gbi fyrir 20 árum, 6 mánuðum Fjöldi lestra: 692

Eitthvað gruggugt við vinnubrögð forsætisráðherra?

Já það er nú meira fjaðrafokið í þjóðfélaginu þessa daganna vegna fjölmiðlafrumvarpsins sem ríkisstjórnin vill knýja í geggn nú rétt fyrir þingslit …ég er ekki alveg búin að mynda mér skoðun um það hvort ég telji mikilvægt að setja frekari lög um eignarheimild í fjölmiðlum …og hvað þá akkúrat núna? ….en mér finnst afgreiðsla þessa máls með öllu hin ótrúlegasta ….að menntamálaráðherra hafi afþakkað boð blaðamannastéttarinnar um að vinna með nefndinni sem átti að álykta um þetta mál og semja frumvarpið og skýringin var sú að nefndarstörf hafi þá þegar verið hafin þó að seinna hafi komið í ljós að nefndin hittist aðeins einu sinni til að ræða þetta veigamikla mál? …og að Davíð Oddsson hafi svo tekið fram fyrir hendur nefndarinnar og menntamálráðherra og samið frumvarpið sjálfur ….svo er haldið mikilli leynd yfir skýrslu nefndarinnar eins og umræða um þetta mál geti ógnað þjóðaröryggi eða eitthvað ….svo er efnt í skyndi til ríkisstjórnarfundar á sunnudags morgni (sem er mjög sjaldgjæft) til að samþykkja frumvarpið! …eins og þeim liggi lífið á? …já þetta mál er að mínu mati allt hið skrítnasta ….og mjög undarlegt að þetta frumvarp komi frá þeim flokki sem er lengst til hægri í íslenskri pólitík? …ég hefði frekar getað séð vinstri græna fyrir mér leggja fram mál af þessum toga. Og það sem ég hef lesið um þetta frumvarp í fjölmiðlum finnst mér margt mjög gamaldags og í anda einræðis ….og eins og Herdís Þorgeirsdóttir (sem var í silfrinu í gær) sagði þá er Davíð að fara fram á svipaða hluti og einhver bretakóngur á 17. öld …þ.e. með því að reyna að koma því í geggn að útgáfa dagblaða skuli vera leyfisskyld o.s.frv. en sem betur fer náði framsóknarflokkurinn fram nokkrum breytingum á þessu frumvarpi á fundinum í gær …samt sem áður er finnst mér framsóknarflokkurinn mjög undirgefinn í þessu máli - og gæti þar spilað inní hræðsla við það að koma stjórnarsamstarfinu í uppnám?? ….því það gæti auðvitað ógnað því að Halldór verði forsætisráðherra!

En allaveganna þá er ég ekki alveg búin að gera upp hug minn í þessu máli …og auðvitað ekki búin að lesa þetta frumvarp en ég vil endilega koma af stað smá umræðu hér á huga um þetta mál :)

…endilega segið mér skoðun ykkar!!

E.s. upplýsingar mínar um þetta mál koma úr Silfri Egils 25. apríl og fréttablaðinu, DV og morgunblaðinu þann 26. apríl.

Kagemusha fyrir 20 árum, 6 mánuðum

Ætli forsíðufyrirsögnin á DV í dag nái þessu ekki bara best?

“Gremja Davíðs bundin í lög”

Fyrra álit

Sidious fyrir 20 árum, 6 mánuðum

DV? iss…

ALL GLORY TO THE HYPNOTOAD!

Fyrra álit

JonGretar fyrir 20 árum, 6 mánuðum

DV….
Ég sver að ég hef það á tilfinnignunni að DV sé að fara koma með fyrirsagnir eins og “Eiginmaðurinn étinn af geimverum” og “Raped by a 10 feet tall yeti.”

Sorglegt að sjá hvernig ágætis blaði var breytt í slúðurrit af versta toga. Enginn blaðamennska í gangi þarna.

