Sykur er löglegur, vatn er löglegt, ger er löglegt sem og peningar. Afhverju er þá bannað að selja landa?

Áður fyrr taldi ég að vændi væri nokkuð eðlilegur hlutur sem jafnvel gæti komið í veg fyrir að einstaklingar fremdu kynferðisbrot. En nú hef ég svo sannarlega skipt um skoðun eftir að hafa lesið greinar um heim vændis sem er engin “Pretty woman” glansheimur.

Yfirleitt byrja konur (það er algengast að það séu konur sem stunda vændi) ekki að stunda vændi nema í neyð. Oft vegna eiturlyfjaneyslu en einnig vegna andlegra áfalla. Þannig er mjög algengur prófíll af einstaklingi sem stundar vændi að hafa orðið fyrir kynferðislegu ofbeldi, jafnvel í æsku. Sjálfsmynd hjá slíkum einstaklingum er oft brothætt og því finnst mér í raun verið að framlengja ofbeldið á slíku fólki í vændi. Þannig er það oft á tíðum viðkvæmir einstaklingar (eiturlyfjaneitendur, sálfræðilega skaðaðir einstaklingar) sem lenda í þessu. Annað sem einnig er slæmt þegar verið er að flytja fólk milli landa og neyða það til að vinna fyrir fari sínu með vændi.

Persónulega held ég að það leysi engan vanda að lögleiða vændi því að þetta er ekki spurning um þjónustu eins og að fara í klippingu. Kynlíf lítur allt öðrum lögmálum hjá flestum einstaklingum og ekki á að vera hægt að neyða fólk til að gera eitthvað með peningum.

Frjálshyggja held ég persónulega hafi ósköp lítið með rétt markaðar til að níðast á viðkvæmum einstaklingum heldur fjallar hún um markaðsvædd hagkerfi þar sem allir a.m.k. byrja sem jafningjar (WillySutton leiðréttir mig ábyggilega ef þetta er rangt).

Phoca

ps. ég er ekki “samfylkingar kelling” en ef það að vera á móti ofbeldi felur það í sér þá skal ég glaður titla mig Samfylkingar kerlingu.

Það er einn kostur við löglegt vændi, þá er mun auðveldara að hafa eftirlit með þessu og hægt að setja einhverjar heilbrigðisreglur varðandi þennan “iðnað”. Einnig yrði erfiðara að neyða fólk í vændi.

Sá einmitt aðra auglýsingu í gær. Man ekki alveg hvernig hún hljóðaði.
Mikið til í þessari auglýsingu.

Ég vil fyrst taka fram að ég er á þeirri skoðun að vændi eigi að vera löglegt fyrir alla. Hins vegar sýnir þessi röksemdafærsla enn og aftur hve grunnir hugsuðir eru í þessu félagi.

We live in a free world!!

Mér finnst að vændi eigi að vera löglegt, það minnkar vald svokallaðra dólga, minnkar hættu á ýmsum sjúkdómum, minnkar hættuna á að þær sem selja sig séu beittar ofbeldi og skapar réttindi til handa þeim sem ákveða að selja sig.

Ef vændi er löglegt þá skilst þá frá hinum svokölluðu undirheimum og þarf alls ekki að vera svo slæmt.

Þetta er spurning út frá hvaða siðferðissjónarmiði við skoðum þetta. Eigum við að láta gamlar kreddur sem fylgja kristni og segja að þegar kona skilur við manninn sinn sé hún að drýgja hór?? Það er þaðan sem orðið hóra er komið. Þar sem við erum nýstigin inní 21. öldina finnst mér að við eigum að leggja af svona hugsunarhátt sem var skapaður fyrir alltof löngu síðan og á engan veginn við í dag.

Fólki er frjálst að gera hvað sem það vill við sinn líkama og sína sál. Nú vilja menn t.d. fara að banna box aftur því það fékk einn gæji blæðingu inn á heila um helgina.

Ég segi að hann var þarna af fúsum og frjálsum vilja og við getum ekki bannað honum það svo lengi sem hann er ekki að skaða aðra.
Aðhyllumst nytjahyggjuhugsunarhátt, það sem ekki skaðar aðra en þann sem framkvæmir, og sá framkvæmir af fúsum og frjálsum vilja, á að vera leyfilegt. Og ef vændi er gert löglegt þá leiðir það af sér miklu meiri hamingju en óhamingju en ef það er hins vegar ólöglegt er það bara böl!

kv.guru

Brysiva:

Í raun ætti það ekki að vera undir mér eða þér komið hvað annað fólk má gera við eigin líkama. En það er þó ágætt að þú skulir ekki setja þig upp á móti því að annað fólk selji kynlífsþjónustu af einhverju tagi.

Vandamálið er ekki að fólk sé á móti vændi eða vilji uppræta það. Vandamálið er að fólk beitir ríkisvaldinu til að þvinga síðum skoðunum upp á aðra, og skapar þannig mjög mörg vandamál sem glæpamenn geta nýtt sér til að græða á, td með því að neyða konur í ánauð.

Ekki hlynnt.

Allt í lagi að tala um lögleiðingu vændis útfrá verndarsjónarmiðum, sem þó hafa ekki náð að skila sér til einstaklinga í neyð þarsem vændi hefur verið löglegt, en að tala um þetta eins og þetta sé jafn sjálfsagður hlutur eins og að leyfa fólki að vinna við að pússa skó eða spila á fiðlu er bara algjörlega úr takt við raunveruleikann.

Til þess að takast á við vandamál er algjört lágmark að byrja að koma auga á þau, en ekki skýla sér bak við einhverja ofurfagra og einfeldningslega frjálslyndisstefnu.

Eins og kom fram á undan þá er ég á móti vændi en ætla ekki að tjá mig frekar um ástæðunar. En hafið þið hugsað þessi rök sem sett eru fram í greininni til enda. Jafn auðveldlega má segja:

“kynlíf er löglegt”
“Börn eru lögleg”
“þessvegna ætti kynlíf með börnum að vera löglegt”
“frjálshyggju félagið”

Nú held ég að flestir sjokkerist en í raun er þetta sami hluturinn, bara næsta skref. Það má alveg beita sömu rökum til að réttlæta þetta og hafa verið tínd til áður. Krakkarnir vilja þetta og hverjum kemur það þá við, sem allir vita að er ekki raunin. Þetta náskyld ástæðunum sem leiða konur í vændi. Þær eru þvingaðar út í þetta af ytri ástæðum og eins og bent var á fyrr það er engin 5 ára stelpa sem segir: “Ég ætla að verða vændiskona þegar ég verð stór”.

Frjálshyggju guttar beitið nú heilanum í að halda einhverju fram sem frjálshyggja á við eins og minnkun ríkisafskipta, frjálsan heimsmarkað, einkavædd heilbrigðiskerfi og öll þau leiðindi.

Phoca

Farðu inn á http://domsmalaraduneyti.is/interpro/dkm/dkm.nsf/pages/ upplysingar lestu skýrsluna um vændi og félagslegt umhverfi þess. Þá skilurðu afhverju “samfylkingarkellingar” eru að röfla.
Kveðja
Nishanti

Það má vel vera að 99.9% vændiskvenna hafi verið misnotaðar í æsku og séu háðar eiturlyfjum en ég bara sé ekki að það muni bæta neitt hjá þeim að banna þetta.

Þessar samfylkingarkellur ættu frekar að einbeita sér að því að gera eitthvað til að hjálpa þessum konum til að hætta þessu líferni frekar en að reka þær ennþá lengra inn í undirheimana.

Tók eftir því að það er engin hérna sem minnist á það, að á ísland eru það frekar karlmenn sem leiðast út í vændi. Að mínu mati er vændi á Íslandi að stórum hluta afleiðing þess að eyturlyf eru ólögleg og undirheimabraskinu sem þeim fylgir.

Bílskúrsmellan svokallaða er ekkert einsdæmi hér á landi en þær eru ekki margar sem stunda þetta jafn skipulega og hún gerði.

Leyfa vændi vændiskvennana og karlana vegna, en refsa hórmöngurum sem ég tel vera fyrirlítileg sníkjudýr.

Maður má heldur ekki gleyma að vændi verður alltaf til staðar hvort sem það verður bannað samkvæmt lögum eða ekki. Ef vændi er bannað kemur starfsemin einungis til með að sökkva dýpra undir yfirborðið. Auðvita mundu einhverjir draga í landa og hætta starfseminni og kaupendum myndi fækka en þeir sem eru verst staddir og þeir sem eru mest desperet til kaupanna munu alltaf finna sér leyð. Niðurstaðan: færri stunda vændi, þær sem mest eru til neyddar halda áfram halda áfram að stunda vændi, kaupendur sem eru mest desperet kaupa (sem ég held að séu líklegri til að beita misnotkun), ríkið fær engar tekjur, ekkert eftirlit er með seljendum og kaupendum sem sagt við björgum ekki þeim sem “til neyddir” eru í vændi úr því. Kynlíf í sjálfu sér er ekki slæmt og auðvitað er hægt að sjá það með rómantískum blæ það er bara einstaklings bundið. Sumir líta bara á kynlíf með svipuðum augum og nudd, líkamleg snerting sem er skemmtileg, veitir manni unað og losar um spennu (btw ekkert af þessu er endilega mín skoðun ), sem sagt góða tilbreytingu á deginum og þurfa ekki að bíða eftir helginni verða fullur og reyna að ná sér í einhverja kellingu á næsta bar. Ef það verður aftur á móti löglegt mun kaupendum og seljendum fjöga, ríkið fær tekjur, hægt er að hafa eftirlit með seljendum og hugsanlega banna þeim að stunda vændi sem annað hvort eru í dópi eða ekki í andlegu ástandi. Það er síðan ekki jafn freistandi fyrir þá aðila að leiðast út í vændi án leyfis þar sem verð á vændi kemur til með að lækka mikið verðið það löglegt og hver vill kaupa vændi ef þeim sem ekki er með leyfi vitandi af mögulegum sjúkdómum og öðru slíku.
Þetta er bara smá pæling ég er ekki að segja að það sé betra að lögleiða vændi það fylgja því kostir og gallar sem þarf að bera saman og nýta sér reynslu erlendis. Mér finnst allavega pirrandi þegar fólk lítur niður á þá sem hugleiða lögleiðingu vændis eins og þeir séu einhverjir perrvertar og karlrembur.

sorry með stafsetningu…ekki mín sterkasta hlið ;)