Já það er hreint óþolandi hvað Háskólinn fær lítinn pening. Það er búið að vera að byggja náttúrufræðihúsið í nokkur ár og sér ekki fyrir endan á því. Frekar að eyða peningunum í menntun heldur en í jarðgöng út um allt land sem eru ekki hagkvæm.

Heimtar að eitthvað verði gert í málinu? Og leið þín til að fá endurbætur er að skrifa grein á Huga? Kannski þú ættir að prufa að skrifa Birni Bjarnasyni bréf frekar, hann er alveg ágætur í brégasamskiptum, fín kall, ætti samt ekki að vera í pólítík, leiðindaskoðanir hjá honum alltaf,

Málið er bara að Sjálfstæðisflokknum er sama um menntun, þeir vilja að allir borgi menntun sína sjálfir og er alveg sama þó að sumir geti það ekki. 10 ár með Menntamálaráðherra úr Sjálfstæðisflokknum er að eyðileggja menntakerfið.

Ég sé ekki að hinir háskólarnir fái eitthvað meira en þú verður náttúrulega að athuga að þeir hafa ekki á bak við sig fjáröflunnarmaskínu eins og HÍ, hinir skólarnir fá ekki peninga frá okkur sem hafa framið hafa þann glæp að vera trúlausir. Ef þú vilt gera eitthvað þá gætirðu byrjað á því að segja þig úr þínu trúfélagi og fengið aðra til að gera það sama (ekki mínhugmynd, þetta kom fyrst fram fyrir nokkrum árum).

Ég er í Iðnskólanum í Reykjavík á Tölvubraut. og mér finnst í raun að sá skóli sé líka fjársveltur. ég held í raum að allir skólar séu fjársveltir í þessu landi. sem sýnir stefnu stjórnvalda í menntamálum. T.d er Iðnskólinn eini skólinn sem kennir einhverja iðn. og ég ef heirt kennarana vera að tala um að það þyrfti að endurnýja rennibekki og fleiri búnað. því búnaðurinn sem er í skólanum er orðin úreltur.

Og í raun finnst mér fólk einbílna of mikið á þetta stúdents nám. mér hefur alltaf fundist að stúdents nám sé fyrir þá sem ætla í háskóla.

Og það er reyndar annað sem fer meira í taugarnar á mér og það er ekki hægt að fá námslán ef maður stundar nám á tölvubrautinni. samt er þetta nám svipað og rafeindavirkjun. svo er hægt að fá námslán í háskólanum til að læra um stefnu franskar bókmennta eða eitthvað álíka kjaftæði,

Ótrúlegt hvað það er lítið gert í þessum málum, ég er í mh og þar er ekkert íþróttahús en það er búið að taka fyrstu skóflustunguna að því fyrir nokkrum árum, ekkert smá fáránlegt, mér er að vísu alveg sama um þetta íþróttahús en okkur var lofað að það yrði tilbúið haust 2001 þegar ég byrjaði haustið 98 og við erum úti í leikfimi.

Ég verð að segja það fyrir mig að það kom mér á óvart hversu megnugur hann Björn Bjarnason hefur verið sem menntamálaráðherra. Einn af mjög fáum sem mér finnst nokkurt vit í. Ég skil það mjög vel að hann vilji styrkja stöðuna úti á landi, vegna þess að þróunin er sú að allir eru að yfirgefa dreifbýlið, sem er mjög slæmt. Það er mikilvægt að koma upp atvinnurekstri og haldbærri menntun þarna úti í rassgati.

Aftur á móti er ég þér hjartanlega sammála með það að almennt, hvort sem talað er um grunnskóla, menntaskóla eða háskóla, er algerlega óviðsættanlega lítið fjármagn sett í menntun og fræðslu. Þetta á við um nánast allar menntastofnanir sem ég hef kynnst. Nema reyndar Verzló, enda einkarekinn skóli og algert kapítalistabæli, rándýr og allt það, svo að það er ekkert hægt að hæla Ríkisstjórninni fyrir það.

Það er rétt að gríðarlegt fjármagn fer árlega í menntakerfið okkar. Aftur á móti er það nýtt á fáránlegan hátt, og það mætti samt sem áður vera meira. Mér finnst Ríkisstjórnin ekki alveg gera sér grein fyrir því að þjóðinni er (samkvæmt minni bestu vitund, a.m.k.) mjög annt um fría eða mjög ódýra menntun, og á litlu landi eins og okkar viljum við ekki hafa þetta þannig að einungis krakkar ríka fólksins fái almennilega menntun. Mér finnst þetta oft gleymast í baráttu hægri-manna, og vera fullmikið ýkt í baráttu vinstri-manna. Punkturinn er að menntun *er* dýr, hún hefur alltaf verið það, og hún verður að vera það ef hún á að vera einhvers virði. Það er engin menntun frí, og ódýr og góð menntun er ekki bara bráðnauðsynleg, heldur gríðarlega öflugt vopn gagnvart til dæmis erlendum markaði. Reyndar gríðarlega öflugt vopn gagnvart nánast öllum kvillum samfélagsins.

En eins og svo oft, er þessi blessaða Ríkisstjórn okkar ekki mikið að pæla í því hvað *fólkið* vill. Meira að pæla í því hvað það heldur að fólkið vilji, hvað sem menn eru svosem að segja.

Ennfremur mæli ég með því að þú sendir honum Birni bréf varðandi þetta, á bjorn@centrum.is, þar sem ég er viss um að hann svarar þér og er ekki feiminn við að útskýra fyrir þér afstöðu sína. :)