Fyrra álit

Kagemusha fyrir 20 árum, 6 mánuðum

Sko, DV er auðvitað mesta sorprit íslandssögunnar, en til er gamall og gegn íslenskur málsháttur:

“Oft ratast kjöftugum satt orð á munn”

Fyrra álit

k3rMit fyrir 20 árum, 6 mánuðum

Heh.. fannst þér DV ágætt ?

Mér finnst bara fínt að þeir hafi loksins stigið skrefið til fulls og gera hasarfréttablað úr þessu.

Fyrra álit

[Notanda eytt] fyrir 20 árum, 6 mánuðum

Besta lýsingin á vinnubrögðum forsætisráðherra er í bakþönkum Þráins Bertelssonar í fréttablaðinu í dag. Ómetanlegur pistill þar á ferð.

Fyrra álit

Dreitill fyrir 20 árum, 6 mánuðum

Tek undir það !
BÖNNUN DRYKKJU Á APPELSÍNI !!

Dreitill Dropason esq.

Fyrra álit

Czar fyrir 20 árum, 6 mánuðum

já algjörlega, var að lesa þennan pistil, endilega allir grípið fría blaðið og lesið :)

_______________________

Fyrra álit

[Notanda eytt] fyrir 20 árum, 6 mánuðum

Davíð er snillingur.

Fólk er ekki að sjá hvað hann er að gera.
Þannig er hann snillingur.

Fyrra álit

ojb fyrir 20 árum, 6 mánuðum

Er ekki sagt að stutt sé milli snilligáfu og geðveiki.

Fyrra álit

BarbieQ fyrir 20 árum, 6 mánuðum

Davíð kallinn heldur áfram að grafa gröf sína. Ætli það sé farið að skína í botninn? Honum gæti örugglega ekki verið meira sama. Hann gerir bara það sem honum sýnist. Af hverju ætti hann að hafa áhyggjur af því hvað okkur, fórnarlömbum ákvarðana hans, finnst? Hann er nú einu sinni að fara að hætta bráðum. Hví ætti hann þá ekki bara að segja skilið við Ísland fyrir fullt og allt, flytjast suður, koma sér vel fyrir undan ströndum Miðjarðarhafsins kannski? Þar gæti hann lifað góðu lífi með hjálp ríflegra eftirlauna, með pinacolada í annarri, vitandi það að frænka hans sé í góðri stöðu í þjóðfélaginu.

Undarlegt hvað Davíð okkar er farinn að svipa til góðvinar síns George Bush.

-Bush vann forsetakosningar með færri atkvæðum en Gore.
-Davíð heldur áfram að ganga fram af fólki með vafasömum ákvörðunum.

Fólk veit af þessu, fólk er hneykslað, en ekkert virðist vera hægt að gera í málunum.

Sammála með Bakþankana. It's funny ‘cause it’s true. :D

Jeremy spoke in class today

Fyrra álit

BarbieQ fyrir 20 árum, 6 mánuðum

Auðvitað var það frændi Davíðs en ekki frænka, afsakið þetta.

Jeremy spoke in class today

Fyrra álit

kolbie fyrir 20 árum, 6 mánuðum

Já ég get ekki annað en verið sammála þeim sem að gagnrýna framgang þess máls.

Í fyrsta lagi er tímasetningin alveg fáránleg, það er augljóst að það berst einhver gremja um inni í Davíð. Ef hann væri alveg svellkaldur þá hefði framganga þessa máls ekki farið fram með þeim hætti sem raun ber vitni. Maðurinn er búin að vera í stöðugu strögli og erjum við Baug og eigendur þess í lengri tíma og fer svo fram með þessum hætti, þ.e. egnarskerðingu á eignum Baugs, með ofbeldisfullri lagasetningu korter fyrir þingslok.

Það er alveg á hreinu að þessi mál þarf að ræða og er ég ekkert á móti því, en við verðum einnig að átta okkur á því að hér er um MJÖG mikilvægt málefni að ræða og finnst mér umtöluð vinnubrögð ríkisstjórnarinnar léleg vinnubrögð.

Frumvarpið sem að um er rætt byggist á skýrslu sem unnin var fyrir Menntamálaráðuneytið(að ég held), og rökstuðningur stjórnarliða fyrir réttmæti frumvarpsins af mikklu leiti byggður á henni. Það hefur hins vegar komið í ljós að svo virðist sem að margt af því sem talað er um í skyrslunni er virt af vettugi en annað notað á aðvaranna skýrsluhöfunda við ýmsum hættum.

Það fer ekki á milli mála að það er óþefur af þessu máli sem og mörgum öðrum málum sem að komið hafa frá þessari ríkistjórn. gleimum ekki eftirlauna málinu sem einnig var keyrt í geinum þíng rétt fyrir slit þrátt fyrir mikla andstöðu landsmanna og stríðsyfirlýsing gegn írak sem hvorki fór í gegnum nefnd né þingið bara Davíð og Halldór. Sjálft friðarlandið Ísland.

Ég hef þá trú að það sé komin alveg gríðarleg valda-þreyta í núverandi ríkisstjórn og ekki frá því að samband þeirra við kjósendur í landinu sé orðið afar lítið. Hvenær fær maður að heyra í Davíð Oddsyni í umræðum í sjónvarpi…man einhver eftir því hvenær það geriðst.

Einn orðin soldið pirraður… ;)

Fyrra álit

pitchfork fyrir 20 árum, 6 mánuðum

Ég er vanur að styðja Dabba king í einu og öllu, en þarna var hann svoldið að skíta á sig.. Er hann ekki að fara öfugt við stefnu sjálfstæðisflokksins? Djöfulsins, þetta er allt að lenda í hring, hann var orðinn svo frjálslyndur að hann er orðinn kommúnisti

Fyrra álit

Kjarrval fyrir 20 árum, 6 mánuðum

Ef Davíð Oddsson er eitthvað, þá er hann anti-kommúnisti. Í kommúnismi á sami aðili (ríkið) alla hlutina en með þessu lagafrumvarpi, þá vill hann að SEM FLESTIR aðilar eigi í hverju ljósvakamiðlafyrirtæki fyrir sig og kemur í veg fyrir að áhrif einstakra aðila á allan markaðinn séu of mikil (eða allavega dregur úr hættunni).

Þessi lög eru búin að vera lengi í gangi í Bandaríkjunum, veit ekki hve lengi, en þau hafa verið að virka nokkuð vel. Sjáið þið fjölmiðla vera að kvarta þar undan þessu í USA? Nei! Er góð samkeppni á milli þeirra? Já!

Auðvitað er slæm umfjöllun um þetta í fjölmiðlum, það eru fyrirtækin sem stjórna þeim sem tapa á þessu. Spáið í því. Prófið að hugsa út í lögin út frá ykkar sjónarhorni en ekki út frá sjónarhorni aðila sem ekki eru hlutlausir í málinu.

Mæli annars með því að allir hérna lesi frumvarpið áður en þeir dæma. Persónulega hef ég ekki gert það en svarið er byggt upp á því hvernig þetta er byggt upp að bandarískri fyrirmynd en þaðan eru drögin að frumvarpinu líklegast fengin. Þ.e.a.s., ekki hlusta á miðlana í einu og öllu í þessu máli, lesið sjálf og dæmið út frá því.

Fyrra álit

spekingur fyrir 20 árum, 6 mánuðum

Ef þú ert að tala um Anti trust lögin hans Shermans er það ein heimskulegasta löggjöf í BNA og hefur æ ofan í æ verið að koma í veg fyrir hagræðingu og þar með betri og eðlilegri nýtingu framleiðsluþátta.

Fyrra álit

Kjarrval fyrir 20 árum, 6 mánuðum

Veit ekki hvað lögin heita en þau fjalla eingöngu um fjölmiðla ef mig minnir rétt.

Fyrra álit

xark fyrir 20 árum, 6 mánuðum

“Þessi lög eru búin að vera lengi í gangi í Bandaríkjunum, veit ekki hve lengi, en þau hafa verið að virka nokkuð vel. Sjáið þið fjölmiðla vera að kvarta þar undan þessu í USA? Nei! Er góð samkeppni á milli þeirra? Já!”

hmm já greinilega svo mikil samkeppni að eftir standa aðeins nokkur fyrirtæki sem ráða nær öllum fjölmiðlamarkaðnum í bna. ansi mikil fækkun þarna á 20 árum..

http://www.thedossier.ukonline.co.uk/MAPS%20& %20CHARTS/US%20MEDIA_OWNERSHIP.JPG

Fyrra álit

gbi fyrir 20 árum, 6 mánuðum

Fragman sagði:

“Ef Davíð Oddsson er eitthvað, þá er hann anti-kommúnisti. Í kommúnismi á sami aðili (ríkið) alla hlutina en með þessu lagafrumvarpi, þá vill hann að SEM FLESTIR aðilar eigi í hverju ljósvakamiðlafyrirtæki fyrir sig og kemur í veg fyrir að áhrif einstakra aðila á allan markaðinn séu of mikil (eða allavega dregur úr hættunni).”

Ég er hrædd um að þú sért aðeins að miskilja hann Dabba núna! …því með þessu frumvarpi er hann að brjóta niður Norðurljós sem er í eigu einstaklinga og fyrirtækja úr viðskiptalífinu og koma þar með í veg fyrir að einhverjir business kallar út í bæ séu að ógna yfirburðum RUV eða ríkisins á fjölmiðlamarkaði …því ekki vill hann missa það tangarhald sem ráðandi stjórnvöld hafa haft á fjölmiðlamarkaði frá því ég veit ekki hvenær! …svo jú hann er orðinn kommi …sorry :)

Fyrra álit

Kjarrval fyrir 20 árum, 6 mánuðum

Þú ert sem sagt fylgjandi því að sama fyritæki/fyrirtækjasamstæða gæti átt meiri hluta í fjölmiðli og gæti þess vegna ráðið öllum markaðnum. Það eru fjölmiðlarnar hérna sem mata allt ofan í almenning. Þetta “Davíðshatur” er að ganga of langt hérna.

Samkvæmt tilkynningu, þá er hann búinn að ræða við Halldór Ásgrímsson um að afnema afnotagjöld RÚV, viltu ekki finna eitthvað að því fyrst þú heldur að hann hugsi bara um sinn eiginn rass? Hvaða yfirráðsáætlun ætli Davíð sé að hugsa út með þessu… Annars finnst mér álit þitt á þessu sé einum of þröngt.

gbi sagði:

“því með þessu frumvarpi er hann að brjóta niður Norðurljós sem er í eigu einstaklinga og fyrirtækja úr viðskiptalífinu…”

- Einmitt, fyrirtækja sem eiga alltof mikinn hlut í því og hafa áhrif á efnið sem Norðurljós gefur út. Þessi fyrirtæki geta síðan ráðið yfir fólkinu sem starfar þarna til að segja góða hluti um fyrirtækið eða sleppa því að gefa frá sér þá slæmu. Fjölmiðlar eiga að vera sem hlutlausastir og treystir almenningur á að svo sé en með áhrifum fyrirtækjanna sem fyrr greinir frá í þessari efnisgrein, þá er ekki svo.

Fyrra álit

guru fyrir 20 árum, 6 mánuðum

En Dabbi á 100% hlut í RÚV á meðan hann er í stólnum!! Hver ætlar að passa uppá samkeppnisstöðu hans? Hver ætlar að vernda okkur gegn verndaranum?

Það er bara fáránlegt að menn skuli ekki sjá sóma sinn í að taka til í eigin ranni áður en þeir fara útum hvippinn og hvappinn í leit að drullu í fari annarra. Þessi stóru ríkisfyrirtæki, Síminn og RÚV, eru í algjörlega markaðsráðandi stöðum og hingað til hefur einkavæðingaferli ríkisstjórnarinnar verið algjörlega vanhugsað dæmi, og hefur annaðhvort fallið um koll eða þá að menn hafa getað keypt upp risafyrirtæki á smáklink. Minnir mann óneitanlega á það hvernig lítill hópur af fjárfestum fékk keypt meirihlutann af framleiðsluþáttum Rússlands eftir að Sovétið féll.

