Er sammála KrHaMaster en vil einnig benda á að Greenpeace eru ekki alslæmir. Þannig ættu Íslendingar að ÞAKKA þeim fyrir baráttu þeirra gegn Sellafield kjarnorkuendurvinslu stöðinni í UK. Þessi fabrikka dælir geislavirkum efnum í sjóinn með ófyrirsjánlegum afleiðingum fyrir sjávarvistkerfið í N-Atlantshafi, þar með talið í kringum Ísland.

Varðandi hvalveiðarnar þá eru þeir mikið að hverfa frá rökum um að hvalir séu í útrýmingarhættu en höfða meira til tilfinningalegra raka. Hvort það er rétt má deila um, en benda má á að flestum Íslendingum finnst ógeðslegt að borða hunda og S-Kórea hefur bannað hundaát vegna þrýstings frá vesturlöndum.

Svona að lokum finnst mér þessi “grein” hálf skrítin. Greenpeace eru náttúruverndarsamtök ekki Amnesty International, það er ekki þeirra að mótmæla Íraksstríðinu. Varðandi höfrunginn í London þá var verið að mótmæla veiðum í net (reknet) og meðafla sem drepur mörg dýr að óþörfu. Reyndar má benda á að netaveiðar (grásleppunet líklega) eru að fara illa með landsel við Ísland (sjá ástandskýrslu hafró á www.hafro.is). Stofninn heldur áfram að minnka þrátt fyrir litlar beinar veiðar.

Svona rétt að lokum þá hafa Grænfriðungar einnig barist gegn ofveiði á nytjastofnum (fiskum) og það vill nú svo til að Íslenskir stofnar standa flestir frekar vel, amk mv td í Norðursjó. Og hinir “heimsku” Grænfriðungar hafa hvatt fólk til að kaupa einungis fisk frá svæðum þar sem veiðar eru stundaðar með ábyrgum hætti. Þetta hefur gert allt annað en að skemma fyrir íslenskum útflutningi.

kv. Phoca