Ef ég kýs að mála vegginn minn svartan, mála ég hann svartan. Sálfræðingur getur sagt mér að það sé ekkert sniðugt upp á andlegt heilsufar mitt, en þegar það kemur til kastanna er það ég sem ákveð það. Reyni sálfræðingurinn að hindra mig í því að mála vegginn minn svartan með valdi, endar það líklega með því að annaðhvort drepur hann mig, eða ég hann.

Það ER heimskulegt að mála veggina sína svarta. Enginn er að mótmæla því. En hinsvegar eru menn í dag skítsæmilega sammála um það að það skiptir engu máli hvað varðar ákvarðanavald. Ef mér andskotans sýnist að mála veggina mína svarta, þá geri ég það og annað fólk verður bara að lifa með því.

Almúginn þarf einfaldlega að fá að vera heimskur í friði, og taka sínar heimskulegu ákvarðanir þegar svo ber undir, kjósi hann að gjöra svo.

Það nefnilega kemur þér andskotann ekkert við hvað ég geri við mína veggi, eða mitt hass, eða hvaðeina. Önnur saga væri það ef ég ætti haglabyssu eða gereyðingarvopn. Mitt líf er mitt líf, þjóðar líf er þjóðar líf, og skal aldrei verða annars.

Enginn veit hvað er þjóðinni fyrir bestu. Hvorki almenningur né stjórnvöld. Yfirleitt er þetta spurning um verðmætamat, eins og t.d. Kárahnjúkavirkjun. Það er ekkert hægt að segja að hún sé þess virði eður ei, vegna þess að það fer algerlega eftir því hvort fólk metur meira; hagvöxt eða náttúru. Greind kemur því ekkert við, og það eru engar “réttar” ákvarðanir, eða “rangar” ákvarðanir. Eingöngu réttar eða rangar samkvæmt fyrirfram ákveðnum forsendum.

Og ÞAR komum við að kjarna málsins. Hver á svo að setja helvítis forsendurnar? Minnihlutahópur sem gerir það bókstaflega með valdi? Ég spyr en ætla að láta það í friði að svara sjálfur í bili.

Og núna eftir allt þetta raus (loksins, fyrir þá sem nenna actually að lesa þetta), þá ætla ég að koma að því hvernig þetta kemur grein þinni við. Hér er nefnilega sá greinarmunur kominn sem við skulum kalla hægri og vinstri í bili.

Hægrimenn vilja ekki að það sé miðstýrt vald sem hefti frelsi fólks og lýðræðið.

Vinstrimenn vilja ekki að það séu bara menn úti í bæ sem hefti frelsi fólks og lýðræðið.

Þegar allt er tekið saman, virðast nefnilega allir vilja það sama! Skítsæmilegt frelsi, skítsæmilegt lýðræði, skítsæmilegt heilbrigðiskerfi o.s.frv., en menn eru hinsvegar ekki sammála um það hvar það á að vera!

Svo mér er spurn! Skiptir þetta einhverju máli, hægri eða vinstri? Ef það eru fyrirtækin sem stjórna okkar lífi, hvernig er Kapítalisminn skárri en Kommúnisminn? Sure, það er ekki miðstýrt, en það breytir nákvæmlega engu, við yrðum nákvæmlega jafn kúguð ef margir hægrimenn fengju sínu framgengt. Og nákvæmlega sömu sögu má segja um vinstrimenn!

“Auðsöfnun” er hugtakið sem þú ert að leita að, félagi og bróðir. En auðvitað er hún skaðlaus. Glætan að menn geti nú notað peninga til þess að kúga aðra, ha? X-D, peningarnir yfir öllu! Fjandinn hirði heimskan almúgann, látum mennina í jakkafötunum um þetta!

Þeir eru jú svo andskoti gáfaðir eftir allt saman.

Ikeaboy69.

Mjög góð hugleiðing.

Raunin er sú að valdið er okkar, vald til þess að kjósa okkur leiðtoga, vald til að tjá skoðanir okkar á skipan mála.

Þróun samfélagsins byggist mjög á því hve við nýtum okkur þetta síðarnefnda.

Mismunur á launum verkamannsins í dag miðað við forstjórann í hans fyrirtæki er mun meiri en hann var fyrir tveimur áratugum c.a. sökum þess hefur myndast gjá milli stétta sem skattar hafa ekki leiðrétt svo nokkru nemi.

Við GETUM stofnað ný verkalýðsfélög ef okkur finnst þau félög er eiga að starfa fyrir okkur ekki lengur þjóna hagsmunum okkar.

Við GETUM líka bent opinberlega á það sem okkur finnst miður fara hjá fyrirtækjum og stjórnvöldum.

Öfgakapítalismi getur orðið að fasisma ekki hvað síst ef stjórnvöld í viðkomandi ríki sitja með hendur í skauti og horfa niður til almennings úr
Fílabeinsturninum, og prísa frjálsan markað semenginn er þar sem fyrirtæki hafa tekið sér
sjálfsvald til þess hafa aðlögun að lögum um samkeppni á fámennismarkaði. Fyrirtæki sem eru stór nöfn á hlutabréfamarkaði í viðkomandi landi, og greiða forstjórum sínum ævilaun verkamannsins í starfslokasamningum.

Á sama tíma eru hundruð manna á vergangi undir beru lofti með heilbrigðivandamál og eiga ekki í hús að venda, sem stjórnvöld eygja ekki sýn á ofan úr hinum háa Fílabeinsturni þar sem einglyrnið og aðdáunin er á
fjárfursta sem annaðhvort hafa öðlast ríkidæmi með stjórnvaldsaðgerðum eða með því að greiða sínu fólki í fyrirtækjunum nógu lítil laun án nokkurra andmæla verkalýðspostula sem hafa fjárfest í hlutabréfum í sömu fyrirtækjum úr lífeyrissjóðunum sem þeir hafa umsýlsu með í krafti stöðu sinnar.

kv.
gmaria.

Þetta er skemmtileg analógía hjá þér með stjórnskipulag fyrirtækja og fasismann. En samlíkingar eru ekki rök. Það er reginmunur á fyrirtæki og þjóðfélagi sem fer fyrir ofan garð og neðan hjá þér.

Það á einhver fyrirtækið. Sá sem á það ræður hvernig því er ráðstafað. Þeir sem gera vilja þess sem ræður eru einstaklingar sem fá laun í skiptum fyrir þá þjónustu. Menn gera og fá greitt.

Það á enginn þjóðfélagið. Undir fasismanum gera menn vilja þess sem ræður og fá ekkert í skiptum. Menn gera og sæta annars ofbeldi.

Ég trúi því að stórfyrirtæki muni líða undir lok áður en langt um líður. Sérðu ekki hvað er að gerast í BNA. Fólk mun fara að vinna fyrir sig sjálft á sínum eigin vinnutíma. Með lítil fjölskyldufyrirtæki sem að sjá þeim fyrir nauðsynjum en ekki auðæfum. Fólk verður sínir eigin herrar.