woodie fyrir 21 árum, 4 mánuðum Fjöldi lestra: 380

Borgarstjórinn og olíumálin

Það er eitt mál sem er stærra í umræðunni en önnur mál í dag, jú það er umræðan um borgarstjórann og olíumálin.
Hann upplýsti fyrrverandi borgarstjóra um stöðu mála varðandi hvernig hann kom að samningamálum borgarinnar annarsvegar og olíufélagsins hinsvegar. Eins og kom fram hjá forsætisráðherra þá veit hann hvort hann hefur svikið borgina eða ekki.
Hversvegna kemur borgarstjóri ekki fram og gerir hreint fyrir sínum dyrum, ef fyrrverandi borgarstjóri veit um málið þá hversvegna má minnihlutinn í borgarstjórn og almenningur ekki vita hvernig hann kom að þessu, hefur hann eitthvað að fela, þögn hans er alger í þessu máli, hversvegna, hann er í opinberu starfi, honum ber að segja almenningi frá því hvernig hann kemur að þessu máli, honum ber skylda til þess, almenningur á heimtingu og kröfu á því.
Að mínu mati verður hann að gera hreint fyrir sínum dyrum, almenningur mun ekki samþykkja annað.
Hvernig er staða talsmanns samfylkingarinnar, getur hún (isg) bara þagað þunnu hljóði og látið sem ekkert sé ? Ef eitthvað óhreint kemur í ljós er þá ekki isg meðsek fyrir að hylma yfir með honum ? Er Þórólfur hæfur til að krefjast skaðabóta fyrir hönd borgarinnar verið starfandi hjá Essó er samningurinn var undirritaður og undirritaður af honum sjálfum ?

Laufa fyrir 21 árum, 4 mánuðum

Og, af hverju sagði Ingibjörg ekki samstarfsaðilum sínum í R-listanum frá þessu?

Eyrún

Fyrra álit

geirag fyrir 21 árum, 4 mánuðum

Valsarinn:

Þótt ég sé enginn stuðningsmaður R-listans þá verð ég nú að taka undir eitt og annað sem hinn ágæti vélaverkfræðingur Þórólfur Árnason segir um sín mál. Frumskýrsla er frumskýrsla. Í henni koma ekki fram neinar fullyrðingar um hver braut lög og hver ekki. Þórólfur gæti vel hafa verið markaðsstjóri, ákveðið verð eða hreinlega fengið skipun að ofan um verð. Hann gæti hafa verið að svíkja borgina, eða gæti hafa verið sendiboði í því að svíkja borgina. Hann var ekki forstjóri og ekki í stjórn. Hann átti kannski og kannski ekki milligöngu um samráð en frumkvæðið hlýtur að hafa komið að ofan.

Það sem þessi svokallaða Samkeppnisstofnun þarf að rannsaka, með tilliti til þessara svokölluðu samkeppnislaga, er hverjir það voru nákvæmlega sem höfðu frumkvæði og vald til að ákveða samráð. Forstjórar og stjórnarmeðlimir eru þar efstir á lista. Þessari rannsókn þarf að ljúka og síðan ákveða hvort lög voru brotin, hvaða lög og af hverjum. Ef ég sendi hundinn minn yfir á rauðu gönguljósi þá er hann ekki sekur, heldur ég.

En svona ‘by the way’, þá finnst mér þessi samkeppnislög vera bölvuð ólög sem engum gagnast og síst neytendum. Hver ætli muni borga brúsann á endanum ef olíufélögin fá 4 milljarða króna sekt?

Fyrra álit

midgardur fyrir 21 árum, 4 mánuðum

geirag spyr: Hver ætli muni borga brúsann á endanum ef olíufélögin fá 4 milljarða króna sekt?

Ég held að það sé nokkuð ljóst að olíufélögin muni borga brúsann á endanum, það mun einfaldlega skapast svigrúm fyrir ný fyrirtæki á markaðinum, sem verða ekki fyrir barðinu á samráði gömlu félaganna sem eru samtaka um að halda uppi verðinu og halda öðrum nýjum félögum frá. Í þessu sambandi nægir að benda á Erwing Oil sem reyndi að komast inn á markaðinn, en olíufélögin beittu samtaka afli sínu að halda félaginu frá.

Við búum ekki í lokuðum heimi í þessum efnum. Það eru nægjanlega margir sem vilja komast inn á þennan markað og hasla sér völl, núna er lag fyrir þau, því ber að refsa þeim sem brutu samkeppnislögin harðlega, því það kemur niður á þeim en ekki neytendum. Samkeppnins stofnun er að sanna gildi sitt með þessu.

M.

Fyrra álit

[Notanda eytt] fyrir 21 árum, 4 mánuðum

En á endanum erum það við blessaðir neytenurnir sem borgum sektina ef olíufélögin vilja hafa það svo.

Þeir hafa tvo valmöguleika eftir að hafa greitt sektina:

1. Velta sektinni útí verðlagið á olíunni
2. Sætta sig við minni hagnað

Segðu mér nú hvort sé líklegra ?

Fyrra álit

midgardur fyrir 21 árum, 4 mánuðum

hreinbeck:
Komist önnur félög inn á markaðinn sem eru ekki í samtryggingu hinna, þá einfaldlega er gömlu félögunum ekki stætt á að halda uppi verðinu. Láttu ekki Davíð Oddsson rugla upp í þér, enda er maðurinn sá hagsmunagæsluaðili olíufélaganna.

M.

Fyrra álit

[Notanda eytt] fyrir 21 árum, 4 mánuðum

Ég er enginn vinur Davíðs. Það var Jóhannes Gunnarsson formaður Neytendasamtakanna sem að “ruglaði í mér” :)

Vonandi kemst nýtt félag á skrið áður en sektað er.

Fyrra álit

geirag fyrir 21 árum, 4 mánuðum

midgardur:

Neytendur munu borga brúsann á einn veg eða annan. Þú talar um að svigrúm muni myndast ef fyrirtækin sem fyrir eru fá stórar sektir sem neyða þau út í verðhækkanir. Vissulega er hátt verðlag svigrúm fyrir nýjan keppinaut, en ennþá hærra verðlag en nýji keppinauturinn sá fram á þýðir bara að hann getur hækkað sitt verð líka og áfram verið ódýrari. Það gildir því einu hvaða leikfimi er beitt: Neytendur munu borga sektir frá Samkeppnisstofnun á meðan þær beinast að fyrirtækjunum sem slíkum en ekki að þeim sem höfðu frumkvæði að meintum glæpum.

Fyrra álit

midgardur fyrir 21 árum, 4 mánuðum

geirag: Afhverju glata allir sjálfstæðismenn skynseminni frami fyrir rausinu í forsætisráðherra. Hann lifir í þeirri villu að við búum enn í lokuð og vernduð “samkeppnis” umhverfi. Það er alls ekkert verndað ef hinni pólitísku vernd er létt sviðinu. Esso og Skeljungur eru ekkert nema umboð fyrir þekkt vörumerki í bransanum.

Heldur þú að einhverjir aðrir geti ekki fengið umboð fyrir þessi vörumerki með stuðningi “alvöru” Shell, Esso og fleirri olíurisa sem hafa áhuga á að komast inn á íslenska markaðinn.

M.

Fyrra álit

geirag fyrir 21 árum, 4 mánuðum

midgardur:

Hvað í ósköpunum ertu að meina? Hvenær hefur Davíð sagt að séu milljarðar sognir útúr olíufélögunum þá muni það mjög auðsjáanlega lenda á neytendum? Ekki hef ég séð hann segja það þótt hann sjái þetta eflaust líka. Þú getur ekki klínt hinu augljósa upp á einhverja flokkspólitík. Ef þú sýgur milljarða útúr fyrirtækjum þá munu þau leitast við að ná þeim til baka.

Já auðvitað geta fleiri olíufélög byrjað hér á landi og selt vörur frá sömu erlendu risum, nú eða fundið nýja eins og Atlantsolía sem kaupir frá Statoil hinu norska. Ef það er allt þetta svigrúm sem andstæðingar jarðefnaeldsneytisseljenda vilja meina þá munu einhverjir grípa tækifærið, eins og dæmin sýna nú svart á hvítu.

Fyrra álit

havh fyrir 21 árum, 4 mánuðum

Þú getur ekki sagt að samkeppnislög séu ólög. Þessir menn brutu svo hrottalega af sér að háar sektir eru réttmætar. Ef bensínverð hækkar þá hækkar neysluvísitala. Ef neysluvísitala hækkar þá hækka lánin (m.a. lánin mín). Þannig að burtséð frá peninginum sjálfum sem fór til þeirra útaf samráði þá hefur þetta svo mikil áhrif inn í þjóðfélagið að það er ekki nema sanngjarnt að þeir fái að blæða.

Dóri

Fyrra álit

geirag fyrir 21 árum, 4 mánuðum

havh:

Heldur þú að sekt sem nemur 10% af veltu olíufélaganna, ef sekt verður gefin og hún verður svo há, muni ekki skila sér hressilega í verðlag á olíu og þar með til neysluvísutölunnar og þar með lána þinna? Það máttu bóka! Þú læknar ekki hátt verðlag vegna samráðs með því að fjársvelta þann sem hækkaði verðið og þannig neyða hann til að hækka verðið - meira!

Ég ætla að kalla samkeppnislög ólög og bakka ekki með það. En úr því við höfum þessi lög, eins og mörg önnur lög í þessu landi sem ég kalla ólög, þá vil ég amk sjá þeim beitt á réttan og skynsaman hátt, en ekki með einhvern hefndarþorsta í augunum sem kemur fljúgandi eins og búmerang í hnakkann á okkur á endanum.

Fyrra álit

[Notanda eytt] fyrir 21 árum, 4 mánuðum

geirag
jæja - þarna fékkstu plús í kladdann hjá mér fyrir að vera samkvæmur sjálfum þér.
Það er sjaldgæfur eiginleiki og kostur jafnvel þó maður sé ekki á sama máli.

Fyrra álit

Kagemusha fyrir 21 árum, 4 mánuðum

Þórólfur Árnason játar í Mbl. í dag á sig samsekt í glæpsamlegu athæfi. Honum er því ekki sætt sem borgarstjóra fyrr en búið er að leiða þetta mál til lykta.

Taka skal fram að hér talar stuðningsmaður R-listans.

Fyrra álit

Stjórnmál

Stjórnmál

Ofurhugar

Stjórnendur

Hverjir eru inni

Greinar

Borgarstjórinn og olíumálin

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi