “alla” og hafi því ekki átt skilið árangur á þessu kjörtímabili.

Nema skilningur minn á slagorðinu hafi verið réttur, því þá stóð aldrei til að rétta þeim og öðrum bágstöddum í þjóðfélaginu hjálparhönd.

Framsóknarflokkurinn er frægur fyrir sín katstí slagorð fyrir kosningar. Hver man ekki eftir helsta slagorði þeirra fyrir kosningarnar '95; “13.000 störf á kjörtímabilinu”, sem einhver reiknaði síðan út að miðað við eðlilegan hagvöxt væri eðlileg fjölgun starfa á kjörtímabilinu. Að mínu viti er það að lofa einhverju sem kemur í hagkerfið með eða án afstkipta flokksins jafnt því og að lofa ekki neinu. En þeir virðast vera sérfræðingar í því hvort eð er.

Enda sýndi það sig með “milljarðinn” fræga úr síðustu kosningabaráttu. Það er hægt að reikna það út að milljarðurinn sé kominn í fíkiefnabaráttuna, þó að enginn hafi tekið eftir því -og fíknó kvarti yfir yfirvinnubanni og enginn taki eftir minna magni af fíkiefnum á götunum. Þvert á móti.

Það er ekki ónýtt að geta lofað slíku. Maður getur bara ímyndað sér kosningaloforð Framsóknar fyrir næstu kosningar; “togarana á sjóinn!” eða “bílana á göturnar!”. Svo er bara og bíða þangað til eftir kosningar og athuga hvort að hlutirnir gerist ekki af sjálfum sér án sérstakra afskipta flokksins.

Ég er ekki svo hugmyndaríkur að geta ímyndað mér næsta kosningaslagorð Sjálfstæðisflokksins. Þeir eru búnir að brenna of margar brýr að baki sér til þess.

Fyrra álit

bess3r fyrir 23 árum, 6 mánuðum

Ertu virkilega svo grænn (lesið framsóknargrænn) að þú trúðir þessu kosningaloforðabulli hjá þeim?
Kosningarloforðið fyrir þarsíðustu kosningar var “atvinna fyrir alla” , “10.000 ný störf fyrir aldamót” þar sem atvinnuleysi var fáein prósent þegar kosningarumræðan var sem hæst.
Þegar komið var að uppgjöri (þ.e. næstu kosningum) voru forsvarsmenn flokksins spurðir um þetta málefni þar sem enn var viðloðandi atvinnuleysi (ennþá þetta 1% eða svo).
Svarið sem þeir komu með var að á þessum fjórum árum sem þeir höfðu verið við völd hafði vinnuafl aukist um 12.000 manns (eðlileg aukning - fólk útskrifast úr skólum og þess háttar) og þar sem þetta fólk var ekki á atvinnuleysisbótum hafði það allt (eða a.m.k. 10000 manns) fengið vinnu og þ.a.l. höfðu þeir staðið við loforðið.
Þetta svar er nátturulega bara blaut tuska framan í kjósendur (en kjósendur framsóknarflokksins eru einfaldlega það heimskir að þeir fatta það ekki).
Það að framsóknarflokkurinn eigni sér heiðurinn að(og sinni “frábæru” stjórn) eðlilegri stækkun vinnumarkaðar er fásinna, en þetta gerðu þeir nú samt.
Þegar komið verður að skuldadögum með einn miljarðinn í fíkniefnamálefni verður svarið: Rekstur Meðferðarheimilis að Vog og að Stuðlum kostar 300 miljónir á ári. Við höfum starfrækt þessa staði núna í 4 ár; heildarkostnaður 1.200 miljónir króna, sem er 200 miljónir framyfir það sem við lofuðum. Við stóðum pottþétt við okkar loforð…

Að þessu loknu verður næsta loforð 100 miljarðar (talan er ágiskun) í heilbrigðiskerfið…eitthvað sem þegar er fyrirsjáanlegt að muni þurfa í beinan rekstur og gott betur; þannig að engin þörf veður á umbótum.

Einnig var baráttumál hjá þeim síðustu kosningar að efla byggðamál; nú með síðustu löggjöf um kvóta á smábáta (sem eru að halda uppi sjávarþorpum vítt og breitt um landið) er verið að ganga að þessari tekjulind, og þó svo ég sé ekki endilega ósammála þessu frumvarpi, þá er framsóknarflokkurinn enn og aftur að pissa í buxurnar á stefnumálum sínum og samþykkja lögin þvert á kosningaloforðin sín.

Framsóknarflokkurinn á mest af fylgi að fagna meðal eldra fólks. Því ber að fagna ef fylgi flokksins fer niður á við í réttu hlutfalli við lækkandi meðalaldur Íslendinga.
Framsókn sýgur feitan… og hefur gert það lengi.

Besse

Fyrra álit

Bouclier fyrir 23 árum, 6 mánuðum

Nei, svo grænn er ég ekki og mun aldrei verða.

Fyrr myndi ég selja fjandanum sál mína en að kjósa Framóknarflokkinn. Þannig er nú það.

Fyrra álit

bess3r fyrir 23 árum, 6 mánuðum

:-)

Býst við því að þú hafir farið rétt með tölur frekar en ég (13000 í staðinn fyrir 10000). Breytir þó litlu um innihaldið.

Semsé; Hið besta mál.
Besse

Fyrra álit

siggibet fyrir 23 árum, 6 mánuðum

Þegar ég sá þessa auglýsingu Dóra varð mér nóg boðið. Það er víst ekki móðins lengur að kyssa lítil börn, núna skulu rifnar upp vonir eyðilagra fjölskyldna um að nú verði sko tekið á dópinu. Það sem búið að gera í þessu er að setja yfirvinnubann á lögreglu og ekki búið að semja við þá þó svo að samningar hafi verið lausir í fleiri mánuði. Þetta hlýtur að stuðla að góðri eiturlyfjabaráttu. Það er meira púðri eytt í að koma þessum strípistöðum fyrir kattarnef, sem eru sko ekki vandamál.
Áfram með dópbaráttuna. Skemmtileg þessi áform, “Eiturlyfja laust Ísland fyrir 2000” Jæja, núna er komið árið 2001 og dópið flæðir sem aldrei fyrr. Greinilegt að þessar kjaftakellingar sem stóðu að þessu hafa ekki nennt þessu lengur.
Mér þykir það illa gert af Halldór að heita einum milljarði í dópbaráttuna. Við þurfum bara að koma við á bráðamóttöku geðdeildar til að sjá hvað þetta er flott, 13 ára börn á kafi í rugli.
Ég læt víst eins og að þetta reddist strax en eiturlyfjasalinn sem býr á móti mér er búinn að vera þar í meira en ár og ekkert getur löggan gert.
Ísland nær ekki 100 lýðveldisafmæli, við verðum öll undir hæl glæpamanna og mafíu. Þá skal ég muna orð hans, “Ég heiti einum milljarði króna í baráttuna gegn eiturlyfjum” Átti hann kannski við útrunnið Parkódín?

Siggibet

Fyrra álit

[Notanda eytt] fyrir 23 árum, 6 mánuðum

ja, leiðinlegt að tyggja þetta ofan í fólk, en mafíu og glæpastarfsemi myndi hverfa með lögleiðingu fíkniefnana….

ekki það að ég vilji sjá þau öll lögleydd, en þetta er engu að síður málið

Fyrra álit

Stjórnmál

Stjórnmál

Ofurhugar

Stjórnendur

Hverjir eru inni

Greinar

Hvað varð um milljarðinn?

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi