Davíð Oddson er óumdeilanlega skelfilegasti stjórnmálamaðurinn sem íslenzka þjóðin hefur alið, fyrr og síðar - að mínu persónulega mati!

Við höfum gefið honum alltof lausan tauminn - í alltof langan tíma - og það er nú að koma í ljós. Alltof löng seta í “skipstjórnarbrúnni” hefur gegnsýrt þennan hrokafulla og svívirðilega mann svo illilega að hann dregur alla sem eitthvað setja sig upp á móti honum í ákveðinn dilk - eins og þeir orða það á alþingi - Davíð er búinn að spyrða alla þá sem eru á móti honum saman við Baug, baug sem er stórt fyrirtæki með fjöldan allan af fólki í vinnu hjá sér.

Davíð dregur jafnvel saklaust fólk með sér, og jafnvel án þeirra vitneskju eða að það komi nokkurn staðar nálægt máli Davíðs (dóttir forsetans), í sín eigin gremju-og reiðiköst þar sem hann formælir þeim sem hann !”persónulega”! hefur nú í nokkur misseri verið að herja á. Hans persónulega óvild í garð Baugs er nú að setja allt á annan endan, hvar endar þessi persónulega herferð þess sem á að heita fyrirmynd okkar, sjálfur forsætisráðherra Íslands er í hefndarhug og allt sem á hans vegi verður, skal bara tæta í spað – hvað sem það kostar! Nú síðast tók þessi ómynd (Davíð) uppá því að spyrða Hr. Ólaf Ragnar Grímsson, forseta okkar - ásamt dóttur hans (forsetans) - við þá sem honum (Dvíð) sjálfum er svona meinilla við - Baug!


Eftir alltof langt valdabrölt og eftir að hafa komist upp með alltof mikið í ríkisstjórn – hefur Davíð nú tekið þá ákvörðun að hann ráði öllu, hann eigi land og þjóð, hann sé konungurinn og honum leyfist að gera það sem honum persónulega finnist að eigi að vera eins og honum persónulega þóknast!!!
Hann er svo siðblindur í dag að honum finnst hann geta sett hvað sem er í lög ef honum finnst svo – og það jafnvel án þess að spyrja kóng (hann sjálfan) né prest …
Heyrst hefur að hann hafi sagt það sjálfur “ég get komið hverju sem er í gegn sem lög ef ég kýs svo sjálfur”!!! Er ekki nóg komið? Er ekki kominn tími til að stíga niður af stallinum og gefa heiðarlegum og óspilltum mönnum tækifæri til að taka við stjórn???

Svo að ég snúi mér aðeins að besta vini og félaga Davíðs – Birni Bjarnasyni dómsmálaráðherra.

Björn Bjarnason hefur ætíð staðið eins og klettur við hlið forustusauðarinns – klettur sem löngu er fallinn sem leðjuskriða niður hlíðina og nú eru molarnir útum allt með kjaft og klær. Dæmi sýna hve mikið Björn er barn sins tíma og ætti að vera löngu komin í helgan stein – hæstaréttardómaramálið – þar sem Björn réð frænda Davíðs í embætti sem mun hæfari umsækjendur voru að.
Annað er sem eldra er og ekki hefur komið upp á yfirborðið fyrr en nú.
Björn virðist, samkvæmt heimildum fréttamiðla, hafa ætlað að hafa áhrif á ákvarðanatöku úthlutunnarnefndar kvikmyndasjóðs árið 2001 (þá sem settur menntamálaráðherra).

Orðrétt úr blaðagrein:
(tilvitnun í prentmiðil)
“Björn Bjarnason, þáverandi menntamálaráðherra, hringdi í forstöðumann kvikmyndasjóðs þegar umsókn vegna “opinberunar Hannesar” var til umfjöllunar. Ráðherra vildi vekja athygli á bágindum “Hrafns Gunnlaugssonar” kvikmyndaframleiðanda.”
“Heimildir herma að Björn hafi í símtalinu viljað ræða afleiðingar bílslyss sem Hrafn hafði lent í. Ráðherrann hafði nokkur orð um að líklega væri þetta seinasta verkefni Hrafns” (tilvitnun úr prentmiðli endar)

Svo virðist sem Björn Bjarnason, þáverandi menntamálaráðherra, hafi ætlað að vekja upp samúð með okkar ástsæla (reyndar ömurlega, að mínu mati) kvikmyndaframleiðanda þannig að hann fengi þann styrk sem hann hafði sótt um, 64 milljónir vegna myndarinnar “Opinberun Hannesar”.
En var hann, ef satt reynist að hann hafi reynt þetta, að reyna að vekja upp samúð með Hrafni, eða var hann að reyna með þessu að koma stórvini sínum og leiðtoga til hjálpar???

Myndin er, eins og líklega allir vita, byggð á sögu forsætisráðherra okkar Davíðs Oddsonar – og kannski var Björn bara að vinna undir borðið fyrir foringja sinn – hvað vitum við nema Davíð hafi sagt við Björn “ég vil að sagan mín komist á hvítu tjöldin, hvað sem það kostar (64 milljónir)” …
Allavega trúi ég nú til dags hverju sem er uppá forustusauðinn og hans fylgihjörð sem í einu og flestu virðist ætla að að láta forustuhrútinn vaða yfir sig með skítugum skónum – allt fyrir konunginn – allt fyrir Davíð konung!

Svona í lokin langar mig að segja hvað mér fannst það grátlegt að horfa uppá Davíð Oddson, forsætisráðherra okkar og fyrirmynd, lýsa sýnum sjónarmiðum í sambandi við forseta okkar, Hr. Ólaf Ragnar Grímsson.
Kasta skít í forseta okkar og draga saklausa aðila inní það eins og hann gerði í sambandi við dóttur Hr. Ólafs, og það án þess að forsetinn væri viðstaddur til að andmæla – Davíð er til skammar og mér finnst að hann ætti að sýna sóma sinn og víkja úr ríkisstjórn – áður en þjóðin kastar honum út, því með áframhaldandi skítköstum og skömmum í allar áttir mun þjóðin láta í sér heyra því þjóðin mun ekki sitja þegjandi endalaust undir persónulegri hefndarherferð forsætisráðherra sins þar sem upphlaup, heimska og óvönduð vinnubrögð eru viðhöfð.

Húrra fyrir Halldóri Ásgrímssyni - hann virðist ætla að láta til sín taka núna - setja Davíð stólinn fyrir dyrnar og taka ekki þátt í stríði Davíðs (heimildir úr prentmiðlum)

(Ath. Heimildir eru meðal annars teknar úr DV… allt annað er úr eigin hugarheimi og skrifað án virðingar fyrir þeim sem setja allt á annan endan í þjóðfélaginu með persónulegum herferðum gegn þeim sem ekki hugnast þeim sama. Davíð ætti að skammast sín fyrir að setja þjóðina í þá aðstöðu sem við erum í núna!)

Kveðja:
Tigercop sem fílar ekki núverandi ríkisstjórn, ríkisstjórn þar sem einn er “kóngur” og allir hinir eru hriðfífl sem segja já við öllum kröfum kóngsa – annars “off with the head” !!!