Það er tilgreinit sem stóran kost við núverandi staðsetningu flugvallarins og Landspítalans að stutt sé fyrir sjúklinga sem koma úr sjúkraflugi að komast á spítalann.

Ef sjúklingurinn á að fara á Landspítalann við Hringbraut þá tekur ferðin um 5 mín. frá Reykjavíkurflugvelli en ef það er Landspítalinn við Fossvog þá er ferðin um 10 mín. Þá er miðað við sjúkrabíl frá vellinum.

Ef sjúklingurinn kæmi frá Keflavík á Vífilsstaði væri ferðin um 20-25 mín að því gefnu að ekið sé með forgangi, en um 30-35 annars. Þar sem Gæslan yrði staðsett með þyrlurnar sína á Keflavík væri jafnvel mögulegt að nota þær í bráðatilvikum. Á Vífilsstöðum væri hægt að byggja þyrlupall, en sem stendur þarf að flytja sjúklinga úr þyrlu í bíl á spítalann.

Staðan í dag fyrir MEIRIHLUTA landsmanna er að það tekur lágmark 15 mínútur að keyra á Landspítalann. Sennilega nær 20-25 mínútur og meira á umferðartímum. Að Vífilsstöðum tæki innan 15 mín. fyrir flesta.

Í allri hreinskilni spyr ég (með fullri virðingu fyrir landsbyggðinni) hvort að eigi a viðhalda flugvellinum og spítalanum fyrir sparnað um 10 mínútur í sjúkraflugi, sérstaklega ef það þýðir 10 mín lengri ferð fyrir meirihlutann sem getur verið jafn alvarlega veikur?

Vinsamlegast ekkert drama. Flest sjúkraflug eru með sjúklinga í alvarlegu en “stabil” ástandi. Að auki er á stöðum s.s. Ólafsvík, Borgarnesi, Blönduós og fl. algengara að ekið sé með sjúklinga á Landspítalann. Sparar tíma að fara á Vífilsstaði.

Varðandi umferðina á Bústaðaveginum og fleiri stöðum. Heldurðu að það muni ekki um að fjarlægja spítalana úr þessu svæði? Starfsmenn, sjúklingar, aðstandendur, þjónustuaðilar… Prófaðu að vera þarna um 15:30 þegar eru vaktaskipta á spítalanum.

Ehhh, mig minnir nú reyndar að miðpúntur höfuðborgarsvæðissins hafi verið reiknaður fyrir stuttu og niðurstaðan var að miðpunkturinn væri vestan meginn á veitingarstaðnum KFC í lindarhverfinu í kópavogi.

Aftur ætla ég að reyna að leiðrétta þennan hræðilega misskilning þinn um að með þéttari byggð aukist umferð, staðreyndin er hins vegar þveröfug. Með þéttari byggð skapast möguleikar á sjálfbærri byggð þar sem íbúar þurfa ekki að ferðast jafn langt og verja jafn miklum tíma í einkabílnum og væri ef byggðin væri strjálbýlari, eins og hún er í Reykjavík í dag. Reykjavík þekur svipað stórt svæði og rúmar um milljón íbúa á meginlandi Evrópu, bílavandinn sem er í Reykjavík er eingöngu afleiðing þess hversu dreifð byggðin er. Með uppbyggingu í Vatnsmýrinni og byggð þar fyrir tugi þúsunda er möguleiki á að snúa þessari þróun við þar sem íbúar í þéttari byggðum hafa fleiri valmöguleika heldur en þann eina að nota bílinn. Þetta er mergur málsins. Það kostar óhemju mikla peninga fyrir þjóðfélagið að þetta svokallaða þéttbýli á höfuðborgarsvæðinu er alltaf að verða dreifðara og dreifðara þannig að eini kosturinn til að komast á milli staða er einkabíllinn og þá fylgja risa mislæg gatnamót og umferðarmannvirki með sem taka upp óhemju mikið pláss og gera byggðina hundleiðinlega að búa í. Það fer alltaf meiri og meiri kostnaður í viðhaldi vega og ummferðarmannvirkja og kostnaður við að leggja leiðslur og annað í nýju hverfin eykst sífellt því alltaf lengist leiðin sem þarf að fara því byggðin dreifist bara, þetta endar bara í ósköpum. Nú þegar eru Bandaríkjamenn farnir að reyna að breyta þessu hjá sér fyrir alvöru því það kemst enginn lönd né strönd í flestum borgum Bandaríkjanna sem eru ekkert nema víðáttumikil úthverfi þar sem fólk er jafnvel búið að sætta sig við að þurfa að keyra í klukkutíma á dag í búðina. Þetta er ekki æskileg þróun heldur á að fara til baka í gömlu borgargildin og byggja þétta byggð með manninn í fyrirrúmi ekki einkabílinn. Afstaða mín til flugvallarins er einmitt sú sama, ég vil frekar byggja þétta byggð og gera Reykjavík að borg, til sóma og til hagræðingar fyrir alla landsmenn, frekar en að halda hálfrar aldar gömlu skipulagsslysi gangandi.

Vatnsmýrin er enginn staður fyrir flugvöll, beint inní miðri miðborginni. Ef þú getur nefnt mér eina höfuðborg í heiminum sem er með flugvöll svona nálægt stjórnsýslunni þá máttu teljast nokkuð góður því sú borg fyrirfinnst allavega ekki í Evrópu.

Þú nefnir að í sumar verði ein flugvél hjá Flugfélaginu sérstaklega í sjúkraflugi, en eins og þú bendir á geta flugmennirnir átt allt eins von á því að þurfa ekki að fljúga eitt einasta flug. Þetta finnast mér engin rök fyrir veru flugvallarins, að það gæti mögulega gerst að eitt til tvö sjúkraflug séu flogin á ári, varla mikið fleiri en það þar sem ekki má bíða. Það er fínasta sjúkrahús í Keflavík sem og hjá hernum þannig að þetta er mál sem auðveldlega mætti leysa öðruvísi en að halda flugvellinum kyrrum. Og já, þetta finnast mér lítilvægleg rök því þau eru einmitt til skamms tíma á meðan þétting byggðar í borginni er til allrar framtíðar.

Eina leiðin fyrir Reykjavík til að minnka umferðarvandann og gera hana aðgengilegri, hagkvæmari og með meira notagildi á hvern hektara er að þétta byggðina. Þetta er hugsun til framtíðar, ekki til skamms tíma, því sú þróun sem ég lýsti að ofan og hefur verið í gangi hér í borginni síðustu 50 ár endar bara í vitleysu, það verður ekki hjá því komist að þétta byggðina ef hún á að bera sig.

Þú verður að afsaka ef ég hef farið fyrir brjóstið á þér en mér finnst bara svo pínlegt þegar fólk áttar sig ekki á því hvernig hlutirnir virka og halda að þéttari byggð kalli á meiri traffík, sem er þvílík fjarstæða.