Ég get ekki séð að neinn sjái sér hag í því að eiga í fjölmiðli ef þessi lög eiga fram að ganga. Það má ekkert eiga í honum þannig að rekstur verður dýr og ómarkviss og svo þessi endalausa samkeppni við ríkisbálknið.

Fyrra álit

guru fyrir 20 árum, 6 mánuðum

Já…ég ætlaði líka að minnast á það að rödd frjálshyggjunnar heyrist ekki hátt hérna núna. Er þetta virkilega einsog menn halda, að litlu kallarnir í kringum Davíð segi bara já og amen við öllu því sem guðinn gerir?

Hvar eru heitir frjálshyggjumenn einsog spekingur og fleiri með sín komment um þetta…Það fer eitthvað lítið fyrir þeim…

Fyrra álit

spekingur fyrir 20 árum, 6 mánuðum

Ha ég.. jú ég er alfarið á móti þessu. Það er vænlegast til vinnings að auka frelsi og bæta aðgengi nýrra aðila að markaðnum til að auka fjölbreytni í stað íþyngjandi reglugerðafargans. Það hefði verið mun betra að losa RÚV af höndum ríkisvaldsins til að bæta samkeppni á markaði heldur en að setja íþyngjandi löggjöf. Ástæðan fyrir því hvað fer lítið fyrir mér er ekki sú að ég sé sammála Davíð og skammist mín fyrir það heldur frekar sú að ég tel að skoðanir mínar hafi komið fram hér að ofan :) þ.e.a.s. ég er í megin atriðum sammála velflestum sem hafa skrifað eitthvað hérna.

Fyrra álit

xark fyrir 20 árum, 6 mánuðum

“Já…ég ætlaði líka að minnast á það að rödd frjálshyggjunnar heyrist ekki hátt hérna núna. Er þetta virkilega einsog menn halda, að litlu kallarnir í kringum Davíð segi bara já og amen við öllu því sem guðinn gerir?”

Frjálshyggjufélagið hefur reyndar sent frá sér tilkynningu þar sem þessu en það er ekki fyrr en í dag sem tikynning frá Heimdalli kom þar sem þessu er mótmælt(loksins)

fragman:
“Þú ert sem sagt fylgjandi því að sama fyritæki/fyrirtækjasamstæða gæti átt meiri hluta í fjölmiðli og gæti þess vegna ráðið öllum markaðnum. Það eru fjölmiðlarnar hérna sem mata allt ofan í almenning. ”

Viltu frekar fá mataðar fréttir frá Mbl og Rúv? einu fyrirtækin sem hafa komið að einkarekinni fjölmiðlun hafa verið markaðsráðandi(flugleiðir,eimskip,hagkaup,landsíminn,sí ðan baugur) og með þessum lögum hefði ekkert þeirra getað komið nálægt þessu. Hverjir aðrir hafa nógan pening til að standa undir sjónvarpsrekstri?

Það væri ekkert nema Rúv hérna án stórra aðila.
Aldeilis fjölbreytni.
Síðan gera þessi lög ráð fyrr að allir fjölmiðlar flytji fréttir. Hvað með “playlista útvarp” eða bara PopTV ?

Og í öðru lagi: Af hverju er verra að eiga 1 dagblað og 1 sjónvarpstöð heldur en bara 2 dagblöð og hvers vegna ætli þetta svo skemmtilega sniðið þannig að rúv sé undanskilið og þetta beinist eingöngu að norðurljósum? hvað með eignarhald á mbl ? en jæja best að vera ekki að rugla of mikið. Nóg hefur hinn stjórnlyndi og geð-óstablíi foringji látið snúa ykkur í hringi.

Fyrra álit

Kjarrval fyrir 20 árum, 6 mánuðum

Ég bara hreinlega efast um að Norðurljós bara hætti með blöðin 1, 2 og 3 heldur selji þau öðrum aðilum svo að þau muni ekki alveg lognast út af. Fólk út í bæ getur þá fjárfest í þessum nýju fyrirtækjum og þá er hægt að fá fleiri sjónarhorn á hverju máli fyrir sig. Það sama mun gerast með útvarpsrekstur.

Sjónvarpsrekstur er ekki innifalinn í þessu frumvarpi svo að Norðurljós má alveg eiga allar þessar sjónvarpstöðvar áfram. Frumvarpið gildir bara um útvarpsrekstur og blaðaútgáfu. Getur lesið frumvarpið á http://mbl.is/mm/frettir/innlent/frett.html?nid=1082100 (taka út bil ef þau eru) ef þú hefur ekki þegar gert það.

Fyrra álit

spekingur fyrir 20 árum, 6 mánuðum

,,Þú ert sem sagt fylgjandi því að sama fyritæki/fyrirtækjasamstæða gæti átt meiri hluta í fjölmiðli og gæti þess vegna ráðið öllum markaðnum.´´

Það er ekkert óeðlilegt að í frjálsri samkeppni ( sem reyndar er ekki alltof frjáls meðan RÚV er til) hafi einhver aðili betur og standi eftir sem “sigurvegari”. Þennan sigur einkennir síðan stór markaðshlutdeild, neytendurnir hafa kosið þann sem þeir telja vera bestan. Síðan er ekkert óeðlilegt við það að menn séu að dreifa skoðunum sínum þó þær séu rangar og þó þær séu ekki hlutlausar. Það er allt auka atriði. það er grundvallar atriði fyrir lýðræðið að menn geti tjáð skoðun sína hvort sem hún er rétt eða röng, hlutlaus eða hlutdræg.

Fyrra álit

kolbie fyrir 20 árum, 6 mánuðum

Þau rök sem ég hef séð koma frá stuðningsmönnum frumvarpsins eru þau að það sé staðreynd að einarhald sé orðið of samþjappað á fjölmiðlamarkaðnum.

Ég er sammál því að skoða þessi mál og ræða, setja skýr og gegnsæ lög…endilega.
Hinnsvegar er tímasetningin og framgangurinn á þessu frumvarpi bara fáranlegur, þetta er GRÍÐALEGA mikilvægt mál og skylda þingsins gagnvart þjóðinni að betur sé að málum staðið.

Í öðru lagi er mikilvægara að horfa á upptök vandans(samþjöppun eignaraðildar á fjölmiðlamarkaði)… ömurlegt viðskiptaumhverfi…einkaaðilar í samkeppni við ríki, það er fásinna.

Byrjum á því að draga RÚV út af auglýsingamarkaði, sem leiðir til stærri markaðar fyrir einkaaðila, sem svo leiðir til dreyfðari eignaraðildar.

Hvernig sem á málið er litið þá er óþefur af því…það er staðreynd.

PS. Gleymum ekki eftirlaunafrumvarpinu. Mér dettur í hug: ,,If it looks like shit and it smells like shit, it must be shit" ;)

Fyrra álit

ojb fyrir 20 árum, 6 mánuðum

hvað er Ríkið annað en samansafn alls fólks í ríkinu ???

Fyrra álit

aMiGa84 fyrir 20 árum, 6 mánuðum

Ég hef ekki myndað mér beint skoðun um þetta frumvarp sem slíkt. Ég tel þó að nauðsynlegt sé að setja einhverskonar lög svo að ekki verði einokun á fjölmiðlamarkaði; Við viljum fá að heyra báðar hliðar á málinu og geta myndað okkur skoðun á hlutunum, ekki vera mötuð af einhverjum einum alráðandi miðli sem ákveður hvað skal sagt og hvað ekki. Mér finnst þó ekki vera tekið rétt á málinu og eins og ég skynja hlutina er að það sé næstum bókstaflega verið að “nauðga” Norðurljósum, sem mér finnst afskaplega leiðinlegt því þetta er fyrirtækið sem heldur okkur gangandi. Hver situr og horfir á Ríkissjónvarpið á kvöldin? Þar er ekkert að horfa á. Mér finnst DV vera mun athyglisverðara núna en það var áður, þó það sé svolítið slúðurkennt, en það er þó að minnstakosti innihaldsmeira heldur en Séð & Heyrt og talar umbúðalaust um málefni sem skipta máli. Fréttablaðið finnst mér vera frábært, því það er ókeypis. Ég hef ekkert slæmt um vinnubrögð Norðurljósa að segja. En um Davíð er allt annað mál. Ég held að honum sé bara orðið alveg slétt sama um hvað við segjum eða viljum. Hann er búinn að komast að því að hann er alvaldur ef honum sýnist svo. Hann hefur svosem engu að tapa því þegar hann hættir, sem er fljótlega, þá mun hann lifa góðu lífi það sem eftir er lífs síns vegna frumvarpsins um eftirlaun þingmanna. Hann hefur þetta allt úthugsað í höfðinu á sér. Held að hann sé orðinn leiður á þessu öllu og hefur bara sturlast á endanum.
—

Fyrra álit

gbi fyrir 20 árum, 6 mánuðum

aMiGa84 skrifaði:

“Við viljum fá að heyra báðar hliðar á málinu og geta myndað okkur skoðun á hlutunum, ekki vera mötuð af einhverjum einum alráðandi miðli sem ákveður hvað skal sagt og hvað ekki.”

Hvað meinarðu með því að það sé aðeins einn alráðandi miðill á markaðnum?? Það er einmitt loksins jafnvægi á markaðnum núna þ.e. það er loksins kominn einhver miðill sem vegur á móti RUV og þeirri yfirgnæfandi markaðsstöðu sem það hefur alltaf haft! …og pólitísk umræða í fjölmiðlum hefur aldrei verið fjölbreyttari en nú og aldrei heyrst fleiri sjónarhorn! …þar sem ein lítil sjálfstæð stöð er t.d. í miklu uppáhaldi hjá mér - þ.e. Útvarp Saga!

Og ef einhver ætlar að reyna að sannfæra mig um það að RUV sé hlutlaus þrátt fyrir að útvarpsstjóri sé fyrrum borgarstjóri Sjálfstæðisflokks og að stöðin sé ríkisrekin þá langar mig að benda á að þessa tvo daga sem umræðan um frumvarpið hefur verið í hámarki þá hafa bara stuðningsmenn og flokksmenn ríkisstjórnarflokkanna fengið að tjá sig í Kastljósinu!!! …svo segir Sigurður Kári í Fréttablaðinu í dag að ástæða slakrar útkomu Sjálfstæðisflokksins í skoðanakönnun sé vegna einhliða umræðu um frumvarpið!! …ég get ekki séð annað en að RUV sé eini fjölmiðillinn sem er með einhliða umræðu og þá í hag ríkisstjórnarflokkanna???

Fyrra álit

aMiGa84 fyrir 20 árum, 6 mánuðum

gbi:
Ef til væru 7 dagblöð/sjónvarpsstöðvar á Íslandi, 5 þeirra í eigu t.d. Norðurljósa, 1 í eigu ríkisins og annað/önnur í eigu einhvers annars fyrirtækis, álit hvaða fyrirtækis væri þá sama og alráðandi? Nú er Fréttablaðið mest lesna dagblaðið á Íslandi og ég held að DV sé líka að sækja í sig veðrið. Hvað gerist ef MBL færi á hausinn líkt og DV?

Fyrra álit

gbi fyrir 20 árum, 6 mánuðum

aMiGa84:
Það væri að sjálfsögðu mjög slæmt mál ef morgunblaðið færi á hausinn! en hvað ertu að blanda því inní þetta?

Það sem þú tekur ekki inn í þetta dæmi og skiptir auðvitað höfuð máli eru þeir miklu yfirburðir í áhorfi og dreifingu sem fréttastofa Ríkissjónvarps og útvarps hafa fram yfir aðrar fréttastofur ….ég tel mjög mikilvægt að til sé annar stór fjölmiðill sem slagar eitthvað upp í þetta til að jafnvægi sé á markaðnum!!

Fyrra álit

Stjórnmál

Stjórnmál

Ofurhugar

Stjórnendur

Hverjir eru inni

Greinar

Eitthvað gruggugt við vinnubrögð forsætisráðherra?

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi