tar fyrir 23 árum, 9 mánuðum Fjöldi lestra: 166

Skatta-bananalýðveldi

Þeir sem ekki eru farnir að búa átta sig kannski ekki alveg á því hversu mikið þeir þurfa að
borga til þess að lifa á þessu skeri :). Ég er með ca. 135.000 kall útborgað (heildarlaun 200.000). Ég keypti íbúð í fyrra (mína fyrstu)
og borgaði þar 67% af andvirði íbúðarinnar út og skulda hin 23%-in. Ég borga alltaf 48.000 krónur á mánuði
í reikninga hjá greiðsluþjónustu Íslandsbanka en það eru þó nokkrir reikningar sem ekki eru inni í greiðsluþjónustunni
eins og sími, bílatryggingar o.fl. En í gær var mér öllum lokið. Ég fékk reikning upp á eignaskatt. sem hljóðar upp á meira en 7.000 krónur á MÁNUÐI.
Ég borga s.s. 15.000 krónur í afborganir á íbúðarlánunum og 7.000 krónur í eignaskatt. Þar með er afgangurinn af laununum sem mér þótti nú bara sómasamleg ekki nema rúmlega 70.000 sem á að fara í mat fyrir 3 og aðrar nauðsynjar. Hversskonar bull er þetta.

Þarf maður að marg borga skattana í þessu landi. Ég hef því miður tvisvar gengið í gegnum missi ástvina og þekki það ferli ágætlega.
Þrátt fyrir að manneskja eyði öllu lífi sínu í að borga skatt af því sem hún hefur eignast eins og við öll gerum þá þarf erfingi samt sem
áður að borga *10% (þ.e. ef þú ert barn viðkomandi, ef þú ert barnabarn geri ég ráð fyrir að stofninn sé hærri) í skatt af því sem marg oft er búið að borga skatt af. Þetta er svo út í hött að það nær engri átt.

Skatturinn tekur 40% af laununum, 24,5% af öllu sem við kaupum fer í skatt, þú verður að borga ríkíssjónvarpið ef þú átt
sjónvarp (ekkert annað en skattur), eignaskatt (sem er greinileg ekkert djók), erfðaskatt (ef þú ert það óheppin), tekjuskatt, bílagjöld svo ég minnist ekki á
að 70% af verði bensíns er skattur, hundagjöld :)… Er ég að gleyma einhverju?

Er fólk alveg sátt við þetta fyrirkomulag? Er einhver réttlæting í erfðaskatti eða eignaskatti? Loksins þegar þú ert búinn að eignast eitthvað
þarftu þá að gefa ríkinu smá af því mánaðarlega. Ég get bara ekki sætt mig við þetta.

*Miðað við að heildararfur sé meira en 3,7 millj. annars 5% og fer stig hækkandi frá 731 þús.

daxes fyrir 23 árum, 9 mánuðum

Þú átt of mikið…..

Skuldaðu meira…það er lausnin.

Helvítis rugl..fólki er refsað fyrir að geta staðið í húsakaupum án þess að skuldsetja sig upp fyrir haus.

Fyrra álit

Gourry fyrir 23 árum, 9 mánuðum

Íslands er rotið og ógeðslegt land. Það þarf að laga það. Sprengja undirstöðuna og flytja okkur sunnar í heitari híbýli. Kannski sameinast við einhverja aðra þjóð svo að ríkið haldi kjafti. Og að lokum myndum við Grískt alþingi sem hefur um 500 þingmenn sem eru skyldugir að þjóna eitt ár.

Það þyrfti alla vega að umturna einokunarráði eða hvað sem það heitir. Kenna ríkisstarfsfólki á nútímatækni eins og síma eða tölvu, svo að það hætti þessu bréfbera rusli sem tekur heila öld jafnvel þótt að viðkomandi sé í næsta herbergi. Íslendingar þykjast vera svo mikil samtíma þjóð og hversu vel við fylgjum þróun annarra landa en þegar litið er svo á ríkisstjórn okkar þá er augljóst að það er ýmist sem hefur gleymst að breyta.

Hví sameinumst við ekki og hótum ríkisstjórn ef að breytingar verða ekki, að við einfaldlega flytjum frá Íslandi. Ég geri það ef það verða engar breytingar á stjórnarfarinu hér.

Og hvað er í gangi með að íslensk fyrirtæki gera ekkert nýtt? Afhverju í fjandanum gera þau ekkert annað en að herma eftir hinum. til dæmis tölvufyrirtæki, I lost count yfir hve mörg fyrirtæki eru að gera farsímalausnir.

[------------------------------------]

Fyrra álit

dork fyrir 23 árum, 9 mánuðum

Það er rétt þetta með farsímalausnirnar og þess háttar. Það eru líklega 2 af hverjum þrem tölvufyrirtækjum að búa til lausnir fyrir farsíma eða internet. Þetta er bóla sem að á eftir að springa og ég hlakka til að sjá þegar að það gerist.

Fyrra álit

Cruxton fyrir 23 árum, 9 mánuðum

“Fólki má skipta í tvo hópa. Annar hópurinn heldur því fram að ríkið eigi að sjá öllum þegnum sínum farborða. Hinn fær ekki skilið hvers vegna öllum þegnum þjóðfélagsins sé gert skylt að halda ríkinu á floti.”

Ókunnur höfundu

“True words are never spoken”

Fyrra álit

Gourry fyrir 23 árum, 9 mánuðum

Allt í lagi að við borgum eitthvað, ég er ekki að segja að við ættum að láta það sjá um okkur án fjármagns, en það má eflaust finna betri leiðir en að mjólka lítilmagnann til dauða. Alveg ótrúlegt hvernig þeir fátæku verða fátækari en þeir ríku gera það sem þeir vilja. Afhverju þarf maður með 80.000 kr á mánuði borga allt sem hann á meðan einhver ríkisbubbi tekur korn af sínum auðæfum.

You want quotes :)?
“You question my right to kill one thousand people? Who gave those one thousand people the right to live?”
Höfundur mjög ókunnur.
Dáldið ógeðslegt quote en samt algjör snilld.

“Survival of the fittest” Afhverju þarf það að gilda í nútímaþjóðfélagi?

[------------------------------------]

Fyrra álit

Ruggi fyrir 23 árum, 9 mánuðum

Það er alltaf verið að kvarta yfir því að þeir fátæku verði fátækari og ríku ríkari.

Ég vildi ekki búa í þjóðfélagi þar sem þeir ríku geta ekki orðið ríkari. Hver segir til um það hvenær þú sért orðinn nógu ríkur og eigir ekki að geta eignast meira?
Á að vera eitthvað þak þar sem allar tekjur eftir það eru skattlagðar 100% ?

Fyrra álit

mAlkAv fyrir 23 árum, 9 mánuðum

Þetta með hinir ríku verða ríkari og hinir fátææku verða fátækari er ekki slæmt af því að hinir ríku verða ríkari heldur af því að þeir níðast á hinum fátæku til þess og það leiðir til að hinir fátæku verða fátækari.

<A href="

Fyrra álit

Gourry fyrir 23 árum, 9 mánuðum

Gerumst bara öll kommúnistar. Ég held að það sé auðveldasta leiðin.

Nei nei ég er ekki að segja að það eigi að vera þak þar sem þetta er nú frjálsmarkaður og sumir verða ríkir einfaldlega út af því að þeir voru hugsjónasamir og unnu hörðum höndum að fyrirtæki sínu, eins og til dæmis Friðrik Skúlason.

Svo eru aftur á móti apakettir eins og Guðjón í OZ sem sýgur í sig peninga. Kaupir sér fáránlega hluti eins og gullhúðaðar fílabeinsdyr eða eitthvað álíka. Á meðan Hlutaeigendur OZ spyrja “hvar eru peningarnir mínir?” þá er hann að leika sér í matador.

Mér finnst ógeðslegt að það séu til svona manneskjur sem græða peninga á því að gera varla neitt.

Það ættu allir að fara að fordæmi Frikka Skúla. Jafnvel þótt að hann eigi slatta af peningum þá er hann samt að vinna frá 9 um morguninn til klukkan 1 um nótt. Honum er annt um starf sitt. Annað sýnist mér á Guðjóni.

[------------------------------------]

Fyrra álit

Ize fyrir 23 árum, 9 mánuðum

tar,taktu lán útá íbúðina og legðu peningana inná verðtrygðann bankareikning.Þannig losnar þú við eignaskattinn,færð vaxtabætur(sem við hin borgum að sjálfsögðu)og græðir á vaxtamuninum(þú getur nefnilega fengið hærri vexti í bankanum en húsnæðislánin bera)Þekking er máttur,í guðanna bænum kynnið ykkur skattalögin út í gegn.(Veit að það er hundleiðinlegt en það margborgar sig)
Kveðja,IZE

Fyrra álit

lhg fyrir 23 árum, 9 mánuðum

Þú færð ekki vaxtabætur af láni sem þú bætir við á íbúðina, það er alla vega mín reynsla. Þú þarft að skipta um íbúð og taka eins mikil lán á hana eins og hægt er.

Fyrra álit

lhg fyrir 23 árum, 9 mánuðum

Jafnvel þó einhverjum dytti það í hug að setja eitthvað þak þar sem allar tekjur eftir eitthvað ákveðið yrðu skattlagðar 100% þá myndi það hreinlega ekki virka vegna þess að fólk myndi þá bara ekki vinna meira en upp í þá fjárhæð. Maður sem ég þekki er læknir og var að vinna í Svíþjóð. Þar fór hæsta skattþrepið upp í 80% og það voru hreinlega vandræði að fá lækna til að taka aukavaktir ef það vantaði því það vill náttúrulega enginn vinna aukavinnu á 20% launum.

Svo er ég viss um að þeir ríku myndu finna leiðir til að koma sínum pening undan eða þetta yrði leyst með að borga einhver hlunnindi ofan á laun sem ekki væri hægt að skattleggja.

Fyrra álit

Ize fyrir 23 árum, 9 mánuðum

tar,ég gleymdi erfðaskattinum.Til að losna sem best undan honum á að selja eignir dánarbúsins og kaupa hlutabréf fyrir peningin á sem hæstu gengi.
Það þarf nefnilega bara að borga erfðaskatt af nafnverði hlutabréfa,ekki af raungengi.
Dæmi:Eign dánarbús 1000.000kr.Keypt er hlutabréf á genginu 50.Nafnvirði bréfanna væri þá
1000.000/50=20.000.Semsagt þú værir að fá 20.000kr í arf frá dánarbúinu og þyrftir því aðeins að borga 10% af þessum 20.000kalli sem er aðeins 2.000kr.Það er aðeins betra en 100.000kr.
Einsog ég sagði þá er þekking máttur.
IZE

Fyrra álit

mAlkAv fyrir 23 árum, 9 mánuðum

Ize=Endurskoðandi?

btw er það bara mér sem finnst ekkert vit titlinum á þessarri grein?

<A href="

Fyrra álit

Ize fyrir 23 árum, 9 mánuðum

Nei,malkav,ég er ekki endurskoðandi,ég er bara einn af þeim sem tollstjórinn i Reykvavík hefur gjörsamlega tekið í rassgatið fyrir smáaura.Hef snúið vörn í sókn með því að kynna mér skattkerfið og nota hverja þá smugu sem til er.(Þær eru annsi margar,hvernig heldur þú að Jón Ólafasson Skífuni fari að?Uppgefin laun hans árið 99 voru einungis 40.000 á mánuði)Ég er alltaf að læra eitthvað nýtt þrátt fyrir að hafa stúterað þetta í alllangan tíma.Þeir eru neflilega alltaf að breyta reglunum þessir andskotar.

Fyrra álit

Fluffster fyrir 23 árum, 9 mánuðum

Fjandi magnað Ize. Hvar getur maður nálgast þessar reglur?

I have a plan so cunning you could put a tail on it and call it a weasel!

Fyrra álit

gledigaur fyrir 23 árum, 9 mánuðum

Það sem þarf að gera til að fá bætur og breytingar á Íslenskum lögum er að sýna stjórnvöldum að fólkið sætti sig ekki við þetta með því að hætta að kjósa þá. Íslendingar eru alltof gjarnir á að velja sér flokk um 18 ára aldur og kjósa hann alla ævi án þess að pæla neitt í hvað flokkurinn er að gera. Þetta er það sem stjórnarskráin býður okkur með “lýðræðinu” sem ríkir hérna og þetta er það sem við þurfum að gera!

Fyrra álit

Gourry fyrir 23 árum, 9 mánuðum

Satt hjá þér. Sumt fólk fylgir öðru fólki blint.
Eða eins og þeir segja Blindur leiðir blindan.
Valdið okkar og einnig mistökin.

[------------------------------------]

Fyrra álit

[Notanda eytt] fyrir 23 árum, 9 mánuðum

Sjálfur er ég mjög mið-sinnaður og er því hlynntur því að taka hærri skatta af þeim sem hafa vel efni á því.

En það er líka nánast eingöngu hátekjuskattur, sem ég er fullkomlega sáttur við. Ég er í tölvubransanum sjálfur svo að ég geri mér grein fyrir því að ég þarf mjög líklega í framtíðinni sjálfur að borga hátekjuskatt, enda ekkert nema sáttur við það.

En þetta er rétt hjá þér sem þú ert að segja. Þetta er ekkert hátekjuskattur! 7.000 kall á mánuði til þess eins að halda í eitthvað sem þú ert sjálfur búinn að kaupa, er fáránlegt! Ég er mið-sinnaður, en ég er enginn andskotans kommúnisti, og það hljóta menn að vera sem eru samþykkir þessu rugli!

Ég segi það fyrir mig, að ég er alveg að spá í það að flytja af þessu skeri. :) Það borgar sig að vera aumingi hérna, og fólk sem vill annað, fer út. Fólkið sem meikar það hérna er fólk sem kemur til landsins, vinnur eins og skepna og fer aftur út til að eyða. Enda eina vitið.

Fucked up skattar, fucked up verð, fucked up gengi á Íslensku krónunni, og fucked up skynsamlegt að vera aumingi og/eða glæpon.

Fyrra álit

Stjórnmál

Stjórnmál

Ofurhugar

Stjórnendur

Hverjir eru inni

Greinar

Skatta-bananalýðveldi

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi