gmaria fyrir 21 árum, 5 mánuðum Fjöldi lestra: 665

Hið opinbera.

Það er alvörumál þegar tekjustofnar sveitarfélaga standa ekki lengur undir lögboðnu þjónustuhlutverki þeirra hinna sömu, hvort sem um er að ræða mennta, heilbrigðis, eða félagsmál.

Hækkun skatta og gjalda á hinn almenna borgara vegna þessa af hálfu sveitarfélaga hefur verið tilfinnanleg undanfarin ár þar sem fullnýtt heimild til álagningar skattprósentu er fyrir hendi, þar sem mismunur búsetu í sveitarfélögum skiptir skattgreiðendum í hópa, jafnvel á fjölmennustu svæðum.

Hinn almenni borgari hlýtur að gera þá kröfu að fulltrúar hins opinbera við stjórn ríkis og sveitarfélaga tali sig saman um þessi mál svo hægt sé að uppfylla það lögboðna hlutverk sem ákveðið hefur verið í þágu borgaranna.

Það er ekki nóg fyrir alþingismenn að guma af lagasetningu ef framkvæmd laganna er engin í raun, og fjármagn ekki fyrir hendi, né heldur verður hægt að hrópa húrra fyrir sveitarstjórnarmönnum ef þeir hinir sömu reyna ekki að
fá fjármagn til þess að framkvæmd laga nái fram að ganga.

Við sem borgarar þurfum þvi að veita okkar kjörnu fulltrúum til ríkis og sveitarfélaga það aðhald að benda á hvar lögboðið hlutverk skorti, hvað varðar að skattekjur hins almenna skattgreiðenda teljist þjóna honum sem heild.

góð kveðja.

gmaria.

Moondance fyrir 21 árum, 5 mánuðum

Sælar,

Eins og þú hefir séð í Hafnarfirði, þá er verið að eyða peningum í að þrengja götur, og setja umferðarljós þar sem engin þörf er á þeim.
Peningum er eytt í listir og menningu, enda eru margir vinstrimenn mikið fyrir að spá í listir.

Svona smá hugleiðing hjá mér.

Kv.

Moondance

Ekki er hægt að miða siðferði í dag við siðferði áður fyrr.

Fyrra álit

KrHaMaster fyrir 21 árum, 5 mánuðum

List og menning er ekki eitthvað sem bara vinstri hliðin einbeitir sér að. Auk þess þá er menning mjög stórt hugtak.

Þessi umferðaljós eru sett á nokkra staði þar sem slys geta gerst. Eru líf hinna fárra ekki mikilvægari en smálúxus hinna mörgu. Fólk ekur oft hægar í gegnum þröngar götur.

Fyrra álit

Moondance fyrir 21 árum, 5 mánuðum

Sælir,

Jú auðvitað eru listir eitthvað sem við verðum að rækta. Spurningin er bara hversu ofarlega við eigum að setja það í forgangsröðun. Sérstaklega þegar bærinn er skuldum vafinn.

Með þínum rökum, þá væri það skynsamlegast að halda bara í gömlu mararvegina, þá myndi enginn keyra of hratt.

Nei án alls gríns, þá mætti taka þessi umræddu ljós úr sambandi eftir átta á kveldin. Og það að þrengja götur samfara auknum bifreiðafjölda er svipað eins og að það ætti að draga úr löggæslu vegna þess að glæpir væru að aukast.
Allir sjá rökleysuna í því, ekki rétt?

Kv.

Moondance

Ekki er hægt að miða siðferði í dag við siðferði áður fyrr.

Fyrra álit

KrHaMaster fyrir 21 árum, 5 mánuðum

Moondance

Oft þegar ég er að aka seint úti þá verð ég rosalega pirraður á ljósum þegar greinilega enginn er að keyra annar en ég. Á sumum stöðum þá mætti slökkva á þeim en ekki alls staðar.

Kannski ég taki upp ykkar sið og segja:
Kv.

KrHaMaste

Fyrra álit

gmaria fyrir 21 árum, 5 mánuðum

KrHaMaster.

Hvað með staði þar sem óhöpp, og tjón eru nær reglulegir viðburðir og ekkert er aðhafst ?

Fyrir skömmu fór sandflutningabíll út af við gatnamót Lækjargötu/Reykjanesbrautar við að forða árekstri vegna bíls sem var að beygja.

Sandflutningabíllinn lenti ofan í inngangi undirganga fyrir gangandi vegfarendur og mikil mildi að ekki varð manntjón af, en bílstjórinn slasaðist.

Hve mikið kostar þetta tjón ?

Hvað mörg tjón, hvar og hvenær ?

Hve oft ?

Hér er hægt að finna tölur án efa sem rök fyrir því hvaða forgangsverkefni ætti að sitja fyrir.

Ef sveitarfélagið hefur ekki efni á slíkri framkvæmd þá þarf ríkið að koma til, þannig að tryggt sé að bráðnauðsynlegir öryggisþættir samgöngumannvirkja séu fyrir hendi.

kv.
gmaria.

Fyrra álit

KrHaMaster fyrir 21 árum, 5 mánuðum

gmaria

Hve margir þurfa að deyja áður en einhver gerir eitthvað. Það er í raun synd og skömm að þetta verkefni sitji á hakanum fyrir göngum á Vestfjörðum, Siglufirði o.fl.

Gatnakerfið á Íslandi fær sinn skerf hjá ríkinu. Hvort er mikilvægara. Göng fyrir Flateyringa o.fl. svo þeir komist örugglega til Ísafjarðar á veturna, þ.e. ef göngin verða ekki teppt af snjó. Eða götuljós, brýr o.fl við slysagildrur á höfuðborgarsvæðinu og öðrum stórum bæjum.

Allt snýst þetta um fjármagn og hvert skuli setja peninginn í fyrst.

Þröngar götur á sumum stöðum svona eins og í íbúðarhverfum, þar sem börn leika sér oft á eða við göturnar. Síðan er náttúrlega sumir staðir sem ætti ekki að þrengja.

Ríkið hefur mikið af peningum, en jafnvel hinu auðugustu hafa ekki endalausa peninga. Sveitarfélögin hafa líka margar skyldur og mörg hver hreinlega ráða varla við þær. Hvað er til ráða, þegar hvorki er hægt að minnka eyðsluna né auka fjármagnið. Lán fresta vandanum en leysa hann ekki.

Kostnaður: dauðir hlutir kosta aðeins svo mikið en líf er ekki hægt að kaupa aftur þegar glatað er. Það verður líka að muna að ef settir eru meiri peningar í eitt þá verður að taka þá frá einhverju öðru. Þ.á.m. skattgreiðendum(þ.e hækka skatta)

Hvað leggur þú til gmaria að gert sé vegna aðgerðaleysis. Mótmæli? Safna peningum? Veggjald?(kannski svipað og er til umræðu í Bretlandi núna)

Fyrra álit

gmaria fyrir 21 árum, 5 mánuðum

KrHaMaster.

Fyrir það fyrsta ætti ekki að þurfa að koma til að fólkið þurfi að benda hinu opinbera hvort sem um er að ræða ríki eða sveitarfélög á atriði þar sem aðgerða er þörf.

Slíkar aðgerðir eiga einfaldlega að lúta skilgreindum skilyrðum
þar sem öryggissjónarmið vega þyngst og þar sem hægt er að benda á hvers vegna ein framkvæmd er sett ofar annarri.

Mér best vitanlega var búið að ákveða að setja Reykjanesbrautina í stokk og fá til þess samþykki vegamálayfirvalda fyrir síðustu kosningar en við kosningarnar komu aðrir flokkar að völdum sem vildu heldur setja hringtorg í stað stokks og framkvæmdin virðist hafa frestast við það atriði og satt best að segja hefi ég heyrt minnst á þessa framkvæmd í nokkurn tíma.

Ef til vill hefur það farið fram hjá mér !

kv.
gmaria.

Fyrra álit

ragur fyrir 21 árum, 5 mánuðum

Málið þarf að fara aftur í gegnum sama ferli og búið var að fara í. Það var allt tilbúið fyrir stokkinn bæði skipulag og fjármagn. En samfylkingin vill auðvitað ekki gera tillögur Sjálfstæðismanna að veruleika og lögðu því til þessa bráðbirgðalausn sem er hringtorgið. Við þetta er Hafnarfjörður farin aftur í röðinni þar sem það fjármagn sem okkur var ætlað er farið í aðrar framkvæmdir. Ég held að málið standi í grófum dráttum svona, best hefði verið að Sjálfstæðisflokkurinn hefði hafið framkvæmdir fyrir kosningar en þeir bjuggust víst ekki við því að Samfylkingin næði að mynda meirihluta.

Kv.
ragu

If fifty million people say a foolish thing, it is still a foolish thing.

Fyrra álit

gmaria fyrir 21 árum, 5 mánuðum

ragur.

Með öðrum orðum , enn sem áður pólítisk hagsmunatogstreita ( með fyrirvara um kostnað í þessu sambandi ) kann að hafa orsakað frestun á
bráðnauðsynlegum úrbótum.

Það er nákvæmlega þetta sem er óviðunandi að mínu mati varðandi þætti er lúta að öryggismálum sem þessum.

Það má deila um fjármagn í marga aðra hluti en slíkar framkvæmdir eiga að njóta forgangs í formi fyrirhyggju þar að lútandi.

Ef slík “ pólítisk ákvarðanataka ” er á ferð af hálfu sveitarstjórnarmanna þá lít ég svo á að
samgönguráðherra eigi að hafa yfirlit yfir öryggisþætti samgöngumannvirkja og geti þar gripið inn í varðandi forgangsröðun verkefna
í þessu sambandi, t.d. hvað varðar skilyrt fjármagn til framkvæmda.

Vilji til þess lýtur hins vegar að öllum líkindum einnig “ pólítískum áherslum ” þar sem sá flokkur er hlaut lýðræðislegan meirihluta í þessu bæjarfélagi er ekki sá sami og situr við stjórn landsins.

Ef ég man rétt þá tók það Reykjavíkurborg langan tíma að fá fjármagn til þess að bæta samgöngur í Grafarvog, afar langan tíma.

Þessu þarf að breyta, svo mikið er víst.

kv.
gmaria.

Fyrra álit

[Notanda eytt] fyrir 21 árum, 5 mánuðum

Það er hlutverk almennings að veita yfirvaldinu aðhald, við megum ekki sitja og horfa á og halda að við höfum ekkert um hlutina að segja!

Mín skoðun á þeim vanda sem steðjar að okkur varðandi slysagildrur í umferðarmannvirkjum á Íslandi er sú að tryggingafélögin ættu að koma að fjármögnun þess að fjarlægja þessa gildrur.

Tjóna- og bótasjóðir tryggingafélaganna stækka og gildna með hverju ári og er þar um verulegar fjárhæðir að ræða. Þar sem hinn almenni borgari er skattlagður um of með háum iðgjöldum trygginga, tel ég það eðlilega kröfu að þessi fyrirtæki taki undir með ríki og bæ við að lagfæra umferðarmannvirki víða um land. Tryggingafélögin hafa einnig félagslegum skyldum að sinna rétt eins og aðrir.

Mætti prófa að viðra þetta í næsta fréttatíma?

Farið varlega í umferðinni,

Helico.

Fyrra álit

gmaria fyrir 21 árum, 5 mánuðum

helico.

Mjög góð og tímabær hugmynd.

Að sjálfsögðu eiga þessi félög er starfa á hlutabréfamarkaði og hafa eigi að síður lögboðið hlutverk skyldutrygginga, einnig að taka þátt í forvarnarverkefnum svo sem uppbyggingu umferðarmannvirkja.

Það er óviðunandi og mjög óðeðlilegt, að félögin hafi frjálsar hendur með það að braska með fjármagn í sjóðunum í aðrar fjárfestingar en hið lögboðna hlutverk segir til um.

Hvað aðhaldið varðar þá veit ég svo sem sjálf vel
að slíkt er bráðnauðsynlegt til þess að virkja almennt lýðræði og vitund fyrir því í þágu almannahagsmuna.

kv.
gmaria.

Fyrra álit

ragur fyrir 21 árum, 5 mánuðum

Sæl gmaria

Jú, mikið rétt það er pólitísk hagsmunatogstreita sem gerir þetta að verkum. Mjög svo kjánaleg þar sem allir virtust mjög sáttir við stokkinn en íbúar í Setbergi eru aftur á móti mjög svo óánægðir með nýja fyrirkomulagið. Kostnaðurinn er auðvitað miklu meiri þegar verið er að endurskipuleggja sí og æ, verkfræðistofur hanna slíkar endurbætur og hönnunarkostnaður er því orðin gígantískur. Með því að fara í framkvæmdir eins og tillaga fyrrverandi bæjarstjórnar var þá hefðu mikill peningur sparast auk þess sem fjármagn var þegar komið í verkið frá ríkinu. En bráðabirgðalausn Samfylkingarinnar kostar vitaskuld mun meiri peninga til langs tíma litið þar sem um er að ræða bráðbirgðalausn auk þess sem hönnun á nýja bráðbirgðaskipulaginu er einnig kostnaðarsamt. Bæjarfélag sem skuldar það mikið að það mun taka bæjarfélagið allt að 30 ár að greiða niður skuldir, á að hugsa fram í tímann. Það eru bráðbirgðalausnir sem þessar sem kosta peninga og ég spái því þegar allt er komið til alls mun vitleysan kosta bæjarfélagið 5 ár í viðbót í niðurgreiðslu skulda. Niðurskurður Samfylkingarinnar er bara yfirhylming og plat þar sem þeir munu hamra á hversu slæm fjárhagsstaðan er út allt kjörtímabilið, láta líta út sem um niðurskurð sé að ræða en í raun hafa þau engin tök á stöðunni og hvað þá skipulagningu um framhaldið.

If fifty million people say a foolish thing, it is still a foolish thing.

Fyrra álit

gmaria fyrir 21 árum, 5 mánuðum

ragur.

Þetta er mjög sérstakt mál, svo mikið er víst.

Ég tel að breyting stjórnvaldsákvarðana sem þessarra eigi ekki að ná fram að ganga ef slíkt er hvoru tveggja í senn að ganga gegn forgangsröðun verkefna um bætt umferðarmannvirki, og þýði aukinn kostnað fyrir bæjarfélagið.

Sennilega vantar fleiri flokka í bæjarmálapólítikina.

kv.
gmaria.

Fyrra álit

binnibinni2456 fyrir 21 árum, 5 mánuðum

vegir eru gangslausir frekar að reka gufulestar sem keyra útum allt ; Þ

_________________________________________

Fyrra álit

gullij fyrir 21 árum, 4 mánuðum

“vegir eru gangslausir frekar að reka gufulestar sem keyra útum allt ; Þ”

Hafðu það heldur raflestir - fjandi mikil stækja af kola- eða díselreyknum.

Fyrra álit

gmaria fyrir 21 árum, 5 mánuðum

Sæll Moondance.

Já ég hefi orðið vör við það, en get ekki með góðu móti skilið hvers vegna þetta fjármagn er ekki lagt í Lækjargötu / Reykjanesbraut gatnamótin sem eru álika vandamál og Kringlumýrarbraut/Miklabraut í Reykjavík.

Listir og menning munu alltaf þrífast af sjálfu sér, hins vegar er sjálfsagt að stuðla að því að skapa aðstöðu fyrir listamenn af hálfu sveitarfélaga.

Forgangsröðun fjármagns til verkefna ætti að byggja á stöðluðu mati forgangsverkefna á vegum sveitarfélaga í landinu, hvað varðar að sinna lögboðnu hlutverki.

kv.
gmaria.

Fyrra álit

Stjórnmál

Stjórnmál

Ofurhugar

Stjórnendur

Hverjir eru inni

Greinar

Hið opinbera.

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi