Ég var að velta því fyrir mér, þegar ég las um erlenda eftirlitsmenn sem eiga að fylgjast með forsetakosningunum í makedóníu. Ekki að það sé eitthvað nýtt að eftirlitsmenn séu sendir til ríkja þar sem lýðræði er frekar nýtt af nálinni. Hins vegar var ég að spá hvort það væri ekki rétt að senda nokkur hundruð erlenda eftirlitsmenn til að fylgjast með kosningunum í USA í haust. Bush vann nú seinast þrátt fyrir að verða annar. Bandaríkin voru eitt af allra fyrstu ríkjum heimsins til að taka upp lýðræði (sjálfstæðisyfirlýsing Bandaríkjanna er undirrituð 1776 en t.d. franska stjórnarbyltingin er 1789). En ég mundi samt segja að lýðræði stæði mun valtari fótum þar vestan hafs en í flestum ríkjum ESB. Allir forsetar Bandaríkjanna hafa verið hvítir karlmenn. Þeir hafa einnig allir verið kristnir (Ab Lincoln var reyndar aldrei í trúfélagi en var alinn upp sem kristinn). Lang flestir hafa verið mótmælendur. JFK var fyrsti kaþólikinn til að gegna embættinu og ég held líka sá eini. Kosningaþátttaka í kosningunum 2000 var eitthvað um 70%. Það tók fleiri, fleiri vikur að telja öll atkvæðin í kosningunum. Svo það allra fáránlegasta er að það er ekki þingræði í USA þannig að einn frambjóðandi til viðbótar getur breytt úrslitunum þó hann fái hverfandi fylgi. Þannig er t.d. talið að Ralph Nader hafi eytt vonum Al Gores um sigur 2000. Það munaði aðeins nokkur hundruð atkvæðum á Bush og Gore í Florida en þar fékk Nader 1 eða 2%. Endilega hafið ykkar skoðanir á þessu.