Ég næ því nú ekki alveg hjá þér Czar þegar þú segir að trúfrelsi verði ekki til fyrr en skipulögð trúarbrögð minnka… Ertu þá að segja að ef til eru fá trúarbrögð þá fái fólk meira frelsi til að trúa??? Að mínu mati er trúfrelsi hér á Íslandi. Hver og einn getur trúað því sem hann vill og á það sem hann vill.

Persónulega er ég trúuð. Það er ekki þar með sagt að ég trúi á allt sem stendur í Biblíunni eða á allt sem prestar eða aðrir sem boða trú segja. Ég er ekki öfgatrúuð eða neitt þannig en mér þykir oft gott að finna smá styrk að ofan þegar eitthvað bjátar á. Ég hef a.m.k. aldrei skaðast af því!!!!

Ég mundi segja að Íslendingar væru langt frá því að vera trúlausir ef maður lítur á málið í svolítið víðu samhengi. Við höfum verið þekkt fyrir það lengi að trúa á drauga, anda, verur eða hvað sem fólk vill kalla það. Margir fara til miðils og á alls kyns „andafundi“. Þetta fólk hlýtur að trúa á eitthvað, ekki satt?

Ég skil heldur ekki hvers vegna sumir eru á móti skipulögðum trúarbrögðum, sérstaklega hér á Íslandi. Eru þau nokkuð að pirra ykkur? Margir trúarsöfnuðir hafa hjálpað fólki í gegnum ýmsar krísur á lífsleiðinni. Er ekki bara gott og blessað að fólk hafi möguleika á að leita i trúnna og fá hjálp ef það vill það.

Ef trúfrelsi væri ekki til Czar, þá gætir þú varla verið trúlaus og komist upp með það, eða hvað? Það er nákvæmlega enginn að skipta sér af því hvað þú trúir á og þar með hlýtur þú að vera frjáls til að trúa því sem þú vilt.

En sambandi við það að hluti af sköttunum fari til Þjóðkirkjunnar eða Háskólans þá skil ég ekki alveg þennan æsing. Skattarnir okkar fara oft mun meira til spillis en þetta. Hafið þið séð ráðherrabílana? Hvað með allar veislurnar, óþarfa dagpeninga og ferðir? Að mínu mati er vissum hluta af peningunum okkar eytt í svo mikla vitleysu að það er margt annað sem ég myndi vilja sjá lagast áður en ég fer að hafa áhyggjur af þessum hluta sem fer í Þjóðkirkjuna eða til Háskólans.

AH

Það er náttúrulega almenn heimska að hafa guðfræðideild við HÍ, kirkjan ætti sjálf að sjá um að mennta þessa embættismenn sína.

“Ég er trúlaus minnihluta hópur og er stolt af því!!!”

ég held að trúleysingjar séu ekki í minnihlutahópi.
flestir sem ég þekki (sem hafa einhvern vott af common sense) trúa ekki á neinn guð, en hafa einfaldlega ekki skráð sig úr þjóðkirkjunni.

Sko, guðfræðideild HÍ þarf ekki neitt svakalega mikinn pening til að geta haldið uppi rekstri. Ég býst við því að fái þessi deild ‘ó’eðlilega mikið fjármagn með þessari leið (með trúskatti), sé framlagið frá Háskólanum (sem stofnun) minnkað. Þá gæfist svigrúm til að auka framlög til annara deilda, t.d. líffræðinnar eða heimspekideildar (máladeilda).

Ég er nokkuð viss um að Ásatrúarfélagið sé með sinn eiginn reit í Gufunesi.
Þessi reitur fékkst fyrir nokkrum árum.
Ég heyrði af því að þegar þeir báðu um skilti til að vísa á hann, eins og gert er með aðra kirkjugarða, þá hafi verið svarað: “Við höfum ekki tíma til að sinna svona hobbímálum.”

Ég held að gjöld þeirra sem eru utan trúfélaga renni ekki beint í guðfræðideildina heldur í sjóð sem nefnd stjórnar. Í nefndinni er einn úr guðfræðideild, einn úr heimspekideild og einn skipaður af biskupi. Þið getir sjálf giskað á hvernig þessi nefnd úthlutar peningunum.

Kveðja,
Ingólfur Harri

Jæja mér.
Ég segi það nú bara fyrir mitt leyti að ég er kannski ekki sá trúaðasti maður hér á landi en ég trúi sko á Guð. Þegar ég var í miklum vandræðum og sá vart til sólar, fannst mér gott að biðja til hans.

Ég vil einnig aðeins benda þessari manneskju á sem var að kvarta undan því að allri væru jarðaðir á samablettinum, í vígðri mold.
Þessir spes trúarhópar geta bara búið til sinn eigin grafreit, ekki satt???