Ég er sammála því að ofurefli vestrænna ríkja virðist mikið gegn “hryðjuverkaógninni”. En ekki gleyma því að þrátt fyrir þennan mikla mátt sem þú talar um eru vestrænu ríkin að tapa þessu stríði, sem sést einna best í auknum árásum gegn vestrænni menningu og mikill fylgiseflingu Al Qaeda.

Þetta stríð hefur lítið með tæki og tól að gera, það sem að máli skiptir er að kynna málstaðinn, afla aukinna vinsælda við hann og sannfæra fólk til að taka þátt. Þetta hefur liðsmönnum heitttrúaðra múslíma tekist mun betur en Síonistanum í Hvíta húsinu.

En eitt að lokum, mér finnst rangt að kenna Ronald Reagan um allt sem illa fer. Jarðarför hans á fullan rétt á sér, því að þrátt fyrir átta ára stjórnarbríarí á maðurinn að baki viðburðarríka ævi. T.d. er þetta með skemmtilegri leikurum sem mér hefur hlotnast að sjá á hvíta tjaldinu.

Eikinn

Jæja er nú svo komið að Reagan batt enda á “kalda stríðið”. Þetta er seinni tíma “sögu hliðrun” ef ekki beinlínis fölsun.

Það var ekki markmið Reagans að binda enda á Kalda stríðið heldur akkurat hið gagnstæða þegar hann hóf þann mesta fjáraustur til hermála sem um getur frá lokum seinni heimstyrjaldar. Hann ætlaði ekki að binda enda á neitt heldur skjóta USA langt fram úr USSR í hernaðarmætti og kæla þannig Kalda stríðið ef eitthvað.
Eru menn búnir að gleyma Stjörnustríðs áætluninni sem varð dýrasta ónothæfa hugmyndin í sögu mannkyns.
Það að Sovétmenn segðust ekki ætla að taka þátt í þessu boðhlaupi Reagans, þeir hefðu einfaldlega ekki efni á því, leiddi hinsvegar að lokum til falls Sovétríkjanna. Að það skyldi gerast kom jafn flatt upp á Bandaríkjamenn og aðra.
Reyndar var það hið versta sem gat gerst. Óvinurinn hvarf! Hugmyndafræði Rebúblikana er eins og fiskur án vatns ef enginn er óvinurinn. Hann verður að vera til staðar, raunverulegur eða ímyndaður, og ef hvorugt er, þá skapa þeir hann sjálfir.
Flestir núverandi “óvinir” Bandaríkjana eru skapaðir af þeim sjálfum, Saddam svo og flest öfgasamtök Araba nutu fjárframlaga frá þeim meðan það hentaði, uns þeir snérust gegn þeim. Nú moka bandaríkjamenn fé í ný samtök sem sagan segir að muni á endanum snúast gegn þeim. Þannig hefur þetta verið og verður sennilega um ókomna tíð.
Hvað Reagan varðar var hann 69 ára þegar hann tók við embætti og 77 ára þegar hann lét af því.
Hann var þegar við valdatökuna farin að kenna Parkinsonsveikinar enda var úthald hans og vinnusemi með eindæmun lág. Hann vann aðeins 3 til 4 tíma á dag, miðað við 10 til 14 tíma vinnudags annara forseta. Hann var á tíðum út á þekju, svaraði í suður þegar hann var spurður í norður o.s.f.v.

Steingrímur Hermannson segir í ævisögu sinni að móttaka var á Bessastöðum fyrir Reagan og Gorbatsjov þegar leiðtogafundurinn var haldinn hér á landi. Steingrímur hélt smá tölu um fækkun kjarnorkuvopna á höfunum sem var þá efst á baugi. Þegar hann hafði lokið máli sínu var eins og fát kæmi á Reagan, hann rótaði í vösum sínum, dróg að lokum upp miða sem hann las síðan af: “Já hr. forsætisráðherra, mér er það sönn ánægja að tilkynna þér að Flugleiðir munu fá leyfi til að fljúga milli Keflavíkur og Boston.”
Margar áþekkar sögur hafa flogið af Reagan enda maðurinn sjúkur.

Svo leyfa menn sér að halda því fram nú þegar hann er genginn að hann hafi verið einn merkasti forseti Bandaríkjanna. Þvílík öfugmæli, en fjarlægðin gerir víst fjöllin blá.
En það eru dauðakippirnir í Bush stjórninni sem valda því að reynt er af ýtrasta mætti að ferga ímynd Reagans til að hefja þannig upp glataða og tröllum gefna ímynd Bush. Þeir hefðu kanski átt að urða Bush en dubba líkið af Reagan upp í framboð í stað Bush. Það hefði vel getað gengið því það er álitamál hvort Reagan sé nokkuð dauðari núna en á meðan hann var forseti.

Lotti.

Ég líka, en vegna þess að sigurvegarinn skrifar alltaf söguna ;-)

Bowling for Columbine er nokkuð lituð af skoðunum höfundar hennar og margt í henni ekki satt, takið eftir því að mörgum “staðreyndum” í myndinni er hent fram án rökstuðnings og oftast er bara ein hlið á málinu skoðuð.

Skrítið finnst mér að enginn nema Michael Moore hafi fjallað um þessi grimmdarverk, ef 500 þúsund börn hefðu verið drepin einhverstaðar þá held ég að fleirri væru búnir að fjalla um það.

Það voru ekki bandaríkin ein sem settu þvinganir á írak heldur sameinuðu þjóðirnar, og írak var gefinn kostur á að skipta olíu fyrir mat fyrir mörgum árum síðan, þannig að þessar blessuðu þvinganir sem slíkar drápu ekki marga, heldur var það valdhafar í írak sem sveltu landsmenn sína.

Og ef olíu var ekki skipt fyrir mat heldur pening, þá komu kanar ekkert nálægt því, það voru nefnilega Rússar, frakkar og þjóðverjar sem voru í þessari verslun við írak, og þessvegna voru þeir svo á móti innrásinni og því að skuldir íraks yrðu felldar niður eins og kanar stungu upp á fyrir viku síðan.

Góðar stundir
Gyzmo