Þær voru reyndar 2

tran :

Og já Hirosima og Nagasaki voru ekki herstöðvar heldur iðnaðarborgir þar sem já voru framleidd mikið herdót t.d. herskip, en samt bara borgir með venjulegu fólki eins og Reykjavík.

Pearl Harbor var herstöð

tran :

Þú veist að það eru ennþá að fæðast þroskaheft og fötluð börn í Hirosima vegna geislunarinnar sem kom eftir þessa kjarnorkusprengju ?

Það var náttla ekki bara eitthvað fólk sem dó, heldur eru tug- ef ekki hundruð þúsunda manna veikt út af geisluninni og börnin þeirra og barnabörn… Það gerir þetta að “dálítið” verra glæp en hvað annað.

Þetta er ekki rétt hjá þér. Það fórust strax um 70.000 manns í Hirosima og um 60.000 manns í Nagasaki. Samanlagður fjöldi þeirra sem fórust í sprengingunum og af geislun eftir á er um 400.000 manns.

Það voru engar herstöðvar í þessum borgum þegar kjarnorkuárásirnar voru gerðar. Málið var það að bandarísk yfirvöld létu herinn hafa lista yfir nokkrar Japanskar borgir og sögðu þeim að gera árásir á einhverjar þeirra þegar færi gæfist . Þeir voru með tvær gerðir af sprengjum og átti að nota hvora þeirra á eina borg listanum.

Það sem allar þessar borgir áttu sameiginlegt var að það voru ekki nein hernaðarleg skotmörk í þeim. Þessar árásir höfðu því ekki neina hernaðarlega þýðingu og eru því einn versti stríðsglæpur veraldarsögunnar. Reyndar gáfust Japanir upp stuttu eftir þessar árásir og hafa þær því verið réttlættar með því að þær hafi komið í veg fyrir að þurft hafi að ráðast inn í Japan, sem hefði kostað mun fleiri mannslíf en kjarnorkuárásirnar.

Þessi röksemd heldur ekki vatni vegna þess að Japönum var löngu ljóst að stríðið var tapað áður en þessar árásir voru gerðar og tilkoma kjarnorkusprengnanna var því aðeins dropinn sem fyllti mælinn. Jafnvel þó við gefum okkur það að kjarnorkusprengjurnar hafi þurft til svo Japanir gæfust upp þá hefði ekki þurft að drepa allt þetta fólk til að sýna Japönum fram á tilvist kjarnorkusprengjunnar. Það var nefnilega tilvist kjarnorkusprengjunnar sem skipti máli en ekki kjarnorkuárásinrar. Það kom meira segja til greina að bjóða Japönskum hernaðarsérfræðingum til Bandaríkjanna og sýna þeim kjarnorkutilraunir í Nevada eyðimörkinni. Það hefði að öllum líkindum dugað til.

Ástæðan fyrir því að Bandaríkjamenn ákváðu að fara ekki þessa leið var sú að kjarnorkusérfræðingar þeirra vildu kanna eyðingarmátt kjarnorkusprengjunnar á mannvirkjum. Það hefði verið dýrt að byggja heila borg í Nevadaeyðimörkinni til þess eins að sprengja hana. Því var ákveðið að sprengja Japanskar borgir og skoða síðan eyðilegginguna eftir að stríðinu lyki. Ástæðan fyrir kjarnorkuárásunnum var því ekki sú að þær hefði þurft til að sannfæra Japani um tilvist kjarnorkusprengjunnar heldur var hér einfaldlega um kjarnorkutilraunir að ræða.

Jafnvel þó menn gengju svo langt að samþykkja að það hefði þurft að sprengja kjarnorkusprengju í Japan til að sannfæra Japani um tilvist sprengjunnar er ljóst að ekki þurfti að drepa eins marga og raunin varð á. Það hefði til dæmis verið hægt að sprengja sprengju á strjálbýlu skóglendu svæði þar sem sjá mætti fallinn tré á stóru svæði, sem hefði dugað til að sannfæra menn um mátt sprengjunnar.

Þó menn gengju enn lengra og segðu að þetta hefði ekki dugað heldur þyrfti að sprengja borg til að sýna mátt sprengjunnar þá hefði verið hægt að komast af með mun færri mannslíf. Það hefði verði hægt að sprengja einverja af þeim Japönsku borgum, sem voru með hernaðarmannvirki og höfðu orðið fyrir mörgum loftárásum fyrir og stór hluti óbreyttra borgara var því flúinn frá. Í stað þess völdu Bandaríkjamenn borgir sem ekki höfðu orðið fyrir loftárásum áður af því að það voru engin hernaðarleg skotmörk og því höfðu margir óbreyttir borgarar flúið til þeirra. Það kostaði því margfalt fleiri mannslíf að sprengja þessar borgir en ekki þær fyrrnefndu.

Þegar Bandaríkjamenn voru spurðir af því af hverju þeir hefðu gert þetta var svarið það að þeir hafi óttast að bandarískir stríðsfangar væru í haldi í herstöðvum og þess vegna hefðu þeir valið borgir með engar herstöðvar. Þessi röksemd heldur ekki vatni vegna þess að þeir voru búnir að gera margar loftárásir á þessar herstöðvar sem hefðu allt eins geta kostað stríðsfangana lífið, fyrir utan það að þeir höfðu fram að þessu ekki sýnt lífi og limum hermanna sína slíka virðingu fyrr í stríðinu. Þar að auki er útilokað að réttlæta það að drepa hundruðum þúsunda fleiri óbreyttra borgara til að forðast að drepa örfáa stríðsfanga.

Ástæðan fyrir þessu vali á borgum var nefnilega allt önnur. Þegar kom að því að velja skotmörk lögðu kjarnorkusérfræðingarnir áherslu á að valdar væru borgir sem ekki höfðu orðir fyrir loftárásum fyrr vegna þess að þeir vildu geta gengið út frá því að öll sú eyðilegging sem þeir sæju væri aðeins vegna kjarnorkusprengjunnar. Það myndi skekkja myndina ef hluti borgarinnar væri í rúst fyrir. Þetta er ástæðan fyrir því að allar borgirnar á umræddum lista voru án hernaðarmannvirkja. Allar Japanskar borgir með hernaðarmannvirkjum höfðu orðið fyrir loftárásum fyrr og voru því útilokaðar. Öll fórnarlömb árásanna voru því óbreyttir borgarar.

Árásin á Nagasaki var gerð þremur dögum eftir árásina á Hirosima þrátt fyrir að Bandaríkjamenn vissu það alveg að Japanir þyrftu einhverjar vikur til að meta stöðuna og taka ákvarðanir um uppgjöf út frá því. Ástæðan fyrir þessu var sú að búið var að framleiða tvær gerðir af kjarnorkusprengjum og kjarnorkusérfræðingarnir lögðu áherslu á að prófa þær báðar. Þess vegna var gerð önnur árás með hinni sprengjunni við fyrsta tækifæri til að ná því áður en Japanir gæfust upp, því ekki var hægt að réttlæta slíka árás eftir uppgjöf.

Niðurstaðan var sú að kjarnorkusérfræðingarnir voru ánægðari með Hirosima sprengjuna og þess vegna var hún hönnuð frekar og allar kjarnorkusprengjur í dag eru sömu gerðar og hún.

Það versta við þetta allt saman er að Bandríkjamenn eru haldnir algerri afneitun um þennan hræðilega stríðsglæp og því er Harry S. Truman enn hetja í þeirra augum þó í raun sé hann einhver versti stríðsglæpanaður veraldasögunnar fyrir að hafa sem forseti Bandríkjanna fyrirskipað þessar árásir. Afneitun Bandaríkjamanna er slík að þeir skilja ekkert í því af hverju Japanir vilja ekki biðja þá afsökunar á árásinni á Perl Harbour. Í þau skipti sem tillaga um slíkt hefur verið borinn fram á Japanska þinginu hefur þingið eðlilega gert kröfu til þess að Bandaríkjamenn biðjist fyrst afsökunar á kjarnorkusprengjunum þar sem það hafi verið mun verri stríðsglæpur. Þessu eru Bandaríkjamenn ekki sammála þeim um. Hver var annars að tala um flísina og bjálkann.

KARNORKUÁRÁSIRNAR HÖFÐU ENGA HERNAÐARLEGA ÞÝÐINGU HELDUR VORU AÐEINS KJARNORKUTILRAUNIR.