Núna nær ríkisstjórnin ekki einu sinni 40% fylgi í könnunum.

Í síðustu kosningum eyddu Sjálfstæðisflokkur og Framsóknarflokkur hundruðum milljóna í auglýsingar.

Þessir grímulausu hagsmunaklíkuflokkar sem hafa deilt og drottnað hér á skerinu í áratug og misbeitt valdi sínu í helmingaskiptaglæpnum til dæmis varðandi banka Lí og Búnaðarbanka.

Það voru ófáir milljarðarnir sem færðir voru af bökunum breiðu yfir á fátæka, Hrói höttur öfugur var “logo” ríkisstjórnarinnar.

Öfugmælin endalaus, og kverúlantahátturinn gagnvart öryrkjum og öldruðum og þeim sem stóðu höllum fæti var með ólíkindum. En kverúlantarnir kölluðu “andstæðingana kverúlanta”, sem lýsir ástandinu vel.

Ráðist var á fólk úr launsátri sjá til dæmis bók Sverris Hermannssonar, vinnubrögð Kjartans moldvörpu og Hannesar.

Hannes er síðan uppvís að ritstuldi. Kjartan er flæktur inn í olíuverðsamráð og Gísli Baldur sem er háttsettur innan flokksins líka. Nú hvað er verðsamráð? Það er verið að stela með ólögmætum hætti peningum frá almenningi.

Davíð ræðst á fyrirtæki og einstaklinga, ekki það að ég sé að segja að Bónus liðið sé endilega alsaklaust, en ófyrirleitnin er með ólíkindum.

Ráðist er á forsetann og hans fjölskylda dregin inn í persónulegt karp milli Davíðs og Ólafs. Nú þjóðin hefur staðið á öndinni síðan.

Fjölmiðlafrumvarpið snýst ekki bara um tjáningarfrelsið heldur vinnubrögð forsætisráðherra sem er dyggilega studdur af Utanríkisráðherra vegna væntanlegs forsætisráðherrastóls. Er það svona rosalega mikilvægt að hægt er fórna hverju sem er fyrir persónulegan metnað fólks?

Raunar er það svo að Alþingi íslendinga er orðið að aðhlátursefni landsmanna. Bananar eru settir á tröppurnar fyrir utan alþingishúsið, en fólk lætur ekki segjast á nokkurn hátt.

Vinstri grænir hafa tekið upp stefnuskrá Sjálfstæðisflokksins, það er svona að mestu í umræðunni, og Sjálfstæðisflokkurinn tekið upp stefnuskrá Vinstri Grænna.

Hvers vegna? Jú vegna þess að Sjálfstæðismennirnir sitja á ríkislaunum.

Eða hvar eru Hannes Hólmsteinn : hjá ríkinu
Davíð Oddsson
Kjartan Gunnarson(LÍ er bara hagsmunagæslubanki íhaldsins)

Jón Steinar Gunnlaugsson
og allir helstu SUS ararnir?

Þeir eru allir að vinna hjá ríkinu.

Í ljósi þessara staðreynda þá er í sjálfu sér eðlilegt að umskipti hafa átt sér stað hjá Vinstri Grænum og Sjálfstæðisflokknum.

Nú Framsóknarflokkurinn er algjörlega á öndverðum meiði við formann sinn, en vilja ekki andæfa á fundum, annars er gengið í skrokk, eins og það var gengið í skrokk í síðustu kosningu á fundi í Valhöll.

Björn Bjarnason sem var við það að taka við af Davíð fær kosningu samkvæmt skoðanakönnum sem er 1,3%. Björn segir á heimasíðu sinni, sem var valin besta heimasíðan, sennilega af SUS-urum, enda frægt bullið í Birninum með að við ættum að hafa íslenskan her. Björn segir einnig að ef fjölmiðlalögin séu dregin til baka þá sé það svindl og brella . Björn er semsé Dómsmálaráðherra, sem er uppvís að því að reyna að breyta heimasíðu sinni eftirá….

Ekki nóg með það heldur ræður Björn náfrænda Davíðs í stöðu Hæstaréttardómara, þegar hann fær síðan niðustöðu um það að þetta sé allt saman ólöglegt á alla kanta, er Björn bara móðgaður yfir því að verið sé yfirleitt verið að ræða þetta mál. Hann líti á það sem skoðun viðkomandi aðila. Óbilgirnin og drullusokkshátturin er með ólíkindum. Nú Birni var ætlað að ná borginni aftur og eiginkonu Geirs Haarde rutt úr vegi.

Geir og málmpípurnar pípa út í eitt það sem yfirstrumpurinn pípar. Þetta er eins og samansafn af fábjánum, sem er fyrirmunað að mynda sér sjálfstæðar skoðanir á einu eða neinu.

Að sumu leyti er það eðlilegt í flokki, sem hefur ekki haft skoðanafrelsi innan dyra í nokkra áratugi. Allar skoðanir sem ekki þóknast formanninum eru skilgreindar tafarlaust sem “rugl eða andfélagslegar”, eða gegn formanninum. Því hafa margir sem eru með einhverja vitglóru í hausnum gefist upp á flokknum, sem er orðinn að skrímsli.

Það er ljóst að Björn hefur um 57,5% minna fylgi en Ástþór í framboði til forseta, sé tekið mið af hlutfallslegu fylgi, að vísu innan óvissumarka.

Jón Steinar Gunnlaugsson segir brandara í útvarpið: Ég hef alltaf haldið mig utan við stjórnmál(!!!!!!!!!!). Ég hef alltaf verið faglegur í mínum vinnubrögðum. Það sem Jón Steinar á við er það að hann hafi alltaf haft fagleg sjónarmið að leiðarljósi í sínum umfjöllunum og einnig að hann hafi alltaf myndað sé sjálfstæðar skoðanir á hlutunum.

Þetta er auðvitað brandari aldarinnar hér á landi hingað til…